اول پطرس 2:11 - کتاب مقدس به زبان لکی - گویش مرکزی

¹¹ اِاِ عزیزَل، خواهشد اَژینتونَ مَهَم اِجور کسَلی گه اِ ایی دنیا بیگونَه ئو خَریوِن، اژ هُواوهوسَل جسم گه وَه‌گَرد روحِ هُمَه هانَ جنگ‌اِر دویرا بِگِرِن.

اول پطرس 2:11 Iomraidhean Croise

لوقا 21:34

«مِنتائای حُواستو بو، تاناخواد عِیاشی ئو مَسی ئو هول ایی زِنِه‌یَ دلتو سخدا کِ ئو اَ روژَ اِجور تِله‌ی ناهَلمونَ باءَ سرتون‌اِرا.

کارَل رسولَل 15:20

مِنتائای باس اِنوم نُامه‌ی اَرِنو بِنُیسِنیم گه اژ خوراکی گه وَه خاطر پیشکَشی اَر بِتَل نِجس بیَ، اژ بی‌عصمتی، اژ گوشد حِوونَل تاسیا ئو اژ خوین هُاردِن پیَریز کَن.

کارَل رسولَل 15:29

اژ خوراکی گه وَه خاطر پیشکَشی اَر بِتَل نِجس بیَ، اژ هُاردِن خوین، اژ گوشد حِوونَل تاسیا ئو اژ بی‌عصمتی پیَریز کَن، اَرّ ووژتون اژ ایی چیئِلَ دویرا بِگِرینو، کارَل خوتونی اَنجوم داءَ، والسّلام.»

رومیان 12:1

اِسَه اِاِ بِرال، وَه خاطر ریَمَتَل خدا، خواهشدتون اَژینَ مَهَم گه لارَلتون اِجور قُرونی زِنی ئو مقدّس ئو وَه دل خدا پیشکَش بِهَن گه عَبادت روحانی هُمَه هَر یَسَ.

رومیان 7:23

مِنتائای قانونی‌تِر اِنوم عضا لار ووژمَ موئینِم، گه وَه‌گَرد شریعتی گه فگِر مِه قبولَ مِهِیتی، ها جنگ‌اِر، ئو مِنَ مِهِئَه اسیر شریعت گنا گه لیز گِرتیَس اِنوم عضا لار مِه.

رومیان 8:13

اَرِیَگه اَرّ مِطابق جسم زِنِه‌ی بِهِینو، مَمِرینو؛ مِنتائای اَرّ وَه‌سونگَ روحِ خدا، کارَل لار بِکُشینو، زِنیَ مَمینینو.

دوئِم قُرَنتیان 5:20

اِسَه ایمَه سفیرَل مسیحیمو، خدا وَه‌سونگَ ایمَه خواس ووژ اَنجومَ مِ. ایمَه اژ جونِم مسیح اژ هُمَه خواهشدَ مِهِیم گه وَه‌گَرد خدا دوسی بِهِینو.

دوئِم قُرَنتیان 6:1

ایمَه گه هُمکارَل مسیحیم خواهشد اَژینتونَ مِهِیم گه نِیلِن اَ فیض خداءَ گه آوِردِتونَسَ دس، بی‌فادَه بو.

دوئِم قُرَنتیان 7:1

اِاِ عزیزَل، اِسگَه گه ایی وَدِه‌لَ دیریم، بورِن ووژمو پاکا کِیم اژ هر ناپاکی جسم ئو روح، ئو وَه ترس اژ خدا، مقدّس‌بیئین برَسِنیمَ کمال.

غَلاطیَل 5:24

کسَلی گه هِن مسیحْ عیسی‌‌ن، جسم وَه‌گَرد کُل هوسَل ئو چیئَلی گه ها دُمونا کیشیونَس‌ اَر صلیب.

اَفِسُسیَل 2:19

اِسَه هُمَه دیَر نه بیگونَه ئو نه اَژنَوی، بلکِم هُم‌خاک ایمودارَل مسیح ئو اژ هوز خدائینو؛

اَفِسُسیَل 4:1

اِسَه مِه گه وَه خاطر خداون زندونیِم، خواهشد اَژینتونَ مَهَم گه لائق دَوَتی گه اَژینتو بیَ، رفدار بِهَن،

دوئِم تیموتائوس 2:22

اِسَه اژ هُواوهوس جِهالی بِحوا، ئو وَه‌گَرد اونَلی گه وَه دل پاک هِنا مَهَن اَر خداون، وَه دُم صالح‌بیئین، ایمو، مِحبت ئو صُئلا بو.

عِبرانیَل 11:13

یوئنَ کُل اِنوم ایمو مِردِن، بی‌یَگه وَدَه‌لو گِرتوئی، بلکِم اونَلو اژ دویرا دی ئو سِلامو کِردِن. اونَل قبولو کِرد گه اَررُی زَمی، بیگونَه ئو خَریوِن.

عِبرانیَل 6:9

اِاِ عزیزَل، وَه‌یاآگه هُنَ قصَه مِهِیم، مِنتائای اِبارَه هُمَه اطمینو دیریم گه چیئَل بیتِری گه هِن نجادِن، ماوَ نَصُیتو.

یعقوب 4:1

ایی قی ئو مِرافَه اژ کوءَ مَکُوء اِنومتو؟ مَر یَه خواهشدَل نَفستو نیَ گه اِنومتو هانِ مِرافَه،

اول پطرس 1:1

اژ پطرس، رسول عیسی مسیح، وَه کسَلی گه دیاری بینَ ئو اِ پونتوس ئو غَلاطیَه ئو کاپادوکیَه ئو آسیا ئو بیطینیَه پَشخا بینَسِ خَریوی؛

اول پطرس 1:17

اَرّ وَه اوءَ موشینو باوَه گه بی‌‌جونِمداری ئو مِطابق کارَل هرکی داوریَ مِهِیتی اَری، اِسَه دورَه خَریوی ووژتونَ خداترسی بِگُذَرِنِن،

اول پطرس 4:12

اِاِ عزیزَل، اژ ایی آگِرَ گه اَرِه اِنتحو کِردِنتو ها نومتون‌اِر، بِلُجوئیتو نای، گه مَری چی بِلُجوئی‌ای هاتیَس اَر سرتو.

اول پطرس 4:2

هُنَ باقی عمِر اِنوم جسم، اَرِه اَنجوم دائِن خواس خدا زِنِه‌یَ مِهِه، نه اَرِه هُواوهوسَل بشری.

دوئِم پطرس 3:1

اِاِ عزیزَل، یَه نُامَه دوئِمَ گه اَرِنتونَ مَنُیسِنِم. هَردِک ایی نُامَه‌لمَ اَرِه یَه نُیسو گه بارمَ ویرتو تاگَه فگِرَل پاکتو بارِم اَرسر خیرَت،