اول پطرس 1:2 - کتاب مقدس به زبان لکی - گویش مرکزی

² اونَلی گه مِطابق اَ چیئَه گه خداءِ باوَه وِرِکار مَذِناسدی، وَه‌سونگَ کار تقدیس‌کَر روحِ خدا، ئو اَرِه اطاعت اژ عیسی مسیح ئو پِشکونِن خوین او اَر اونَل، دیاری بینَ: فیض‌وسِلامتی چَل‌چَل اَر هُمَه بو.

اول پطرس 1:2 Iomraidhean Croise

مَتّی 24:22

اَرّ اَ روژِلَ کُئلا نِموئیا، هُیچ بشری گیو آزا اِرنِمَهَردی. مِنتائای وَه خاطر کسَلی گه دیاری بینَ، اَ روژِلَ کُئلا ماو.

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَتّی 24:31

او فریشدَه‌ل ووژ وَه دَنگ کَلِنگ شِپور کِلَ‌مِهِه ئو اونَل دیاری‌بیَل خدا اژ چوار سویک دنیا اژ یِه پر آسمو تاگَه اَ پر، جیَمَ مَهَن اَر دور یَکا.

مَرقُس 13:20

ئو اَرّ خداون اَ روژِلَ کُئلا نِمَهَردی، هُیچ اِنسونی گیو آزا اِدَر نِموئردی. مِنتائای وَه‌سونگَ آمَلی گه دیاری بینَ، ئو ووژ اِنتخاو کِردِنِ، اَ روژِلَ کُئلا کِردیَسی.

مَرقُس 13:22

اَرِیَگه مسیحَل ئو پِخَمَرَل دِروزِنِ آشگارَ موئن، نشونَه‌ل ئو مُجِزَه‌ل اَنجومَ میَن تاگَه اَرّ بو، کسَلی گه دیاری بینَ اژ رئی اِربارِن.

مَرقُس 13:27

او فریشدَه‌ل کِلَ‌مِهِه ئو آمَلی گه ووژ دیاری کِردِنِ اژ چوار سویک دنیا، اژ ایی سر زَمی تاگَه اَ سر آسمو جیَمَ مِهِه اَر دور یَک.

لوقا 18:7

اِسَه، مَر خدا نِمَرَسیَ دای اونَلی گه ووژ دیاری کِردِنَسی گه شو ئو روژ اِمدایَ مارِنیِ درگا؟ یانی ایی کارَ هَراَ ماوژیِ دُما؟

کارَل رسولَل 15:18

ایی چیئِلَ اژ قدیم آشگارا کِردیَسی.“

کارَل رسولَل 2:23

ایی عیسیَ مِطابق اَ نشقَه ئو اَ چیئَه گه خدا وِرِکار مَذِناسدی، تسِلیم هُمَه بی، ئو هُمَه وَه دس آمَل کافِر کیشیتون اَر صلیب ئو کُشتِتو.

کارَل رسولَل 20:32

«اِسگَه میَمتونَ دس خدا ئو کلوم فیض اوآ، گه مَتونی بِناتو کِ ئو اِنوم کُل کسَلی گه تقدیس بینَ، میراتی بِ‌ئونتو.

رومیان 1:5

خدا وَه‌سونگَ مسیح فیض دائونمو تاگَه رسولَل او بوئیمو ئو کُل ملتَل باریمَ اطاعتی گه اژ ایمونَ.

رومیان 1:7

وَه کُل اونَلی گه اِنوم شیَر روم، خدا دوسو دیری ئو دَوَت بینَ تاگَه ایمودارَل مسیح بوئن: فیض‌وسِلامتی اژ جونِم خدا، باوَه ایمَه، ئو خداون عیسی مسیح، اَر هُمَه بو.

رومیان 11:2

خدا قوم ووژ گه وِرِکار شناسیتی، رد نَهَردیَسی. مَر نِمَذانینو نُسَخ مقدّس اِبارَه ایلیا پِخَمَر چَه موشی؟ یَگه چطور اژ دس قوم اسرائیل اَرتَک خدا گِلِی کِردی ئو وِتی:

رومیان 11:28

اژ لِحاظ انجیل، وَه خاطر هُمَه، دشمنِن؛ مِنتائای اژ لِحاظ اِنتخاو خدا، وَه خاطر باوَه‌جدَلو، عزیزگرامی خدان.

رومیان 15:16

تاگَه خادم مسیحْ عیسی اَرِه خِرِیهودیَل بوئم ئو اِجور کاهنی اِ خِلمت انجیل خدا، تاگَه خِرِیهودیَل پیشکَشی باوِ دل خدا بوئن گه وَه‌سونگَ روح‌القدس تقدیس بیَ.

رومیان 16:19

اَرِیَگه کُل اژ فِربوبَری هُمَه خَوَر دیرِن؛ اِسَه مِن اَرِه هُمَه فِرَه خَوشالِم. مِنتائای اژ هُمَه‌مَ مِ گه اِ خوئی دونا، ئو اِ گَنی، سادَه بوئینو.

رومیان 16:26

ئو اِسگَه کَتیَسِ در ئو وَه‌سونگَ نُسَخ پِخَمَرَل، مِطابق حکِم خداءِ ابدی آشگارا بیَس اَر کُل ملتَل، تاگَه اونَل ایمو بارِن ئو اطاعت بِهَن-

رومیان 8:13

اَرِیَگه اَرّ مِطابق جسم زِنِه‌ی بِهِینو، مَمِرینو؛ مِنتائای اَرّ وَه‌سونگَ روحِ خدا، کارَل لار بِکُشینو، زِنیَ مَمینینو.

رومیان 8:33

کیَ گه کسَلی گه خدا دیاری کِردِنِ مِتهم کِ؟ خداءَ گه اونَل، صالح وَه حساوَ ماری!

