اول یوحنا 5:6 - کتاب مقدس به زبان لکی - گویش مرکزی

⁶ یَه هَر اَوَه‌‌سَ گه وَه آو ئو خوین هات، یانی عیسی مسیح. نه فَخَد وَه آو، بلکِم وَه آو ئو خوین؛ ئو روحِ خداءَ گه شاتیَ مِ، اَرِیَگه روحِ خدا، حخیختَ.

اول یوحنا 5:6 Iomraidhean Croise

مَتّی 26:28

یَسَ خوین مِن اَرِه عَت [جدید] گه وَه خاطر بشخِش گنائَل فِرَه کسَل مَرِشی‌اِرا.

مَتّی 3:16

وخدی عیسی تیَمید گِرتی، هِرازِه اژ آو اِرهات. هَراَ حِنَ آسمو تاقا بی ئو یحیی روحِ خدا دیتی گه چُی کموتری هاتَ هُار ئو نیشت اَررُی عیسی‌آ.

مَرقُس 14:24

ئو وِتیَ بینو: «یَسَ خوین مِه اَرِه عَتی [تازَه] گه وَه خاطر فِرَه کَسِلَ مَرِشی.

لوقا 22:20

ئو هَرِ ایی جورَ، دُما شُم جُمِهَه گِرتی ئو وِتی: «ایی جُمَ، عتِ جدیدَ اِنوم خوین مِه گه اَرِه هُمَه مَرِشی.

یوحنا 14:17

یانی روحِ حخیخت گه دنیا نِمَتونی بِچوتی‌ِ گِرد، اَرِیَگه نه اوءَ موئینی ئو نه مَشتاسِتی؛ مِنتائای هُمَه اوءَ مَشتاسینو، اَرِیَگه اَر تک هُمَه لیزَ مَگِری ئو مَمینی اِنوم هُمَه.

یوحنا 14:6

عیسی وِتیَ توما: «مِنِم رئی، مِنِم حخیخت، ئو مِنِم ژییاین؛ هُیچ کس نِمای اَرِه تک باوَه مَر وَه‌سونگَ مِنا.

یوحنا 15:26

«مِنتائای وخدی گه اَ هِنارَسَ گه اژ جونِم باوَه اَرِه هُمَه کِلَ‌مَهَم بای، یانی روحِ حخیخت گه اژ جونِم باوَه مای، او ووژ اِبارَه مِه شاتیَ مِ،

یوحنا 16:13

مِنتائای وخدی روحِ حخیخت بای، رئیَ مَنیِ وَرتو تاگَه وَه کُل حخیخت بِرَسینو؛ اَرِیَگه او اژ جونِم ووژ قصَه نِمِهِه، بلکِم اَ چیئَه گه مَشتوئی، موشی ئو اژ اَ چیئَه گه اِنواتِر میا بو، وَه‌گَرد هُمَه قصَه مِهِه.

یوحنا 3:5

عیسی جوواو داتی: «حخیختاً، موشِمَ بینِت تا کسی اژ آو ئو روحِ خدا زاندَه ناو، نِمَتونی با اِنوم پاتِشائی خدا.

یوحنا 4:10

عیسی جوواو داتی: «اَرّ اژ چیئی گه خدا بی تِلافَتی پیشکَشیَ مِ، خَوَرِت داشد، ئو مَذِناسدِت کیَ گه اژ تو آوَ مِیتی، تو ووژِت اژ اوتَ مِهِست، تاگَه آو زِنیَ مَوئَشخیاتیَ بینِت.»

یوحنا 4:14

مِنتائای هر کی اژ اَ آوَ گه مِنَ میَمیَ بی خُرّ دِ، هرگِس اِدوارَه تینی نِماوتی، بلکِم آوی گه مِنَ میَمیَ بی، اِ دَرین او ماوَ کیَنی‌ای گه تا ژییاین ابدی قُلَ میری.»

یوحنا 6:55

اَرِیَگه لارِم هُاردَنی حخیخی ئو خوینِم اَرِه خُرّ دائِن حخیخیَ.

کارَل رسولَل 8:36

هَرهُنَ گه وَه نوم رئیا مَچیان، رَسینَ آوی. خواجَه‌سرا وِتی: «سِیل کَ، آو هار ایرَه! چَه مَتونی نوا خُسِل تیَمید گِرتِنِم بِگِری؟»

رومیان 3:25

گه خدا وِرِکار عیسی مسیح اَرِه کفارَه گنائَل مَیِّن کِردی، تاگَه وَه‌سونگَ خوین او، اژ رئی ایمو باءَ دس. یَه اَرِه نِشو دائِن عدالت خدا اَنجوم گِرتی، اَرِیَگه خدا اِ صبِر الهی ووژ، گنا نواینِلَهَه وَه نِئیَ گِرتی.

