اول یوحنا 4:12 - کتاب مقدس به زبان لکی - گویش مرکزی

¹² هُیچ‌کس هرگِس خدا نِئیَسی؛ اَرّ ایمَه مِحبت بِهِیم اَر یَکتِری، خدا لیز گِرتیَس اِنوم ایمَه ئو مِحبت او اِنوم ایمَه کاملا بیَ.

اول یوحنا 4:12 Iomraidhean Croise

یوحنا 1:18

هُیچ‌کس هرگِس خدا نِئیَسی. مِنتائای اَ یَکونَه کُر خدا گه ها باووش باوِه‌اِر، هَراَ کسَ، خدا شناسونی اَر ایمَه.

اول قرنتیان 13:13

اِسگَه، ایی سه چیَ مَمینی، ایمون ئو امید ئو مِحبت. مِنتائای کَلِنگتِرینو مِحبتَ.

اول تیموتائوس 1:17

عزّت ئو جِلال تا ابدالآباد اَر اَ خداءِ یَکونَه، اَ پاتِشا زمونَه‌ل، او گه هرگِس نِمَمِری ئو کس نِمَتونی بوئینتی. آمین!

اول تیموتائوس 6:16

او گه تَنیا کسی کَ گه نَمِرَ، او گه لیز گِرتیَس اِنوم نُیری گه کس نِمَتونی نزیکا بوتی، هُیچ‌کس هرگِس او نِئیَسی ئو نِمَتونی بوئینتی، عزّت ئو سِلطنت تا ابد اَری بوتی. آمین.

عِبرانیَل 11:27

وَه ایمو بی گه موسی بی‌یَگه زِلَه اژ خَضو پاتِشا بِچوتی اژ مصر کِردیَ دِریر، اَرِیَگه او طاخَت آوِردی، اِجور کسی گه اَوَه گه نِماو بوئینینی، موئینی.

اول یوحنا 2:5

مِنتائای کسی گه کلوم اوءَ ماریَ جا، مِحبت خدا اِراسی اِنوم او کاملا بیَ. هُنَ مَذانیم گه هایمون اِنوم او:

اول یوحنا 3:24

هر کی اژ فِربونَل او اطاعتَ مِهِه، لیز گِرتیَس اِنوم خدا ئو خدایش اِنوم او؛ ئو هُنَ، وَه‌سونگَ اَ روحَ گه او بَشخیَسی‌ئونمو، مَذانیم گه او لیز گِرتیَس اِنوم ایمَه.

اول یوحنا 4:16

اِسَه ایمَه مِحبتی گه خدا اَر ایمَه دیری شناسیمونَ ئو باوارمو کِردیَ. خدا مِحبتَ ئو کسی گه لیز گِرتیَس اِنوم مِحبت، لیز گِرتیَس اِنوم خدا ئو خدا اِنوم او.

اول یوحنا 4:20

اَرّ کسی بوشی گه خدا دوس دیری ئو اژ بِرا ووژ بیزار بو، دِروزِنَ. اَرِیَگه کسی گه بِرا ووژ گه موئینی، دوس نِری، نِمَتونی خدای گه نِئیِ، دوس داشدوئیتی،

اول یوحنا 4:6

ایمَه اژ خدایمو ئو کسی گه خداءَ مَشتاسی، گوشَ مِ‌ئونمو؛ مِنتائای اَوَه گه اژ خدا نیَ، گوش‌ئونمو نِمِ. ایمِه‌یش هُنَ، روح حخیخت ئو روح دِرو اژ یَک اِرَماریم.