اول پطرس 2:12 - کتاب مقدس به زبان لکی - گویش مرکزی

¹² کردارتو اِنوم خِرِیهودیَل هُنَ وَه عزّتا بو گه اونَلی گه اَرضدتونَ موشِن ئو گَنَ‌کارَل هناتونَ مَهَن، وخدی کارَل خوتو بوئینِن، خدا اِ روژ دیئِنی جِلال دَن.

اول پطرس 2:12 Iomraidhean Croise

مَتّی 10:25

اَرِه شاگرد هَر یَه بسَ گه بو اِجور استاد ووژ ئو اَرِه خُلُم‌یش هَر یَه بسَ گه بو اِجور اَرباو ووژ. اَرّ کَلِنگ مال وَه بِعِلزِبول یانی شِطو هِنا کَن، چَنی ویشتِر وَه باقی اَل اَ مالَ گَنَ موشِن؟

مَتّی 5:11

«خَوزگالَ هُمَه، وخدی گه مردِم وَه خاطر مِه، دُشمینتون‌ئون دَن، آزارتو دَن ئو وَه دِرو، هر قصَه گَنتونی اَرضد بوشِن.

مَتّی 5:16

اِسَه بِیلِن نُیر هُمَه بِکُوءِ اَررُی مردِم تاگَه کارَل خوتو بوئینِن ئو باوَه هُمَه گه ها نوم آسمون‌اِر، جِلال دَن.

مَتّی 9:8

وخدی مردِم یِئونَ دی، زِلَئو چی ئو خدائونی جِلال دا گه هُنَ قدِرت‌واختیاری داسیَ اِنسو.

لوقا 1:68

«بِمارِکَ خداون خداءِ اسرائیل، اَرِیَگه هاتیَسَ دیار قوم ووژ، ئو آزاد کِردِنَسی.

لوقا 19:44

ئو ووژت ئو آیلَلِت اِ دَرینتَ مَکیشِنَ خاک ئو خوین. بَردی اَرسر بَردی اِنوم تو نِمِیلِن اَر جا؛ اَرِیَگه زمونی گه خدا هاتِ دیارِت، درکِت نَهَرد.»

لوقا 6:22

«خَوزگالَ هُمَه، وخدی گه مردِم وَه خاطر کُر اِنسو، اژ هُمَه بیزار بوئن ئو هُمَه اِنوم ووژو تار کَن ئو دُشمینتون‌ئون دَن ئو بَنُمتو کَن.

یوحنا 13:31

دُما یَگه یهودا چیَ دِریر، عیسی وِتی: «اِسگَه کُر اِنسو جِلال گِرتی ئو خدا اِنوم او جِلال گِرتی.

کارَل رسولَل 15:14

شَمعون تیَریف کِردی گه چطور خدا اَرِه گِل اول هاتِ دیار خِرِیهودیَل ئو اِنوم اونَل قومی اَرِه نُم ووژ جیاآ کِردی.

کارَل رسولَل 24:13

اُوُ نِمَتونِن اتهامَلی گه دائونَس اَر مِه، ثابت کَن.

کارَل رسولَل 25:7

وخدی پولُس یِهات اِنوم، یهودیَلی گه اژ اورشلیم هاتوئین، هوسیانیَ دورا ئو اتهامَل فِرَه ئو سخدونی دا اَری، مِنتائای نتونستو ثابتو کَن.

کارَل رسولَل 28:22

مِنتائای دوس دیریم عخیدَه‌لِت بشتوئیم، اَرِیَگه مَذانیم گه مردِم، اِ کُل جا اَرضد ایی فرقَه قصَه مَهَن.»

رومیان 12:17

جوواو گَنی کسَ گَنیا نیَن، بلکِم حُواستونَ اَ چیئَه گه اژ نظر کُل مردِم عزّت دیری، بو.

رومیان 13:13

بورِن هُنَ دُریس رفدار بِهِیم گه هَماری هایمون اِنوم روشتایی روژاِر نه اِنوم عِیاشی ئو مَسی، نه اِنوم بی‌عصمتی ئو خیزی، نه اِنوم جنگ ئو حَسوئی،

رومیان 14:18

هر کی هُنَ خِلمت اژ مسیح بِهِه، خدا قبولَ مِهِیتی ئو مردِم‌یش تاییدَ مَهَنی.

رومیان 15:9

ئو تاگَه قومَل خِرِیهود، خدا اَرِه ریَمَتی جِلال دَن. هَرهُنَ گه اِنوم نُسَخ مقدّس نُیسیاءَ: «وَه ایی خاطرَ، تون اِنوم قومَل خِرِیهود، شُگِرَ مَهَم، ئو اَرِه نُم تو دَنگ اِرَمارِم.»

اول قرنتیان 14:25

رازَل دل آشگارا ماوتی. اَسَه رُیَ مَنی اَر زَمی ئو خدا مَپِرَسی ئو اِلومَ مِهِه گه: «اِراسی خدا ها نومتون‌اِر.»

دوئِم قُرَنتیان 1:12

اَرِیَگه افتخار ایمَه شاتی وژدانمونَ، گه ایمَه اِنوم ایی دنیاءَ ئو مصقوصاً چَنی ویشتِر وَه‌گَرد هُمَه، وَه ساده‌ی ئو رُی‌راسی گه اژ خداءَ رفدارمو کِرد، نه وَه حکمت بشری بلکِم وَه فیض خدا.