اَفِسُسیَل 1:7

اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

کولُسیَل 1:4

اَرِیَگه اژ ایمونتون اَر مسیحْ عیسی ئو مِحبتی گه اَر ایمودارَل دیرینو، شنَفتِمونَ.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

تیتوس 3:5

او ایمَه نجاد داتی، نه وَه خاطر کارَلی گه اِ صالح‌بیئینمو کِردیَ، بلکِم وَه خاطر ریَمَت ووژ بی ئو اژ رئی خُسِلی گه وَه‌سونگَ اَوا، روح‌القدس تولد تازَه ئو زِنِه‌ی نوو بَشخیتیَ بینمو.

عِبرانیَل 10:29

هُمَه فگِرَ مِهِینو کسی گه کُر خدا ناسیِ ژیر پا ئو خوین عَتی گه وَه اَوَه وَخم بوئی، ناپاک وَه حساو آوِردیِ ئو بی‌عزّتی کِردیَسیَ روحِ فیض، چه مِجازات سخدتِری حَخَسی؟

عِبرانیَل 12:24

ئو اَر عیسی گه بَسخَه‌کَر عَت جدیدی کَ، ئو اَر خوین پِشکیای گه بیتِر اژ خوین هابیل قصَه مِهِه.

عِبرانیَل 13:20

اِسگَه، خداءِ صُئل‌وسِلامتی گه شوئون اعظم کاوِرَل یانی خداونمو عیسی، وَه خوین عَت ابدی اژ مِردیَل زِنیا کِردی،

عِبرانیَل 9:14

چَنی ویشتِر، خوین مسیح گه وَه‌سونگَ روحِ ابدی، ووژ بی‌عِو پیشکَش کِردی اَر خدا، وِژدان ایمَه اژ کارَل بی‌ثمر پاکا مِهِه تاگَه خِلمت اژ خداءِ زِنی بِهِیم!

عِبرانیَل 9:7

مِنتائای فَخَد کاهن اعظمَ مَچیا اِنوم بَشق دوئِمینِهَه، اَویشَ فَخَد سالی یِه گِل، ئو هر گِل‌یشی خوین قُرونیَ گَرد ووژَ موئردی تا اَرِه ووژ ئو گنائَلی گه قوم اژ نایونی اَنجومو دائی، پیشکَش کِ.

اول پطرس 1:2

اونَلی گه مِطابق اَ چیئَه گه خداءِ باوَه وِرِکار مَذِناسدی، وَه‌سونگَ کار تقدیس‌کَر روحِ خدا، ئو اَرِه اطاعت اژ عیسی مسیح ئو پِشکونِن خوین او اَر اونَل، دیاری بینَ: فیض‌وسِلامتی چَل‌چَل اَر هُمَه بو.

اول پطرس 3:21

ایی آوَ نمونَه خُسِل تیَمیدی کَ گه هَراِسگِه‌یشَ نجادتونَ مِ، نه اَرِه شُشتِن کثیفی لار، بلکِم آواخد وِژدو پاکی کَ گه ها دارا گه خدا بوئینی ئو وَه‌سونگَ زِنیابیئِن عیسی مسیح اژ مِردیَل نجادَ مَگِری،

اول یوحنا 1:7

مِنتائای اَرّ اِنوم نُیرَ مَچیم‌َ رئیا، هَرهُنَ گه خدا ها نوم نُیراِر، وَه‌گَرد یَک رِقیفی دیریم ئو خوین کُری، عیسی مسیح ایمَه اژ کُل گنائَل پاکا مِهِه.

اول یوحنا 4:10

مِحبت هَر یَسَ، نه یَگه ایمَه مِحبتمو کِردوئی اَر خدا، بلکِم او مِحبت کِردی اَر ایمَه ئو کُر ووژ کِل‌کِردی تاگَه کفارَه گنائَلمو بو.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛

مِکاشفَه 7:14

مِه وِتم‌ئون: «اِاِ آقا، تونَ مَذانین.» ئو او وِتی‌ئونِم: «یوئنَ هَراَ کسَلِنَ گه اژ عذاو کَلِنگ هاتِنَسَ دِریر، اونَل چوخائَل ووژون اِ خوین وَرک شوریَ ئو اِسبیا کِردیَ.