اول یوحنا 3:8 - کتاب مقدس به زبان لکی - گویش مرکزی

⁸ هر کی اِنوم گنا زِنِه‌یَ مِهِه اژ ابلیسَ، اَرِیَگه ابلیس هَر اژ اَ اولا گنا کِردیِ ئو مِهِه. اَژونَبیَ گه کُر خدا ظاهر بی تاگَه کارَل ابلیس باطل کِ.

اول یوحنا 3:8 Iomraidhean Croise

مَتّی 12:28

مِنتائای اَرّ مِه وَه‌سونگَ روحِ خدا مِلاکَتِلَ مَهَمَ دِریر، اِسَه پاتِشائی خدا هاتیَس اَر هُمَه.

مَتّی 13:38

زَمی، ایی دنیاسَ؛ ئو تُئم خو، آیلَل پاتِشائی آسمونِن. گیال، آیلَل اَ شریرِنَ؛

مَتّی 4:3

اَسَه اَ وسوسَه‌کَرَ، یانی ابلیس، هات اِرَه تک عیسی ئو وِتی: «اَرّ کُر خدائین، فِربو بیَ ایی کُچِکِلَ تاگَه بوئنَ نُو!»

مَرقُس 1:24

«هَه عیسیِ ناصری، اِ ایمَت چا؟ یانی هاتینَ نابودمو کِین؟ مَذانِم تو کیئین! تو هَر اَ قدوسِ خدائینَ!»

لوقا 10:18

عیسی وِتی‌ئونو: «مِه دیم گه شِطون اِجور تَش‌بِریق اژ آسمو کَت‌اِرا.

یوحنا 12:31

اِسگَه وخد داوری اَر ایی دنیاسَ؛ اِسگَه رِئیس ایی دنیا ماوژِنَ دِریر.

یوحنا 16:11

ئو اِبارَه داوری کِردِن‌یش، اَرِیَگه رِئیس ایی دنیا مَکوم بیَ.

یوحنا 8:44

باوَه هُمَه ابلیسَ ئو هُمَه اژ اَوینونَ ئو هاینونَ دُم اَنجوم دائِن چیئَلی گه باوِ مِیلَسی. او اژ اَ اولَ قاتل بی ئو هُیچ وخد نِموسیا اَر رُی حخیخت، اَرِیَگه هُیچ حخیختی اِنوم او نیَ. هر وخد گه دِروءَ موشی، اژ ذات ووژی دِروءَ موشی؛ اَرِیَگه دِروزِنَ ئو باوَه دِروزِنِلَ.

رومیان 16:20

خداءِ صُئل‌وسِلامتی هَرِ ایی زویَ شِطون اِژیر پال هُمَه مَتِلِنیا. فیض خداونمو عیسی مسیحَ گَردتو بو.

اَفِسُسیَل 2:2

ئو زمونی اِنوم اونَل زِنِه‌یتونَ مَهَرد، اَسَه گه مَچیاینونِ تُرّ ریئَل ایی دنیا ئو رِئیس قدِرت هُوا، ابلیس، یانی هَراَ روحی گه اِسگِه‌یشَ اِنوم آیلَل کورفِربونی کارَ مِهِه.

کولُسیَل 2:15

او اسلحَه اژ حکِمرونَل ئو قدِرتَل گِرتی، ئو وَه فائق هاتن اَر اونَل اِنوم ووژ گه اَررُی صلیب بی، اِوَر چیَم کُل رُسبائو کِردی.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

عِبرانیَل 2:14

اِسَه اَرِیَگه آیلَل اِ جسم ئو خوین هُم‌بیَرِن، اوئیش ووژ اِنوم هَر ایی چیئِلَ هُم‌بیَرا بی تا وَه‌سونگَ مرگ، صائای قدِرت مرگ، یانی ابلیس نابود کِ،

عِبرانیَل 9:26

اَرِیَگه اَسَه، مسیح باس اژ زَمو بِنیا دنیا، هَر جُور کیشوئیتی. مِنتائای اِسگَه او یِه گِل اَرِه همیشَه اِ آخِر کُل دورَه‌ل ظاهر بیَ تا وَه قُرونی کِردِن ووژ، گنا اژ بِن بیَری.

دوئِم پطرس 2:4

اَرِیَگه اَرّ خدا ریَم نَهَردی اَر فریشدَه‌لی گه گنائو کِرد، بلکِم اونَل آوشدیِ تیَه سیاچال جیَنِم ئو سپارتِنیَ زنجیرَل تیَریکی شوءَزنگی تا اَرِه داوری بِمینِن اَر اورَه؛

اول یوحنا 1:2

ایی ژییاینَ آشگارا بی؛ ئو ایمَه اَومونَ دیَ ئو اَر اَوَه شاتیَ مِیم. ایمَه ژییاین ابدی‌ای اِلومَ مِهِیم اَرینتو، گه اَرتَک باوَه بی ئو آشگارا بی اَر ایمَه؛

اول یوحنا 3:10

هُنَ آشگارا ماو چه کسَلی آیلَل خدان ئو چه کسَلی آیلَل ابلیس: اَوَه گه صالح‌بیئین نِماریَ جا اژ خدا نیَ ئو هَمیش اَوَه گه بِرا ووژ دوس نِری.

اول یوحنا 3:5

هُمَه مَذانینو گه مسیح ظاهر بی تاگَه گنا اژ بِن بیَری. اِنوم او هُیچ گنای نیَ.

اول یوحنا 5:19

ایمَه مَذانیم گه اژ خدایم ئو کُل دنیا ها ژیر دس شِطون‌اِر.

یهودا 1:6

ئو فریشدَه‌لی‌شی گه نوسیان اَرسر مقوم قدِرت‌واختیار ووژو، بلکِم جالیز دُریس ووژو هُیشتونِ جا چِن، اِ زنجیرَل ابدی هُیشتیَسیِ تیَریکی شوءَزنگی تا موقَع داوری اِ اَ روژ کَلِنگَ.

مِکاشفَه 20:10

ئو ابلیس، گه فَنو دائیتی، آوشدون اِنوم دریاچَه آگِر ئو گوگرد، جای گه اَ جونور وَشیَ ئو نبوّت‌کَر دِروزِنِ بین. ئو اونَل شو ئو روژ تا ابد عذاوَ مَکیشِن.

مِکاشفَه 20:15

ئو هر کی گه نُم اِ دفتر ژییاین نَنُیسیائیتی، آوشدون اِنوم دریاچَه آگِر.