اول پطرس 2:21 - کتاب مقدس به زبان لکی - گویش مرکزی

²¹ اَرِیَگه، هُمَه هَر اَرِه یَه دَوَت بینونَ، اَرِیَگه مسیح‌یش اَرِه هُمَه زجِر کیشیتی ئو سرمقشی اَرِنتو هُیشتی تا پا بِنینون اَر جاپا او.

اول پطرس 2:21 Iomraidhean Croise

مَتّی 10:38

هر کی صلیب ووژ هیزنِ ئو ناءَ تُرّ مِنا، لائق مِه نیَ.

مَتّی 11:29

دارِبرگ مِه باوژِن اَر مِلتو ئو اژ مِه تیَلیم بِگِرِن، اَرِیَگه مِه مِلوم ئو فِروتنِم ئو اِ گیونَلتو آسائشتَ مَگِرینو.

مَتّی 16:24

اَسَه ویر کِردیَ شاگردَلی ئو وِتی: «اَرّ کسی بِیتی باءَ تُرّ مِنا، باس ووژ حاشا کِ، صلیب ووژ بِگِریِ کول ئو باءَ تُرّ مِنا.

لوقا 24:26

آیا نَباس مسیح ایی عذاوِلَ بِکیشی ئو اَسَه بِچو اِنوم جِلال ووژا؟»

یوحنا 13:15

اَرِیَگه مِه وَه اَنجوم دائِن ایی کارَ، سرمقشمی داسَ بینتو تاگَه هُمِه‌یش هَرهُنَ بِهِینو گه مِه اَرِه هُمَه‌م کِرد.

یوحنا 16:33

یوئنَمَ وِتَ هُمَه تاگَه اِنوم مِه سِتارتو بِگِری. دنیا اَرِه هُمَه ماوَ جُور؛ مِنتائای بِیلِن دلِ‌دَرینتو داشدوئی، اَرِیَگه مِه بیمَسَ حریف ایی دنیاءَ.»

کارَل رسولَل 14:22

قویَتونَ ماءَ دل شاگردَل ئو اونَلو تشویقَ مَهَرد تاگَه بوسِن اَرسر ایمونو ئو موئِتو: «ایمَه باس وَه تیَمِل سخدیَل فِرِه، بِچیمَ نوم پاتِشائی خداآ.»

کارَل رسولَل 17:3

ئو خو دسگیرَ مَهَردِنی ئو ثابتَ مَهَردی گه لازم بی مسیح عذاو بِکیشی ئو اژ مِردیَل زِنیا بو. اوءَ موئِتی: «ایی عیسی‌ی گه اِلومَ مَهَمی اَرینتو، هَراَ مسیحَسَ گه باس بای.»

کارَل رسولَل 9:16

مِه نشونَ میَمی گه وَه خاطر نُم مِه چَنی باس جُور بِکیشی.»

رومیان 8:29

اَرِیَگه خدا اونَلی گه وِرِکار شناسیتی، هَرِ وِرِکار مَیِّن کِردِنی تا اِ شیوَه کُری اِربان، تا او اِنوم بِرال فِرِه، اول‌زا بو.

اول قرنتیان 11:1

اژ مِه سرمقشا بِگِرِن، هَراَ جورَ گه مِه اژ مسیح سرمقشَ مَگِرِم.

اَفِسُسیَل 5:2

ئو اِنوم مِحبت رفدار بِهَن، هَرهُنَ گه مسیح‌یش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.

فیلیپیَل 2:5

هَراَ فگِرتونَ داشدوئی گه مسیحْ عیسی داشدی.

اول تِسالونیکیَل 3:3

تاگَه هُیچ‌کس وَه خاطر ایی سخدیِلَ سُسا ناو. اَرِیَگه ووژتونَ مَذانینو گه ایمَه اَرِه یَه مَیِّن بیمونَ.

اول تِسالونیکیَل 4:2

اَرِیَگه مَذانینو چه حکمَلمونی وَه‌سونگَ خداون عیسی، داءَ هُمَه.

دوئِم تیموتائوس 3:12

اِراسی کُل کسَلی گه بِ‌ئون اِنوم مسیحْ عیسی وَه دینداری زِنِه‌ی بِهَن، عذاوَ موئینِن؛

عِبرانیَل 2:10

اَرِیَگه یَه سزاوار بی گه خدا، گه کُل چی اَرِه او، ئو وَه‌سونگَ او هَس، اَرِیَگه کُرَل فِرِه برَسِنیَ جِلال، کسی گه بانی نجادونَ وَه‌سونگَ عذاو، کاملا کِ.

اول پطرس 1:20

او وِر اژ یَگه بِنیا دنیا بِنِری مَیِّن بی، مِنتائای اِ ایی زمونَل آخِرَ وَه خاطر هُمَه ظاهر بی.

اول پطرس 2:24

مسیح ووژ گنائَل ایمَه اِ لار ووژ اَررُی صلیب گِرتیِ کول، تا ایمَه اَرِه گنا بِمِریم ئو اَرِه صالح‌بیئین زِنِه‌ی بِهِیم، هَراَ کسَ گه وَه زیَمَل او شِفاتو گِرتیَ.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،

اول پطرس 3:9

جوواو گَنیَ گَنی ئو دُشمینَ دُشمینا نیَن، بلکِم اِجالی، بِرَکت بارِنَ دس، اَرِیَگه هَر اَرِه یَه دَوَت بینونَ تاگَه بِرَکت بوءَ نَصُیتو.

اول پطرس 4:1

اِسَه اَرِیَگه مسیح اِنوم جسم عذاو کیشیتی، هُمِه‌یش هَرِ هُنَ فگِری ووژتو آمادَه بِهَن، اَرِیَگه هرکی اِنوم جسم عذاو کیشیَسی، دیَر کارَ گنا نِری.

اول پطرس 4:13

بلکِم اژ یَگه شیَریک عذاوَل مسیحَ موئینو خَوشال بوئن، تا موقَع ظاهربیئِن جِلال او وَه خَوشی دودَسمالَه بِگِرینو.

اول یوحنا 2:6

اَوَه گه موشی اِنوم اوءَ مَمینِم، باس هَراَ جورَ رفدار بِهِه گه عیسی رفدارَ مَهَردی.

اول یوحنا 3:16

ایمَه دوس داشدِنمو اژ یَه شناسیَ گه او گیو ووژ کِردیَ خِر ایمَه ئو ایمِه‌یش باس گیو ووژمو بِهِیمَ خِر بِرال.

مِکاشفَه 12:11

ئو اونَ وَه خوین وَرک، ئو کلوم شاتی ووژو فائق هاتنی اَری. اَرِیَگه گیو ووژو دوسو ناآشدیَ، جُ‌جُ تا مِردِن.