اول یوحنا 3:6 - کتاب مقدس به زبان لکی - گویش مرکزی

⁶ هر کی اِنوم او بِمینی، گُرّان گنا نِمِهِه ئو هر کی گُرّان گنا مِهِه، او نِئیِ ئو نِمَشتاسی.

اول یوحنا 3:6 Iomraidhean Croise

دوئِم قُرَنتیان 3:18

ئو کُل ایمَه هُنَ گه وَه رُیَل بی‌نِقاو، اِجور آینه‌ی جِلال خداون نشونَ مِیم، یاواش یاواش اِنوم جِلالی گه روژَ روژ ویشتِرا ماو، عوضَ موئیمَ شکِل او، ئو یَه، کار خداون یانی روح‌القدسَ.

دوئِم قُرَنتیان 4:6

اَرِیَگه هَراَ خداءَ گه وِتی: «نُیر اِنومجا تیَریکی بدَرشخی،» نُیر ووژ آوشدی اَر دلَل ایمَه تاگَه شناخت جِلال خدا اَر نوم‌رُی عیسی مسیح، اَر ایمَه بدَرشخِنی.

اول یوحنا 2:28

اِسگَه، اِاِ رولَه‌ل، اِنوم او بِمینِن تا وخدی گه او ظاهرَ ماو، اطمینونمو داشدوئی ئو موقَع هاتِنی خجالت نوم‌رُی او نوئیمو.

اول یوحنا 2:3

اَرّ حکمَل او باریمَ جا، هُنَ مَذانیم گه اومو شناسیَ.

اول یوحنا 2:4

هر کی بوشی اوءَ مَشتاسِم، مِنتائای حکمَل نارتیَ جا، دِروزِنَ ئو حخیخت اِنوم او نیَ.

اول یوحنا 3:2

اِاِ عزیزَل، اِسگَه آیلَل خدایمو، مِنتائای اَ چیئَه گه میا بوئیمو حالامی دیار نوئیَ، مِنتائای مَذانیمو وخدی گه او ظاهر بو، موئیمون اِجور او، اَرِیَگه او هَراَ جورَ گه هَس، موئینیمو.

اول یوحنا 3:9

اَوَه گه اژ خدا زاندَه بیَ، اِنوم گنا زِنِه‌ی نِمِهِه، اَرِیَگه ذات خدا اِنوم اوءَ مَمینی ئو نِمَتونی اِنوم گنا زِنِه‌ی بِهِه، اَرِیَگه اژ خدا زاندَه بیَ.

اول یوحنا 4:8

هر کی مِحبت نِمِهِه، خدا نِمَشتاسی، اَرِیَگه خدا مِحبتَ.

اول یوحنا 5:18

ایمَه مَذانیم گه هر کی اژ خدا زاندَه بیَ دیَر اِنوم گنا زِنِه‌ی نِمِهِه، بلکِم اَ ’زاندَه خدا‘ یانی عیسی، مِتیَه‌جیَ ماوتی ئو دس شِطو نِمَرَستی‌ئون.

سِئِم یوحنا 1:11

اِاِ عزیزِم، گَنیَ سرمقش ووژِت نِهَه بلکِم اژ خوئی سرمقشا بِگِر؛ کسی گه خوئیَ مِهِه، اژ خداءَ، آم گَنَ‌کار هرگِس خدا نِئیَسی.