اول پطرس 1:10 - کتاب مقدس به زبان لکی - گویش مرکزی

¹⁰ اِبارَه ایی نجادَ، پِخَمَرَل خو پاپِ بینَ، پِخَمَرَلی گه اِبارَه فیضی گه اَرِه هُمَه مَیِّن بیَ، نبوّتو کِرد.

اول پطرس 1:10 Iomraidhean Croise

مَتّی 13:17

حخیختاً، موشِم‌ئونتو، فِرَه کسَل اژ پِخَمَرَل ئو آمَل صالح آواخدو داشد اَ چیئَه گه هُمَه موئینینو، بوئینِن ئو نِئیو، ئو اَ چیئَه گه هُمَه مَشتوئینو، بشتوئِن ئو نَشتَفتو.

مَتّی 26:24

کُر اِنسو هَراَ جورَ گه اِبارَه اِنوم نُسَخ مقدّس نُیسیاسی، مَچو، مِنتائای هِرّو اَرِه اَوَه گه کُر اِنسونَ مِئَه گیر دشمنا. اَرِه بیتِر بیتی گه هرگِس نِماهاتَ دی.»

لوقا 10:24

اَرِیَگه موشِم‌ئونتو، فِرَه کسَل اژ پِخَمَرَل ئو پاتِشائَل آواخدو داشد اَ چیئَه گه هُمَه موئینینو، بوئینِن ئو نِئیو، ئو اَ چیئَه گه هُمَه مَشتوئینو، بشتوئِن ئو نَشتَفتو.»

لوقا 24:44

اَسَه وِتی‌ئونو: «یَه هَر اَوَه‌‌سَ گه وخدی وَه‌گَردتو بیم، موئِتِم؛ یَگه کُل چیئَلی گه اِنوم تورات موسی ئو کِتاوَل پِخَمَرَل ئو زَبور اِبارَه مِه نُیسیاءَ، باس وَه اَنجوم برَسی.»

یوحنا 5:39

هُمَه نُسَخ مقدّسَ مَجورینو، اَرِیَگه گُمونَ مِهِینو اِنوم اونَ، ژییاین ابدی دیرینو، اِسگَه هَرایی نُسَخَ اَر مِه شاتیَ میَن.

یوحنا 7:52

جوواوُ دا، وِتو: «مَر تونیش جلیلی کین؟ بِچُ پِرسِ‌جو کَ ئو بوئین گه هُیچ پِخَمَری اژ جلیل هیزنَگِرتیَسی.»

کارَل رسولَل 10:43

پِخَمَرَل، کُل اِبارَه او شاتیَ میَن گه هر کی ایمو باری اَر عیسی، وَه نُم او گنائَلی بَشخیا ماو.»

کارَل رسولَل 17:11

یهودیَل اورَه اژ یهودیَل شیَر تِسالونیکی نجیم‌تِر بین. اونَل وَه شوقا چِنِ گِرد کلوم خدا ئو کُلِ روژی نُسَخ مقدّسو خوءَ مَحیوَن ئو سوألونَ مَهَرد تاگَه بوئینِن اِراسی هُنَسَ یاگَه نه.

کارَل رسولَل 28:23

اَسَه روژونی اَرِه او مَیِّن کِرد ئو فِرَه کسَل هاتِنی اِرَه مال اَرِه تکی. او اژ شفق تاگَه شو گپ اَرِه دانی ئو شاتی داتی اَر پاتِشائی خدا ئو تقِلا کِردی اژ تورات موسی ئو نُسَخ پِخَمَرَل، اونَل اِبارَه عیسی قانی کِ.

کارَل رسولَل 7:52

کُماین پِخَمَرَ گه اژ دس باوَه‌لتو عذاو نکیشیِ؟ اونَل جُ‌جُ پِخَمَرَلونی گه هاتِن اَ پیا صالحونَ پیشگوئی کِرد، کُشت؛ ئو اِسگَه هُمِه‌یش هَر اوتو داءَ گیر ئو بینونیَ خوینی،

عِبرانیَل 11:13

یوئنَ کُل اِنوم ایمو مِردِن، بی‌یَگه وَدَه‌لو گِرتوئی، بلکِم اونَلو اژ دویرا دی ئو سِلامو کِردِن. اونَل قبولو کِرد گه اَررُی زَمی، بیگونَه ئو خَریوِن.

عِبرانیَل 11:40

اَرِیَگه خدا چی بیتِری اَرِنمو آوشدوئیتیِ کِل چیَما تا اونَل بی ایمَه کاملا نوئن.

اول پطرس 1:11

اونَل تقِلائونَ مَهَرد بفیَمِن وخدی گه روحِ مسیح اِنوم اُوُ، وِرِکار اَر عذاوَل مسیح ئو جِلال دُما اَوَه شاتیَ ماتی، هَشارَه مَهَردی اَر چه کس ئو چه زمونی.

اول پطرس 1:13

اِسَه فگِرَلتو اَرِه عمل آمادَه بِهَن، هوشیار بوئن ئو امیدتو کامل اَر فیضی بو گه موقَع ظاهربیئِن عیسی مسیح ماوَ نَصُیتو.