دوئِم قُرَنتیان 13:7

مِنتائای ایمَه اِ درگا خدا دوعاءَ مِهِیم گه هُمَه خطای نِهِینو، نه یَگه تا دیار بو گه ایمَه اِ اِنتحو سربِلِنگ بیمونَ، بلکِم تاگَه هُمَه اَ چیئَه گه دُریسَ، اَنجوم دِینو، جُ‌جُ اَرّ ایمَه رِفوزَه وَه چیَما بایم.

دوئِم قُرَنتیان 8:21

اَرِیَگه تقِلا مِهِیم اَ چیئَه گه نه فَخَد اِ چیَم خداون، بلکِم اِ چیَم مردِم‌یش دُریسَ، اَنجوم دِیم.

اَفِسُسیَل 2:3

ایمِه‌یش کُل، زمونی اِنوم یوئنَ اِنوم هُواوهوس جسمو زِنِه‌یمونَ مَهَرد، ئو چیئَلی گه لار ئو فگِرمونَ مِهِستی انجوممونَ ما؛ ئو اِجور کسَلی‌تِر، مِطابق طبیعتمو مَکوم بیمون اَر آیلَل خَضو.

اَفِسُسیَل 4:22

تا طُرُخ زِنِه‌ی قدیم ووژتو، یانی اَ اِنسو قدیمَ گه وَه خاطر هُواوهوس گنا گَنیائی، اِ وَرتو بِکَنینو.

فیلیپیَل 1:27

فَخَد بِیلِن اِ زِنِه‌یتو رفدارتو لائق انجیل مسیح بو، تاگَه چه مِه بام ئو هُمَه بوئینِم چه نوئم، اِبارَه هُمَه بشتوئِم گه سفدِسخد اِ یِه روح هوسیاینونَ، وَه یِه فگِر، شونَ شو یَکتِری اَرِه ایمو انجیل تقِلاءَ مِهِینو.

فیلیپیَل 4:8

دُماخِرِ، اِاِ بِرال، هر چی گه راسَ، هر چی گه عزّت دیری، هر چی گه دُریسَ، هر چی گه پاکَ، هر چی گه باوِ دلَ، هر چی گه لائق شگِر کِردِنَ، اَرّ فِرَه خوءَ، اَرّ لائق شگِر کِردِنَ، وَه ایی چیئِلَ فگِر بِهَن.

اول تِسالونیکیَل 4:12

تاگَه اَر تک اونَلی گه اژ کلیسا هانَ دِریر، خو زِنِه‌ی بِهِینو ئو هَوَجَه‌تو نَکُوءِ کسی.

اول تیموتائوس 2:2

اَرِه پاتِشائَل ئو کُل کارَدَسَل، تاگَه بتونیم زِنِه‌ی آروم ئو آسودَه‌مونی داشدوئی گه اِ کُل لِحاظی باوِ دل خدا ئو سنگین بو.

اول تیموتائوس 4:12

نِیل هُیچ‌کس وَه خاطر جِهالیِت خوارِت کِ، بلکِم اِ قصَه کِردِن ئو کردار ئو مِحبت ئو ایمون ئو پاکی، سرمقش کُل ایمودارَل بو.

اول تیموتائوس 5:10

ئو وَه کارَل خو بشتاسِنی، یانی آیلَل خو تربیت کِردوئیتی، هُن‌هاوو بو، پال ایمودارَل مسیح شورئیتی، دردَبارَل یاری دائیتی، ئو ووژ وَخم هر کار خوئی کِردوئیتی.

عِبرانیَل 13:18

دوعامون اَرِه بِهَن، اَرِیَگه اطمینو دیریم گه وِژدانمو پاکَ ئو مِمو اِ کُل چی سربِلِنگ بوئیمو.

عِبرانیَل 13:5

بیلا زِنِه‌یتون اژ پیل‌دوسی دویر بو ئو وَه چیئی گه دیرینو قانی بوئن، اَرِیَگه خدا وِتیِ: «هرگِس وِلِت نِمَهَم، ئو تَنیات نِمِیلِم.»

یعقوب 3:13

اِنوم هُمَه کیَ گه عاخل ئو فیَمیدَه بو؟ بِیلِن او وَه رفدار خو، کارَل ووژ گه فِروتنی حکمت ها نومو نِشو بِ.

اول پطرس 2:15

اَرِیَگه خواس خدا یَسَ گه وَه خوئی کِردِن ووژتو، نوا قصَه‌ل نایونی مردِم اَخمَخ بِگِرینو.

اول پطرس 3:16

وِژدانتو پاک بِیلِن تا کسَلی گه بُختِمَ میَن اَرینتو، اونَلی گه اژ رفدار خوتو اِنوم مسیح گَنَ موشِن، خجالتا بوئن.

اول پطرس 4:11

هر کی قصَه مِهِه، اِجور خدا قصَه بِهِه؛ ئو هرکی خِلمتَ مِهِه، وَه قویَتی گه خدا موئَشخی خِلمت بِهِه، تاگَه اِ کُل چی، خدا وَه‌سونگَ عیسی مسیح جِلال بِگِری. جِلال ئو سِلطنت اَر او تا ابد ئو تا ابد. آمین.

دوئِم پطرس 3:11

اِسَه گه کُل یوئنَ وَه ایی جورَ اژ یَکَ مَچویچِن، هُمَه اِ ایی زِنِه‌ی مقدّس ئو دینداریَ گه دیرینو باس چطور آمَلی بوئینو؟