اول پطرس 1:20 - کتاب مقدس به زبان لکی - گویش مرکزی

²⁰ او وِر اژ یَگه بِنیا دنیا بِنِری مَیِّن بی، مِنتائای اِ ایی زمونَل آخِرَ وَه خاطر هُمَه ظاهر بی.

اول پطرس 1:20 Iomraidhean Croise

مَتّی 25:34

اَسَه پاتِشا موشیَ اونَلی گه هانیِ لا راسا: ”بورِن، اِاِ کسَلی گه اژ باوَه مِه بِرَکتتو گِرتیَ، اَ پاتِشائیَ بیَرنَ میرات گه اژ بِنیا دنیا اَرِه هُمَه آمادَه بیَ.

کارَل رسولَل 2:23

ایی عیسیَ مِطابق اَ نشقَه ئو اَ چیئَه گه خدا وِرِکار مَذِناسدی، تسِلیم هُمَه بی، ئو هُمَه وَه دس آمَل کافِر کیشیتون اَر صلیب ئو کُشتِتو.

رومیان 3:25

گه خدا وِرِکار عیسی مسیح اَرِه کفارَه گنائَل مَیِّن کِردی، تاگَه وَه‌سونگَ خوین او، اژ رئی ایمو باءَ دس. یَه اَرِه نِشو دائِن عدالت خدا اَنجوم گِرتی، اَرِیَگه خدا اِ صبِر الهی ووژ، گنا نواینِلَهَه وَه نِئیَ گِرتی.

رومیان 8:29

اَرِیَگه خدا اونَلی گه وِرِکار شناسیتی، هَرِ وِرِکار مَیِّن کِردِنی تا اِ شیوَه کُری اِربان، تا او اِنوم بِرال فِرِه، اول‌زا بو.

غَلاطیَل 4:4

مِنتائای وخدی زمونی گه مَیِّن بیَ، تمومِ‌کمال رَسی، خدا کُر ووژ کِل‌کِردی گه اژ یِه ژَن زاندَه بی ئو اِژیر شریعت هاتَ دی،

اَفِسُسیَل 1:10

نشقَه خدا یَه بیَ گه وخدی موقَع مَیِّن برَسی، کُل چی، چه اِنوم آسمو چه اَر رُی زَمی، اِنوم یَکی یانی مسیح، گِردا کِ.

اَفِسُسیَل 1:4

اَرِیَگه وِر اژ یَگه بِنیا دنیا باوِنی، ایمَه اِنوم مسیح اِنتخاو کِردی تا اَر تک ووژ مقدّس ئو بی‌عِو بوئیم. ئو اِنوم مِحبت،

اَفِسُسیَل 3:11

یَه مِطابق اَ قَص ازلی خدا بی گه او اِنوم خداون ایمَه مسیحْ عیسی وَه اَنجوم رَسونی.

اَفِسُسیَل 3:9

ئو اَرِه کُل کس باوژمِ در گه نشقَه رازی گه اِ دورَه‌ل قدیم اَر تک خدای گه کُل چی خَلک کِردی پنهو مَنوئی، چَه بی.

کولُسیَل 1:26

یانی اَ سِرّی گه اِ زمونَل ئو نسِلَل پنهو مَنوئی، مِنتائای اِسگَه آشگارا بیَس اَر ایمودارَل او.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

عِبرانیَل 1:2

مِنتائای اِ ایی روژَل آخِرَ وَه‌سونگَ کُر ووژ وَه‌گَرد ایمَه قصَه کِردیِ، هَراَ کُرَ گه کِردیِ وارث کُل چی ئو وَه‌سونگَ او دنیا خَلک کِردی.

عِبرانیَل 2:14

اِسَه اَرِیَگه آیلَل اِ جسم ئو خوین هُم‌بیَرِن، اوئیش ووژ اِنوم هَر ایی چیئِلَ هُم‌بیَرا بی تا وَه‌سونگَ مرگ، صائای قدِرت مرگ، یانی ابلیس نابود کِ،

عِبرانیَل 9:26

اَرِیَگه اَسَه، مسیح باس اژ زَمو بِنیا دنیا، هَر جُور کیشوئیتی. مِنتائای اِسگَه او یِه گِل اَرِه همیشَه اِ آخِر کُل دورَه‌ل ظاهر بیَ تا وَه قُرونی کِردِن ووژ، گنا اژ بِن بیَری.

اول پطرس 1:2

اونَلی گه مِطابق اَ چیئَه گه خداءِ باوَه وِرِکار مَذِناسدی، وَه‌سونگَ کار تقدیس‌کَر روحِ خدا، ئو اَرِه اطاعت اژ عیسی مسیح ئو پِشکونِن خوین او اَر اونَل، دیاری بینَ: فیض‌وسِلامتی چَل‌چَل اَر هُمَه بو.

اول یوحنا 1:2

ایی ژییاینَ آشگارا بی؛ ئو ایمَه اَومونَ دیَ ئو اَر اَوَه شاتیَ مِیم. ایمَه ژییاین ابدی‌ای اِلومَ مِهِیم اَرینتو، گه اَرتَک باوَه بی ئو آشگارا بی اَر ایمَه؛

اول یوحنا 3:5

هُمَه مَذانینو گه مسیح ظاهر بی تاگَه گنا اژ بِن بیَری. اِنوم او هُیچ گنای نیَ.

اول یوحنا 3:8

هر کی اِنوم گنا زِنِه‌یَ مِهِه اژ ابلیسَ، اَرِیَگه ابلیس هَر اژ اَ اولا گنا کِردیِ ئو مِهِه. اَژونَبیَ گه کُر خدا ظاهر بی تاگَه کارَل ابلیس باطل کِ.

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.