اول یوحنا 5:10 - کتاب مقدس به زبان لکی - گویش مرکزی

¹⁰ هر کی اَر کُر خدا ایمو دیری، ایی شاتیَ اِنوم ووژ دیری. هر کی اَر خدا ایمو ناآشدوئیتی، او کِردیَسیَ دِروزِن، اَرِیَگه ایمو ناوِردیَسی اَر شاتی‌ای گه خدا اِبارَه کُر ووژ داسی.

اول یوحنا 5:10 Iomraidhean Croise

یوحنا 3:16

«اَرِیَگه خدا اَخَ مِحبت کِردی اَر دنیا گه کُر یَکونَه ووژ داتی تا هر کی ایمو باری اَر او نابود ناو، بلکِم ژییاین ابدی داشدوئیتی.

یوحنا 3:18

هر کی ایمونَ بی دیرِتی مَکوم نِماو، مِنتائای هر کی ایمونَ بی نِرتی، هَراِسگَه مَکوم بیَ، اَرِیَگه ایمو ناوِردیَسی اَر نُم کُر یَکونَه خدا.

یوحنا 3:33

اَوَه گه مَچوءِ گِرد شاتی او، میر تاییدَ مِ اَر یَگه خدا حخیختَ.

یوحنا 5:38

ئو کلوم او لیز نَگِرتیَس اِنوم هُمَه، اَرِیَگه کسی گه باوَه کِل‌کِردیَ باوار نِمِهِینو.

کارَل رسولَل 8:37

[فیلیپُس وِتی: «اَرّ وَه تمومِ دل ایمونِت آوِردیَ، چیئی نِمَتونی نوا تیَمید گِرتِنِت بِگِری.» خواجَه‌سرا وِتی: «ایمو دیرِم گه عیسی مسیح کُر خداءَ.»]

رومیان 8:16

روحِ خدا، ووژَ گَرد روحِ ایمَه شاتیَ مِ گه ایمَه آیلَل خدایمو.

غَلاطیَل 4:1

مصقود مِه یَسَ: تا وخدی گه وارث صغیرَ، فرخی وَه‌گَرد خُلُما نِری، وَه‌یاآگه صائای کُل چی بو.

غَلاطیَل 4:6

اِسَه وَه خاطر یَگه آیلَلینو، خدا روحِ کُر ووژ کِل‌کِردی اِنوم دلَلمو گه دایَ ماتی، «اَبّا!» یانی «باوَه!»

کولُسیَل 3:3

اَرِیَگه هُمَه مِردینو ئو زِنِه‌ی هُمَه اِسگَه وَه‌گَرد مسیح اِنوم خدا پنهونَ.

عِبرانیَل 3:12

اِاِ بِرال، حُواستو بو گه ناخواد اِنوم یَکی اَژینتو دل گَن ئو بی‌ایمونی بو گه اژ خداءِ زِنی دویرتونا کِ.

دوئِم پطرس 1:19

ئو کلوم فِرَه مِطمئن پِخَمَرَل دیریم گه خوءَ حُواستون اَری بوتی، اَرِیَگه اِجور چراخی اِ جا تیَریکی مَدَرشخی تا وخدی گه بوءَ شفق ئو آسارَه صو اِنوم دلَلتو باءَ دِریر.

اول یوحنا 1:10

اَرّ بوشیم گه هُیچ گنامونی نَهَردیَ، اوءَ دِروزِن نشونَ مِیم ئو کلوم او اِنوم ایمَه نیَ.

اول یوحنا 5:1

هر کی ایمو دیری گه عیسی هَراَ مسیحَسَ گه باس بای، اژ خدا زاندَه بیَ؛ ئو هر کی باوَه دوس دیری، زاندَه اویش دوس دیری.

مِکاشفَه 12:17

اَسَه اُژدها خِض گِرت اَر ژِنَهَه ئو چی تا وَه‌گَرد باقی نسِل او جنگ بِهِه؛ یانی وَه‌گَرد اونَلی گه حکمَل خدا مارِنَ جا ئو سفدِسخد مَچسبِن اَر شاتی عیسی‌آ.

مِکاشفَه 2:17

«اَوَه گه گوش دیری بشتوئی گه روحِ خدا چَه موشیَ کلیسائَل. هر کی فائق بای، قِری اژ اَ ’مَنّا‘ قائم‌کَریا میَمی‌ئون ئو بَرد اِسبی‌ای میَمی‌ئون گه نُم تازه‌ی نُیسیاسی اَررُی، نُمی گه هُیچ‌کس نِمَذانتی مَر کسی گه مَسینِتی.

مِکاشفَه 2:28

ئو مِه آسارَه شفقَ میَمی‌ئون.