اول یوحنا 5:9 - کتاب مقدس به زبان لکی - گویش مرکزی

⁹ اَرّ ایمَه شاتی اِنسو قبولَ مِهِیم، شاتی خدا فِرَه کَلِنگتِرَ، اَرِیَگه یَه شاتی خداءَ گه اِبارَه کُر ووژ داسی.

اول یوحنا 5:9 Iomraidhean Croise

مَتّی 17:5

هَنی ایی قصَه اِ دَم پطرس بی گه وَه یِگِل اُر بِریقَه‌داری سا آوشدی اَر اونَل ئو دَنگی اژ اُرِهَه رَسی گه: «یَسَ کُر عزیزگرامی مِه گه فِرَه وَه دل مِنَ؛ گوش بِگِرنی‌ئون!»

یوحنا 10:38

مِنتائای اَرّ اونِلَ مارِمَ جا، جُ‌جُ اَرّ ایمونمَ بی نِمارینو، دسِ‌کم ایمو بارِنَ اَ کارِلَ، تاگَه بِذانینو ئو ایمونتو داشدوئی گه باوَه ها نوم مِن‌اِر ئو مِه هام اِنوم باوَه.»

یوحنا 5:39

هُمَه نُسَخ مقدّسَ مَجورینو، اَرِیَگه گُمونَ مِهِینو اِنوم اونَ، ژییاین ابدی دیرینو، اِسگَه هَرایی نُسَخَ اَر مِه شاتیَ میَن.

کارَل رسولَل 17:31

اَرِیَگه یِه روژی مَیِّن کِردیَسی، گه اِ اَ روژَ وَه‌سونگَ پیای گه دیاری کِردیِ، اَر دنیا وَه عدالتا داوریَ مِهِه، ئو وَه زِنیا کِردِنی اژ مِردیَل ایی حخیختَ ثابت کِردیَسی اَر کُل کس.»

کارَل رسولَل 5:32

ئو ایمَه شاتَل ایی چیئَلیمَ، هَرهُنَ گه روح‌القدس‌یش هَس گه خدا اَوَه داسیَ کسَلی گه اَژی اطاعتَ مَهَنی.»

عِبرانیَل 2:4

هُنَ گه خدایش شاتی داتیَ اَ نجادَ، وَه نشونَه‌ل ئو چیئَل بِلُجوئی ئو مُجِزَه‌ل جوراجور، ئو وَه عطائَل روح‌القدس گه مِطابق خواس ووژ بیَرونا مَهَردی.

عِبرانیَل 6:18

تا وَه‌سونگَ دو چی گه عوض نِموئن، گه مِحالَ خدا اِبارَه اونَل دِرو بوشی، ایمَه گه پِنامو آوِردیَ، فِرَه دلگرما بوئیم تاگَه سفدِسخد بچسبیمونَ امیدی گه نیریاس اَر نوامو.

اول یوحنا 5:10

هر کی اَر کُر خدا ایمو دیری، ایی شاتیَ اِنوم ووژ دیری. هر کی اَر خدا ایمو ناآشدوئیتی، او کِردیَسیَ دِروزِن، اَرِیَگه ایمو ناوِردیَسی اَر شاتی‌ای گه خدا اِبارَه کُر ووژ داسی.

اول یوحنا 5:8

روحِ خدا ئو آو ئو خوین؛ ئو ایی سِئَه یَکِن.