اول پطرس 3:1 - کتاب مقدس به زبان لکی - گویش مرکزی

¹ هَرهُنَ، هُمَه اِاِ ژِنَل، فِربوبَر میردَه‌لتو بوئن تا اَرّیش بِری اژ کلوم خدا اطاعت نِمَهَن، بی‌یَگه چیئی بوشینو، وَه خاطر رفدار ژِنَلو ایمو بارِن،

اول پطرس 3:1 Iomraidhean Croise

مَتّی 18:15

«اَرّ بِرات گنات اَری کِ، بِچُتی اَرِه تک ئو اِ بِن ووژتو، خطاهِه بوشتی‌ئون. اَرّ چیِ گِرد قصَه‌ت، بِرات اِدوارَه آوِردِتَسَ دس؛

رومیان 10:16

مِنتائای اُوُ کُل گوشو نَگِرتَ ایی انجیلَ، اَرِیَگه اِشعیا پِخَمَرَ موشی: «اِاِ خداون، کی پِغوم ایمَه باوار کِردیِ؟»

رومیان 6:17

مِنتائای شگِر اَرِه خدا گه وَه‌یاآگه زمونی خُلُمَل گنا بینو، اِسگَه وَه تموم دل بینو‌نَسَ فِربوبَر تیَلیمی گه خدا سپارتیَس‌ئونتو.

رومیان 7:2

اَرِیَگه مِطابق شریعت، ژَن میردَه‌دار تا زمونی گه میردِه‌ی زِنیَ، ها ژیر تعهد ژَن‌ِپیایی او‌اِر، مِنتائای اَرّ میردِه‌ی بِمِری، ژَن اژ شریعت میردِه‌ی آزادَ ماو.

اول قرنتیان 11:3

مِنتائای مِم بِذانینو گه سر هر پیای، مسیحَ، سر ژَن، میردَه‌سی ئو سر مسیح خداءَ.

اول قرنتیان 14:34

ژِنَل باس اِنوم کلیسا بی‌کِش بِمینِن. اَرِیَگه صِلا قصَه کِردِنون‌ئون نانَ، بلکِم هَراَ جورَ گه شریعتَ موشی، باس فِربوبَر بوئن.

اول قرنتیان 7:16

اَرِیَگه اِاِ ژَن، اژ کوءَ مَذانین گه باعث نجاد میردَه‌ت نِموئین؟ ئو اِاِ پیا، اژ کوءَ مَذانین گه ژَنِت نجاد نِمِین؟

اَفِسُسیَل 5:33

خلاصَه هرکُم اژ هُمِه‌یش باس ژَنتو اِجور ووژتو دوس داشدوئی، ئو ژَن‌یش باس حُواس بوتی گه عزّت بِنی اَر میردِه‌ی.

کولُسیَل 3:18

اِاِ ژِنَل، فِربوبَر میردَه‌لتو بوئن، هُنَ گه اِنوم خداون لائقَ.

کولُسیَل 4:5

وَه‌گَرد مردِمی گه اژ کلیسا هانَ دِریر، وَه حِکمتا رفدار بِهَن، اژ هر مِجالی استفادَه بِهَن.

دوئِم تِسالونیکیَل 1:8

ئو اژ خدانشتاسَل ئو کسَلی گه اژ انجیل خداونمو عیسی فِربو نِمیَرِن، تقاصَ مَسینی.

عِبرانیَل 11:8

وَه ایمو بی گه ابراهیم وخدی دَوَت بی، اطاعت کِردی ئو چی اِرَه جای گه باس موئردیَ میرات، او بی‌یَگه بِذانی ویرِ کوءَ مَچو، کِردیَ دِریر.

عِبرانیَل 5:9

ئو وخدی کاملا بی، بیَ سِرآو نجاد ابدی اَرِه کُل کسَلی گه فِربون اَژینَ میَرِنی.

اول پطرس 1:22

اِسگَه گه وَه اطاعت اژ حخیخت، گیونَل ووژتو پاکتونا کِردیَ تا مِحبت بِرائی خالصتو داشدوئی، باس اژ تیَه دلا فِرَه یَکتِریتو دوس داشدوئی.

اول پطرس 3:2

وخدی رفدار پاک ئو خداترستونَ موئینِن.

اول پطرس 3:7

هَرهُنَ، هُمِه‌یش اِاِ میردَه‌ل، ژِنَل ووژتو بشتاسِن ئو وَه درکی گه اَژینو دیرینو زِنِه‌یَ گَردو بِهَن ئو وَه‌گَردو اِجور ظرف ظریفتِر وَه عزّتا رفدار بِهَن، اَرِیَگه وَه‌گَرد هُمَه وارثَل فیض ژییاینِن، تا چیئی نوا دوعائَلتو نَگِری.

اول پطرس 4:17

اَرِیَگه وخد اَوَه رَسیَ گه بِنیا داوری، اژ مال خدا بِنِری؛ ئو اَرّ بِنیا اَوَه اژ ایمَه مَنِری، اِسَه عاقویَت اونَلی گه اژ انجیل خدا اطاعت نِمَهَن، چَه ماو؟