اول قرنتیان 1:30

وَه‌سونگَ اوءَ گه هُمَه هاینون اِنوم مسیحْ عیسی، اَوَه گه اژ جونِم خدا اَرِه ایمَه بیَسَ حکمت، صالح‌بیئین، قدوسیّت ئو آزدی.

اول قرنتیان 6:11

بِری اژ هُمَه هُنَ بینونَ، مِنتائای وَه نُم عیسی مسیحِ خداون ئو وَه‌سونگَ روحِ خدامو شوریاینونَ، تقدیس بینونَ ئو آمَل صالح اِلوم بینونَ.

دوئِم قُرَنتیان 10:5

ایمَه هر بَث ئو هر عخیدَه کَلِنگی گه اَرضد شناخت خدا بو نابودَ مِهِیم ئو هر فگِری اَرِه فِربو بِردِن اژ مسیح اسیرَ مِهِیم،

دوئِم قُرَنتیان 13:14

فیض خداون عیسی مسیح ئو مِحبت خدا ئو رِقیفی روح‌القدس، وَه‌گَرد کُلتو بو.

کولُسیَل 3:12

اِسَه اِجور کسَلی گه خدا دیاری کِردِنِ ئو مقدّس ئو عزیزگرامیِن، دلسوزی، مِرِبونی، تاواضی، مِلائمت ئو صبِر بِهَنِ وَر.

دوئِم تِسالونیکیَل 2:13

مِنتائای اِاِ بِرالی گه عزیزگرامی خدائینو، ایمَه باس وَه خاطر هُمَه هَر شگِر خدا بِهِیم، اَرِیَگه خدا هُمَل اِجور نوبر دیاری کِردی تا وَه‌سونگَ کار تقدیس‌کَر روحِ خدا ئو ایمون اَر حخیخت نجاد بِگِرینو.

دوئِم تیموتائوس 2:10

اِسَه مِه کُل چی وَه خاطر کسَلی گه دیاری بینَ تیَمِلَ مَهَم تاگَه اون‌یش نجادی‌ گه ها نوم مسیحْ عیسی‌اِر، وَه‌گَرد جِلال ابدی بارِنَ دس.

تیتوس 1:1

اژ پولُس، خُلُم خدا ئو رسول عیسی مسیح، گه مَیِّن بیمَ تا ایمو کسَلی گه خدا دیاری کِردِن تقویت کَم ئو حخیختی گه مِطابق دینداریَ، بوشِم.

عِبرانیَل 10:22

بورِن وَه دلی رُی‌راس ئو اطمینو کاملِ ایمو نزیکا بوئیمون اَر خدا ئو، هُنَ گه دلَلمو اژ وِژدان گَن پاکا کِردیَ ئو لارَلمو وَه آو پاک شوریَ؛

عِبرانیَل 11:28

وَه ایمو بی گه موسی پِسَخ ئو پِشکونِن خوین آوِردیَ جا تا فریشدِه‌ی گه اول‌زائَل نابودَ مِهِه، دس اَر اول‌زائَل اسرائیل دِریژ نِهِه.

عِبرانیَل 12:24

ئو اَر عیسی گه بَسخَه‌کَر عَت جدیدی کَ، ئو اَر خوین پِشکیای گه بیتِر اژ خوین هابیل قصَه مِهِه.

عِبرانیَل 5:9

ئو وخدی کاملا بی، بیَ سِرآو نجاد ابدی اَرِه کُل کسَلی گه فِربون اَژینَ میَرِنی.

اول پطرس 1:14

اِجور آیلَل فِربوبَر، دیَر نوئن اِجور هُواوهوسَلی گه دورَه نایونی اَسگَه‌تونَ داشد.

اول پطرس 1:19

بلکِم وَه خوین خیمتی مسیح، اِجور خوین وَرکی بی‌عِو ئو بی‌لکَه.

اول پطرس 1:20

او وِر اژ یَگه بِنیا دنیا بِنِری مَیِّن بی، مِنتائای اِ ایی زمونَل آخِرَ وَه خاطر هُمَه ظاهر بی.

اول پطرس 1:22

اِسگَه گه وَه اطاعت اژ حخیخت، گیونَل ووژتو پاکتونا کِردیَ تا مِحبت بِرائی خالصتو داشدوئی، باس اژ تیَه دلا فِرَه یَکتِریتو دوس داشدوئی.

اول پطرس 2:9

مِنتائای هُمَه نسِلی کینو گه دیاری بینونَ ئو کاهنَلی کینو گه شاهونَه کاهنیَ مِهِینو، ملت مقدّس ئو قومی گه مِلک مصخوص خداءَ، تا صفتَل فِرَه خاص او اِلوم کِینو، او گه هُمَه اژ تیَریکی دَوَت کِردیَسی‌ِ نُیر بِلُجوئی ووژ.

دوئِم پطرس 1:2

فیض‌وسِلامتی وَه‌سونگَ شناخت خدا ئو خداونمو عیسی، چَل‌چَل اَر هُمَه بو.

دوئِم یوحنا 1:1

اژ جونِم مِنِ ریش‌اَسبی وَه اَ بانو دیاری‌بیئی خدا ئو آیلِلِهِه گه اِنوم ’حخیخت‘ دوسو دیرِم -ئو نه فَخَد مِه، بلکِم کُل اونَلی گه حخیختَ مَشتاسِن-

دوئِم یوحنا 1:13

آیلَل خُیَه دیاری‌بیئی، سِلامت‌ئونَ مَرَسِنِن.

یهودا 1:2

ریَمَت ئو سِلامتی ئو مِحبت، چَل‌چَل اَر هُمَه بو.