اول پطرس 1:4 - کتاب مقدس به زبان لکی - گویش مرکزی

⁴ ئو میراتی گه اژ بِن نِمَچو ئو گَنَ نِمِهِه ئو ژَلما نِماو، گه اَرِه هُمَه نیریاسِ آسمو؛

اول پطرس 1:4 Iomraidhean Croise

مَتّی 25:34

اَسَه پاتِشا موشیَ اونَلی گه هانیِ لا راسا: ”بورِن، اِاِ کسَلی گه اژ باوَه مِه بِرَکتتو گِرتیَ، اَ پاتِشائیَ بیَرنَ میرات گه اژ بِنیا دنیا اَرِه هُمَه آمادَه بیَ.

مَرقُس 10:17

وخدی عیسی کَتِ رئی، پیای هَراَ دو هات، اَر وَر پالی زُنی داتی ئو پِرسیتی: «استادِ خو، چَه بِهَم تاگَه ژییاین ابدی بیَرمَ میرات؟»

کارَل رسولَل 20:32

«اِسگَه میَمتونَ دس خدا ئو کلوم فیض اوآ، گه مَتونی بِناتو کِ ئو اِنوم کُل کسَلی گه تقدیس بینَ، میراتی بِ‌ئونتو.

کارَل رسولَل 26:18

تاگَه چیَمَلو واز کِین تاگَه اژ تیَریکی ویرِ روشتایی ئو اژ قدِرت شِطو گِلارِن ویرِ خدا، تاگَه وَه‌سونگَ ایمون اَر مِه گنائَلو بَشخیا بو ئو اِنوم کسَلی گه تقدیس بینَ، بیَرونی داشدوئی.“

رومیان 8:17

ئو اَرّ آیلَل خدایمو، اِسَه وارثَل‌یش هِیم، یانی وارثَل خدا ئو هُم‌ارثَ گَرد مسیح. وَه شرطی گه ایمِه‌یشَ گَرد او عذاو بِکیشیم تاگَه وَه‌گَرد او جِلال بِگِریم.

اول قرنتیان 9:25

هر کی مِسابقَه مِ سزاءَ مِ اَر ووژ گه اِ کُل چی نوا ووژ بِگِری. اُوُ اَرِه یَه هُنَ مَهَن تاگَه تاجی گه اژ بِنَ مَچو، بارنَ دس؛ مِنتائای ایمَه اَرِه تاجی گه اژ بِن نِمَچو، هُنَ مِهِیم.

غَلاطیَل 3:18

اَرِیَگه اَرّ میرات اژ شریعتَ مای، دیَر اژ وَدَه نِمای؛ مِنتائای خدا اَوَه اژ رئی وَدَه داءَ ابراهیم.

اَفِسُسیَل 1:11

ایمَه اِنوم او بیمونَسَ وارثَل. هُنَ گه خدا کُل چیئَل مِطابق خواس ووژ اَنجومَ مِ، ایمِه‌یش مِطابق مصقود او وِر اژ یَه اِنتخاو بیمونَ.

اَفِسُسیَل 1:14

روح‌القدسی گه بِعونَه میرات ایمِئَه تا زمونی گه تمومِ‌کمال بِهِیمیَ هِن ووژمو، تاگَه جِلال او شگِر بو.

اَفِسُسیَل 1:18

تا چیَم دلتو روشِه بو، تاگَه امیدی گه خدا دَوَتتو کِردیَسیَ بی، بشتاسینو ئو اَ میرات بی‌حدِحساو ئو پِرجِلال خدا اِنوم ایمودارَل مسیحَ، بِفیَمینو.

کولُسیَل 1:12

تا شگِر باوَه آسمونی بِهِینو گه هُمَه کِردیَسیَ لائق شیَریکی اِ میراتی گه ایمودارَل مسیح، اِنوم نُیر دیرِن.

کولُسیَل 1:5

گه یوئنَ اژ امیدی گه اِ آسمو اَرِه هُمِه‌ئو هُیشتیَ مای، گه وِرِکار اِنوم کلوم حخیخت یانی انجیلتو شنَفتیَ،

کولُسیَل 3:24

اَرِیَگه مَذانینو اَجِرتو میراتی کَ گه اژ خداون مَرَسی بینتو، هُمَه خِلمتَ مِهِینون اژ خداون مسیح.

دوئِم تیموتائوس 4:8

اَژیرِ دُما تاج صالح‌بیئین اَرِنِم آماده‌ءَ، تاجی گه خداون، اَ داور عادلَ، اِ اَ روژَ موئَشخِتیَ مِه -نه فَخَد وَه مِه بلکِم وَه کُل کسَلی گه وَه دارا بینَ اَرِه ظاهربیئِنی.

عِبرانیَل 10:34

اَرِیَگه وَه‌گَرد اونَلی گه اِ زندو بین، هُمدردیتونَ مَهَرد ئو وخدی مالِ‌منالتو خارَتونَ مَهَرد وَه خَوشی مَچیاینونِ گِرد، اَرِیَگه مَذِناسدتو مالِ‌منال بیتِری دیرینو گه پایارَ.

عِبرانیَل 9:15

اِسَه مسیح بَسخَه‌کَر عَت جدیدی کَ، تا اونَلی گه دَوَت بینَ بتونِن میرات ابدی‌ای گه خدا وَدَه داسی، بارنَ دس. اَرِیَگه مرگی اتفاق کَتیَ گه اونَل اژ گنائَلی گه اِ عَت اول اَنجوم گِرتیِ، آزادَ مِهِه.

یعقوب 1:11

اَرِیَگه هویَر وَه اَ مَشِرَقو ووژیَ ماءِ رُ، گیا حُشگا مِهِه، گُلَلی مَرِشی‌اِرا ئو رنگینی اَوَه اژ بِنَ مَچو. هَمیش آم ثرودمن هَرهُنَ گه ها دُم کارِبار ووژا، اژ بِنَ مَچو.

اول پطرس 3:9

جوواو گَنیَ گَنی ئو دُشمینَ دُشمینا نیَن، بلکِم اِجالی، بِرَکت بارِنَ دس، اَرِیَگه هَر اَرِه یَه دَوَت بینونَ تاگَه بِرَکت بوءَ نَصُیتو.

اول پطرس 5:4

تا وخدی رِئیس شوئونَل ظاهر بو، تاج جِلالی گه اژ بِن نِمَچو، بارینونَ دس.

مِکاشفَه 21:27

مِنتائای هُیچ چی ناپاکی ئو هُیچ کسی گه کارَلی کفارت‌دار ئو دِروئِن، هرگِس نِمَچوتیَ نوما، فَخَد کسَلی گه نُمو نُیسیاس اِنوم دفتر ژییاین وَرک، مَچِنی اِنوم.