اول پطرس 1:8 - کتاب مقدس به زبان لکی - گویش مرکزی

⁸ هُمَه وَه‌یاآگه اوتو نِئیَ، دوس دیرینونی؛ ئو وَه‌یاآگه اِسگَه نِموئینینونی، ایمونَ بی دیرینونی ئو وَه خَوشی‌ای خَوشالیَ مِهِینو گه نِماو تیَریف کِینی ئو پِر اژ جِلالَ،

اول پطرس 1:8 Iomraidhean Croise

مَتّی 10:37

«هر کی باوَه یاگَه دا ووژ ویشتِر اژ مِه دوس داشدوئیتی، لائق مِه نیَ، ئو هر کی کُر یاگَه دِت ووژ ویشتِر اژ مِه دوس داشدوئیتی، لائق مِه نیَ.

یوحنا 14:15

«اَرّ مِه دوس دیرینو، فِربونَلِم بارِنَ جا.

یوحنا 14:21

اَوَه گه حکمَلِم دیری ئو ماریون‌َ جا، اَوَه‌‌سَ گه مِه دوس دیری، ئو اَوَه گه مِه دوس دیری، باوَه‌م دوس دیرِتی ئو مِن‌یش دوس دیرِمی، ئو ووژِم اَری ظاهرَ مَهَم.»

یوحنا 14:24

اَوَه گه مِه دوس نِری، کلوم مِه نِماریَ جا؛ ئو ایی کلومَ گه مَشتوئینو اژ مِه نیَ، بلکِم اژ باوِه کَ گه مِه کِل‌کِردیَسی.

یوحنا 16:22

هَرهُنَ، هُمِه‌یش اِسگَه خَمبارینو؛ مِنتائای اِدوارَه هُمَه موئینِم ئو دل هُمَه خَوشالی مِهِه ئو هُیچ‌کس نِمَتونی اَ خَوشیَ اژ هُمَه بِسینی.

یوحنا 20:29

عیسی وِتی: «یانی اَرِیَگه مِنِت دیَ ایمونِت آوِرد؟ خَوزگالَ اونَل گه نِئیونَ ئو ایمونو آوِردیَ.»

یوحنا 8:42

عیسی وِتیَ بینو: «اَرّ خدا باوَه هُمَه بوئیا، مِنتو دوس داشد، اَرِیَگه مِه اژ جونِم خدا هاتِمَ ئو اِسگَه هام اَر ایرَه. مِه اژ جونِم ووژِم نِهاتِمَ، بلکِم او مِه کِل‌کِردیَسی.

کارَل رسولَل 16:34

اَسَه زندونبونِهَه اونَل بِردی اِرَه مال ووژ ئو سِفِرَه‌ئونی اَرِه آوشدی. او ئو هَمیش کُل عتِ‌عیالی وَه خاطر یَگه ایمونو آوِردوئیَ خدا فِرَه خَوشالا بین.

رومیان 14:17

اَرِیَگه پاتِشائی خدا هُاردِن ئو خُرّدائن نیَ، بلکِم صالح‌بیئین، صُئل‌وسِلامتی، ئو خَوشی اِنوم روح‌القدسَ.

رومیان 15:13

اِسگَه خداءِ امید، هُمَه اژ کُل خَوشی ئو صُئل‌وسِلامتی اِنوم ایمو، پِرا کِ تاگَه وَه قویَت روح‌القدس، پِر اژ امید بوئینو.

اول قرنتیان 16:22

لیَنت اَر اَوَه گه خداون دوس ناآشدوئیتی. اِاِ خداون ایمَه، بوری!

دوئِم قُرَنتیان 1:22

ئو میر مالکیت ووژ داسی اَر ایمَه ئو روحِ ووژ اِجور بِعونَه ناسی اِنوم دلَلمو.

دوئِم قُرَنتیان 12:4

ئو چیئَلی شنَفتی گه نِماو تیَریفو کِین، ئو اِنسو نَباس وَه زوئو باری.

دوئِم قُرَنتیان 4:18

اِسَه ایمَه نه اَر چیئَلی گه ماو بوئینیو، بلکِم اَر چیئَلی گه نِماو بوئینیو گِزمو کِردیَ، اَرِیَگه چیئَلی گه ماو بوئینیو مَگُذَرِن، مِنتائای چیئَلی گه نِماو بوئینیو ابدیِن.

دوئِم قُرَنتیان 5:7

اَرِیَگه وَه ایمو زِنِه‌یَ مِهِیم، نه وَه اَ چیئَه گه موئینیم.

دوئِم قُرَنتیان 9:15

شگِر خدا اَرِه بشخِشی گه نِماو تیَریف کِینی.

غَلاطیَل 5:22

مِنتائای ثمر روحِ خدا، مِحبت، خَوشی، سِتار، صبِر، مِرِبونی، خوئی، وفاداری،

غَلاطیَل 5:6

اَرِیَگه اِ مسیحْ عیسی نه ختینَه بیئِن چیئی کَ نه ختینَه نوئین، بلکِم مِهم ایمونی کَ گه اژ رئی مِحبت کارَ مِهِه.

اَفِسُسیَل 3:19

ئو مِحبت مسیح گه بِلِنگ‌تِر اژ درک ئو فیَم بشرَ، بشتاسینو- تا اژ پِری کامل خدا پِرا بوئینو.

اَفِسُسیَل 6:24

فیض اَر کُل کسَلی گه خداون ایمَه عیسی مسیح وَه مِحبتی گه اژ بِن نِمَچو، دوس دیرِن.

فیلیپیَل 1:25

اَرِیَگه مِه وَه یَه اطمینو دیرِم، ئو مَذانِم گه زِنیَ مَمینیم ئو اَرِه تَرَخدی ئو خَوشیتو اِنوم ایمو مَمینِمَ گَردتو.

فیلیپیَل 3:3

اَرِیَگه ختینَه‌کَریائَل راسَکونی ایمِه‌یم گه وَه روحِ خدا عَبادتَ مِهِیم ئو افتخارَ مِهِیم اَر مسیحْ عیسی ئو تَکیمون اَر جسم نیَ-

فیلیپیَل 4:4

هَر اِنوم خداون خَوشال بوئن، اِدوارَه موشِم: خَوشال بوئن.

عِبرانیَل 11:1

اِسگَه ایمو، اطمینون اَر چیئَلی کَ گه امیدون‌ئون دیریم ئو زقین اَر چیئَلی گه هَنی نِموئینیم.

عِبرانیَل 11:27

وَه ایمو بی گه موسی بی‌یَگه زِلَه اژ خَضو پاتِشا بِچوتی اژ مصر کِردیَ دِریر، اَرِیَگه او طاخَت آوِردی، اِجور کسی گه اَوَه گه نِماو بوئینینی، موئینی.

اول پطرس 1:6

ئو اَرِه یَه فِرَه خَوشالیَ مِهِینو، وَه‌یاآگه اِسگَه اَرِیَگه لازمَ، اَرِه مِدت کمی اِ اِنتحونَل جوراجور پَژار بینونَ،

اول پطرس 2:7

اِسَه اَرِه هُمَه گه ایمونتو آوِردیَ، یَه عزّتَ. مِنتائای اَرِه اونَلی گه ایمونو ناوِردیَ، «بَردی گه مِمارَل رَدو کِرد بیَ بَرد بِنچین ساخدِمو،»

اول پطرس 5:4

تا وخدی رِئیس شوئونَل ظاهر بو، تاج جِلالی گه اژ بِن نِمَچو، بارینونَ دس.