اول یوحنا 3:3 - کتاب مقدس به زبان لکی - گویش مرکزی

³ ئو هر کی هُنَ امیدیَ بی دیرِتی، ووژ پاکا مِهِه، هُنَ گه او پاکَ.

اول یوحنا 3:3 Iomraidhean Croise

مَتّی 5:48

اِسَه هُمَه کامل بوئن هُنَ گه باوَه آسمونی هُمَه کاملَ.

لوقا 6:36

اِسَه رِئیم بوئن، هَرهُنَ گه باوَه‌تو رِئیمَ.

یوحنا 17:19

مِه ووژِم وَه خاطر اُوُ وَخمَ مَهَم، تاگَه اون‌یش اِنوم حخیخت وَخم بوئن.

کارَل رسولَل 15:9

او هُیچ دوچیَمکی اِنوم ایمَه ئو اونَل نَهَردی، بلکِم وَه‌سونگَ ایمو، دلَلو پاکا کِردی.

رومیان 15:12

ئو اِدوارَه اِشعیا پِخَمَریشَ موشی: «ریشی یَسا مای، هَر اَوَه گه اَرِه حکِمرونی اَر قومَل خِرِیهود، هیزَمَگِری؛ ئو امید قومَل خِرِیهود هار او.»

دوئِم قُرَنتیان 7:1

اِاِ عزیزَل، اِسگَه گه ایی وَدِه‌لَ دیریم، بورِن ووژمو پاکا کِیم اژ هر ناپاکی جسم ئو روح، ئو وَه ترس اژ خدا، مقدّس‌بیئین برَسِنیمَ کمال.

کولُسیَل 1:5

گه یوئنَ اژ امیدی گه اِ آسمو اَرِه هُمِه‌ئو هُیشتیَ مای، گه وِرِکار اِنوم کلوم حخیخت یانی انجیلتو شنَفتیَ،

دوئِم تِسالونیکیَل 2:16

اِسگَه خداونمو عیسی مسیح ووژ، ئو خدا، باوَه آسمونیمو گه ایمَه دوس داشدی ئو وَه فیض ووژ دلگُوئی ابدی ئو امید خو بَشخیتیَ بینمو،

تیتوس 3:7

تاگَه وَه فیض او صالح وَه حساو بایم ئو مِطابق امید اَر ژییاین ابدی بوئیمَ وارثَل.

عِبرانیَل 12:14

فِرَه تقِلا بِهَن تاگَه وَه‌گَرد کُل مردِم اِ صُئل بوئینو ئو مقدّس بوئینو، اَرِیَگه وَه بی‌اَوَه هُیچ‌کس خداون نِموئینی.

عِبرانیَل 6:18

تا وَه‌سونگَ دو چی گه عوض نِموئن، گه مِحالَ خدا اِبارَه اونَل دِرو بوشی، ایمَه گه پِنامو آوِردیَ، فِرَه دلگرما بوئیم تاگَه سفدِسخد بچسبیمونَ امیدی گه نیریاس اَر نوامو.

عِبرانیَل 7:26

اَرِیَگه اِراسی ایمَه هُنَ کاهن اعظممونی اِکَل بی، کاهن قدوس، بی‌عِو، بی‌لکَه، جیا اژ گناکارَل، ئو جِلال گِرتی بِلِنگ‌تِر اژ آسمونَل.

یعقوب 4:8

نزیک خدا بوئن گه خدایش نزیکتونَ ماو. اِاِ گناکارَل، دَسَلتو اژ گنا بشورِن ئو اِاِ آمَل دودل، دلَلتو پاکا کَن.

اول پطرس 1:15

بلکِم اِجور اَ قدوسَ گه دَوَتتو کِردیِ، هُمِه‌یش اِ کُل رفدارَلتو مقدّس بوئن؛

اول پطرس 1:3

بِمارِکَ خدا ئو باوَه خداون ایمَه عیسی مسیح گه وَه ریَمَت کَلِنگ ووژ، وَه‌سونگَ زِنیا بیئِن عیسی مسیح اژ مِردیَل تولد تازه‌ی بَشخیتیَ ایمَه، اَرِه امید زِنی‌ای

دوئِم پطرس 1:4

گه وَه‌سونگَ یوئنَ او وَدَه‌ل کَلِنگ ئو خیمتی ووژ بَشخیَسیَ ایمَه، تا وَه‌سونگَ اونَ بوئینونَ هُم‌بیَر طبیعت الهی ئو اژ فسادی گه وَه خاطر میلَ گنا ها نوم دنیااِر، آزاد بوئینو.

دوئِم پطرس 3:14

اِسَه اِاِ عزیزَل، اِسگَه گه چیَمَ‌رئی ایی چیئَلینونَ، خو تقِلا بِهَن تا اَرتَک او بی‌لکَه ئو بی‌عِو ئو اِنوم صُئل بوئینو.

اول یوحنا 2:6

اَوَه گه موشی اِنوم اوءَ مَمینِم، باس هَراَ جورَ رفدار بِهِه گه عیسی رفدارَ مَهَردی.

اول یوحنا 4:17

مِحبت هُنَ اِنوم ایمَه کاملا بیَ تاگَه ایمَه اِ روژ داوری اطمینونمو داشدوئی، اَرِیَگه ایمَه اِنوم ایی دنیاءَ هَراَ جوریمَ گه او هَس.