اول پطرس 1:1 - کتاب مقدس به زبان لکی - گویش مرکزی

¹ اژ پطرس، رسول عیسی مسیح، وَه کسَلی گه دیاری بینَ ئو اِ پونتوس ئو غَلاطیَه ئو کاپادوکیَه ئو آسیا ئو بیطینیَه پَشخا بینَسِ خَریوی؛

اول پطرس 1:1 Iomraidhean Croise

مَتّی 10:2

نُم اَ دوازَه رسولَ یوئنَنَ: اول‌بار، شَمعون مَشور وَه پطرس ئو بِرای آندریاس؛ یعقوب کُر زِبِدی ئو بِرای یوحنا؛

مَتّی 24:22

اَرّ اَ روژِلَ کُئلا نِموئیا، هُیچ بشری گیو آزا اِرنِمَهَردی. مِنتائای وَه خاطر کسَلی گه دیاری بینَ، اَ روژِلَ کُئلا ماو.

مَتّی 4:18

وخدی عیسی اَر لو دریاچَه جلیل مَچیا اَرئیا، دو بِرا دیتی وَه نُمَل شَمعون، مَشور وَه پطرس، ئو بِرای آندریاس، گه تورونَ ماوشد اِنوم دریاچَه، اَرِیَگه مایگیر بین.

لوقا 18:7

اِسَه، مَر خدا نِمَرَسیَ دای اونَلی گه ووژ دیاری کِردِنَسی گه شو ئو روژ اِمدایَ مارِنیِ درگا؟ یانی ایی کارَ هَراَ ماوژیِ دُما؟

یوحنا 11:52

ئو نه فَخَد اَرِه قوم، بلکِم اَرِه جیَم کِردِن ئو یَکی کِردِن آیلَل خدا گه اژ یَک چویچیانَ.

یوحنا 7:35

اَسَه یهودیَل موئِتونَ یَکتِری: «ایی پیا میا بِچو اَرِه کو گه ایمَه نِمَتونیم بِهِیمیَ دی؟ یانی مِه بِچو اَرِه تک یهودیَلی گه اِنوم یونانیَل پَشخِ‌پِلاآ بینَ ئو تیَلیم بیَ یونانیَل؟

کارَل رسولَل 18:2

اَر اورَه وَه‌گَرد پیا یهودی، آکیلا نُم اژ مردِم شیَر پونتوس، آشناآ بی گه وَه‌گَرد ژِنِهِه گه پْریسکیلا نُم بیتی، تازَه اژ ایتالیا هاتوئین، اَرِیَگه کْلودیوسِ امپراطور روم فِربو دائیتی گه یهودیَل کُل اژ روم بِهَنَ دِریر. پولُس چی اونَل بوئینی،

کارَل رسولَل 18:23

قِیلی مَن اَر اورَه ئو اِدوارَه کَتِ رئی چیَ سفر، اِنوم وِلاتَل غَلاطیَه ئو فْریجیَه، گُلَه اَر گُلَه مَگیردیا ئو قویَتَ ماتیَ کُل شاگردَل.

کارَل رسولَل 19:10

دو سال هَرهُنَ اَژی چِتی، هُنَ گه کُل مردِم هیال آسیا چه یهود، چه یونانی، کلوم خداونو شنَفت.

کارَل رسولَل 6:9

مِنتائای بِری اژ عضا عَبادتگا یهود گه وَه عَبادتگا ’آزادبیَل‘ مَشور بی، ئو اژ یهودیَل قیرَوان ئو اسکندریَه ئو هَمیش بِری اژ مردِم کیلیکیَه ئو هیال آسیا بین، بینَ دَمَرَگَ گَرد او.

کارَل رسولَل 8:4

مِنتائای اونَلی گه پَشخِ‌پِلاآ بوئین، پائونَ مَنیا اَر هر جا، کلوم خدائو اِلومَ مَهَرد.

اول قرنتیان 16:19

کلیسائَل هیال آسیا سِلامَ مَرِسِنِن‌ئونتو. آکیلا ئو پْریسکیلا ئو کلیسای گه اِنوم مالو دُریس بیَ، اِنوم خداون سِلام گرمَ مَرَسِنِن هُمَه.

دوئِم قُرَنتیان 1:8

اَرِیَگه اِاِ بِرال، نِمِم اژ سخدیَلی گه اِ هیال آسیا هاتَ سرمو، بی‌خَوَر بوئینو. اَرِیَگه بار گِرونی اَر کولمو بی گه ویشتِر اژ قُوه‌مو بی، هُنَ گه امید اَر زِنی مَنِنمون‌یش ناآشد.

غَلاطیَل 1:2

ئو هَمیش اژ کُل بِرالی گه هانَ گَردِم، وَه کلیسائَل غَلاطیَه:

اَفِسُسیَل 2:12

بارِنَ ویر گه اِ اَ زمونَ، اژ مسیح جیا بینو، ئو جُزم قوم اسرائیل وَه حساو نِماهاتینو ئو وَه‌گَرد عَتَل وَدَه بیگونَه بینو، ئو ناامید ئو بی‌خدا اِنوم ایی دنیاءَ زِنِه‌یتونَ مَهَرد.

اَفِسُسیَل 2:19

اِسَه هُمَه دیَر نه بیگونَه ئو نه اَژنَوی، بلکِم هُم‌خاک ایمودارَل مسیح ئو اژ هوز خدائینو؛

دوئِم تیموتائوس 1:15

خَوَر دیرین گه کسَلی گه هانِ هیال آسیااِر کُل رُیون اژ مِن اِرپِلونیَ، اِنوم اونَ فیگِلوس ئو هِرموگِنِس‌یش هَن.

عِبرانیَل 11:13

یوئنَ کُل اِنوم ایمو مِردِن، بی‌یَگه وَدَه‌لو گِرتوئی، بلکِم اونَلو اژ دویرا دی ئو سِلامو کِردِن. اونَل قبولو کِرد گه اَررُی زَمی، بیگونَه ئو خَریوِن.

یعقوب 1:1

اژ یعقوب، گه خُلُم خدا ئو عیسی مسیح خداونَ، وَه دوازَه طائفَه اسرائیل گه اِ کُل دنیا پَشخِ‌پِلاآ بینَ. سِلام!

اول پطرس 2:11

اِاِ عزیزَل، خواهشد اَژینتونَ مَهَم اِجور کسَلی گه اِ ایی دنیا بیگونَه ئو خَریوِن، اژ هُواوهوسَل جسم گه وَه‌گَرد روحِ هُمَه هانَ جنگ‌اِر دویرا بِگِرِن.

دوئِم پطرس 1:1

اژ شَمعونِ پطرس، خُلُم ئو رسول عیسی مسیح، وَه اونَلی گه وَه‌سونگَ عدالت خدا ئو نجاددهندَه‌مو عیسی مسیح، ایمونی اِجور ایمون ایمَه بیَسَ نَصُیو:

مِکاشفَه 1:11

گه موئِتی: «اَ چیئَه گه موئینین بِنُیسِن اِنوم کِتاوی ئو کِل‌کَ اَرِه هفت کلیسا اَفِسُس، اِسمیرنا، پِرگاموم، تیاتیرا، ساردِس، فیلادِلفیَه ئو لائودیکیَه.»