اول یوحنا 3:23 - کتاب مقدس به زبان لکی - گویش مرکزی

²³ حکِم او یَسَ گه ایمو باریمَ نُم کُری عیسی مسیح ئو یَکتِریمو دوس داشدوئی، هُنَ گه مسیح‌یش هَر ایی فِربونَ داسیَ ایمَه.

اول یوحنا 3:23 Iomraidhean Croise

مَتّی 22:39

دوئِمین حکم‌یش اِجور حکِم اولینِهِئَه: ”هُمسات اِجور ووژِت دوسِت داشدوئی.“

مَرقُس 9:7

اَسَه اُری اونَل گِرتیِ وَر ئو دَنگی اژ اُرِهَه رَسی گه، «یَسَ کُر عزیزگرامیم، گوش بِگِرِنیَ بی.»

یوحنا 1:12

مِنتائای وَه کُل کسَلی گه چِنیِ گِرد، ایی حخَ داتی گه بوئنَ آیلَل خدا، یانی وَه هر کی گه ایمو باری اَر نُم او؛

یوحنا 13:34

حکِم نووئی میَمَ بینتو، ئو اَوَه یَسَ گه مِحبت بِهَن اَر یَکتِری. هَرهُنَ گه مِه مِحبتِم کِرد اَر هُمَه، هُمِه‌یش باس مِحبت بِهِینون اَر یَکتِری.

یوحنا 14:1

«سِتار اژ دلتو نُئِری. ایمونتون اَر خدا داشدوئی؛ ایمونتون اَر مِن‌یش داشدوئی.

یوحنا 15:12

«حکِم مِه یَسَ گه مِحبت بِهَن اَر یَکتِری، هُنَ گه مِه مِحبتِم کِردیَس اَر هُمَه.

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

یوحنا 2:23

وخدی گه عیسی اَرِه عِد پِسَخ اِنوم شیَر اورشلیم بی، فِرَه کسَل وَه مُجِزَه‌ل ئو نشونَه‌لی گه وَه چیَمونَ موئینیا، ایمونو آوِرد اَر نُم او.

یوحنا 3:18

هر کی ایمونَ بی دیرِتی مَکوم نِماو، مِنتائای هر کی ایمونَ بی نِرتی، هَراِسگَه مَکوم بیَ، اَرِیَگه ایمو ناوِردیَسی اَر نُم کُر یَکونَه خدا.

یوحنا 6:29

عیسی جوواو داتی: «کاری گه خدا خَوشَ مایتی یَسَ گه ایمو بارینونَ اَ کسَ گه کِل‌کِردیِ.»

کارَل رسولَل 16:31

اونَل جوواوُنا دا: «ایمو بار اَر خداون عیسی مسیح گه تون ئو عتِ‌عیالِت نجادَ مَگِرینو.»

اَفِسُسیَل 5:2

ئو اِنوم مِحبت رفدار بِهَن، هَرهُنَ گه مسیح‌یش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.

اول تِسالونیکیَل 4:9

اِسگَه اِبارَه مِحبت بِرائی نیازی نیَ کسی چیئی اَرِنتو بِنُیسِنی، اَرِیَگه هُمَه ووژتون اژ خدا گِرتِتونَسا گه یَکتِریتو دوس داشدوئی.

اول تیموتائوس 1:15

ایی قصَه ماو اِتِمادَ بی کِینی ئو سزاوارَ گه تمومِ‌کمال قبول بو گه مسیحْ عیسی هات اِنوم ایی دنیاءَ تا گناکارَل نجاد دِ، گه مِه اژ کُل اونَل کَلِنگتِرِم.

اول پطرس 1:22

اِسگَه گه وَه اطاعت اژ حخیخت، گیونَل ووژتو پاکتونا کِردیَ تا مِحبت بِرائی خالصتو داشدوئی، باس اژ تیَه دلا فِرَه یَکتِریتو دوس داشدوئی.

اول پطرس 4:8

مِهمتِر اژ کُل چی، اژ تیَه دلا یَکتِریتو دوس داشدوئی، اَرِیَگه دوس داشدِن، گنائَل فِرِه‌ی مَپوشِنی.

اول یوحنا 2:7

اِاِ عزیزَل، حکِم تازَه‌تونی اَرِه نِمَنُیسِنِم، بلکِم حکِم قدیمی‌‌ای گه اژ اول داشدِتونَ. ایی حکِم قدیمیَ، هَراَ کَلومَسَ گه شنَفتِتونَ.

اول یوحنا 3:11

اَرِیَگه یَسَ اَ پِغومَ گه اژ اَ اولَ شنَفتِتونَ، گه باس یَکتِریمو دوس داشدوئی.

اول یوحنا 4:15

هر کی اعترافَ مِهِه گه عیسی کُر خداءَ، خدا لیز گِرتیَس اِنوم او ئو اویش اِنوم خدا.

اول یوحنا 4:21

ئو ایمَه ایی حکمَ اژ او دیریم گه هر کی خدا دوس دیری، باس بِرا ووژیشی دوس داشدوئیتی.

اول یوحنا 5:13

مِه یوئنَتونَ اَرِنَ مَنُیسِنِم تاگَه هُمَه گه وَه نُم کُر خدا ایمو دیرینو، بِذانینو گه ژییاین ابدی دیرینو.