اول یوحنا 4:11 - کتاب مقدس به زبان لکی - گویش مرکزی

¹¹ اِاِ عزیزَل، اَرّ خدا ایمَه هُنَ مِحبت کِردی، ایمِه‌یش باس مِحبت بِهِیم اَر یَکتِری.

اول یوحنا 4:11 Iomraidhean Croise

لوقا 10:37

جوواوا داتی: «اَوَه گه دل اَرِه سُتی.» عیسی وِتی: «بِچُ ئو تونیش هُنَ بِهَه.»

یوحنا 13:34

حکِم نووئی میَمَ بینتو، ئو اَوَه یَسَ گه مِحبت بِهَن اَر یَکتِری. هَرهُنَ گه مِه مِحبتِم کِرد اَر هُمَه، هُمِه‌یش باس مِحبت بِهِینون اَر یَکتِری.

اَفِسُسیَل 4:31

هر جور تیَلی، خَضو ئو خِض، قارَه، بُختِم ئو هر جور گَنی هِستِن اژ ووژتو دویرا کَن.

کولُسیَل 3:13

یَکتِری تیَمِل کَن ئو اَرّ کسی اَرضد کسی‌تِر شکائَت دیری، یَکتِری بوئَشخِن. هَرهُنَ گه خداون هُمَه بَشخیتی، هُمِه‌یش باس یَکتِری بوئَشخینو.

اول یوحنا 2:7

اِاِ عزیزَل، حکِم تازَه‌تونی اَرِه نِمَنُیسِنِم، بلکِم حکِم قدیمی‌‌ای گه اژ اول داشدِتونَ. ایی حکِم قدیمیَ، هَراَ کَلومَسَ گه شنَفتِتونَ.

اول یوحنا 3:11

اَرِیَگه یَسَ اَ پِغومَ گه اژ اَ اولَ شنَفتِتونَ، گه باس یَکتِریمو دوس داشدوئی.

اول یوحنا 3:23

حکِم او یَسَ گه ایمو باریمَ نُم کُری عیسی مسیح ئو یَکتِریمو دوس داشدوئی، هُنَ گه مسیح‌یش هَر ایی فِربونَ داسیَ ایمَه.

اول یوحنا 4:7

اِاِ عزیزَل، مِحبت کَن اَر یَکتِری، اَرِیَگه مِحبت اژ خداءَ ئو هر کی مِحبتَ مِهِه، اژ خدا زاندَه بیَ ئو خداءَ مَشتاسی.

دوئِم یوحنا 1:5

اِسگَه اِاِ بانوءِ عزیز، خواهشدتی اَژی دیرِم ئو نه یَگه فِربو تازَه‌تی اَرِه بِنُیسِنِم، بلکِم هَر اَوَه گه اژ اَ اولَ داشدِمونَ، گه یَکتِریمو دوس داشدوئی.