اول یوحنا 3:21 - کتاب مقدس به زبان لکی - گویش مرکزی

²¹ اِاِ عزیزَل، اَرّ دلمو ایمَه مَکوم نِهِه، اَرتَک خدا اطمینو دیریم

اول یوحنا 3:21 Iomraidhean Croise

رومیان 14:22

ایمونِت اِبارَه ایی چیئِلَ بِیل اَرتَک ووژت ئو خدا. خَوزگالَ کسی گه ووژَ خاطر اَ چیئَه گه تاییدَ مِهِه، قضاوت نِهِه.

اول قرنتیان 4:4

اَرِیَگه عِوی اِنوم ووژِم نِموئینِم، مِنتائای یَه مِه بی‌گنا نِمِهِه. بلکِم خداونَ گه اِبارَه مِه قضاوتَ مِهِه.

دوئِم قُرَنتیان 1:12

اَرِیَگه افتخار ایمَه شاتی وژدانمونَ، گه ایمَه اِنوم ایی دنیاءَ ئو مصقوصاً چَنی ویشتِر وَه‌گَرد هُمَه، وَه ساده‌ی ئو رُی‌راسی گه اژ خداءَ رفدارمو کِرد، نه وَه حکمت بشری بلکِم وَه فیض خدا.

اَفِسُسیَل 3:12

ایمَه اِنوم مسیح وَه‌سونگَ ایمونی گه اَر او دیریم، مَتونیم وَه جورَت ئو وَه اطمینو نزیک بوئیم اَر خدا.

اول تیموتائوس 2:8

ایلَهَه آواخدِم یَسَ گه پیال اِ کُل جا، بی خِض ئو مِرافَه، دَسَل مقدّس اَرِه دوعا بِگِرِنِ رُ.

عِبرانیَل 10:22

بورِن وَه دلی رُی‌راس ئو اطمینو کاملِ ایمو نزیکا بوئیمون اَر خدا ئو، هُنَ گه دلَلمو اژ وِژدان گَن پاکا کِردیَ ئو لارَلمو وَه آو پاک شوریَ؛

عِبرانیَل 4:16

اِسَه وَه اطمینو نزیکا بوئیم اَر تخت فیض تاگَه ریَمَت بوءَ نَصُیمو ئو فیضی باریمَ دس گه وخد هَوَجَه برَسیَ دایمو.

اول یوحنا 2:28

اِسگَه، اِاِ رولَه‌ل، اِنوم او بِمینِن تا وخدی گه او ظاهرَ ماو، اطمینونمو داشدوئی ئو موقَع هاتِنی خجالت نوم‌رُی او نوئیمو.

اول یوحنا 2:7

اِاِ عزیزَل، حکِم تازَه‌تونی اَرِه نِمَنُیسِنِم، بلکِم حکِم قدیمی‌‌ای گه اژ اول داشدِتونَ. ایی حکِم قدیمیَ، هَراَ کَلومَسَ گه شنَفتِتونَ.

اول یوحنا 3:2

اِاِ عزیزَل، اِسگَه آیلَل خدایمو، مِنتائای اَ چیئَه گه میا بوئیمو حالامی دیار نوئیَ، مِنتائای مَذانیمو وخدی گه او ظاهر بو، موئیمون اِجور او، اَرِیَگه او هَراَ جورَ گه هَس، موئینیمو.

اول یوحنا 3:20

اَرِیَگه هر وخد گه دلمو ایمَه مَکوم بِهِه، خدا کَلِنگتِر اژ دل ایمِئَه ئو اژ کُل چی خَوَر دیری.

اول یوحنا 4:17

مِحبت هُنَ اِنوم ایمَه کاملا بیَ تاگَه ایمَه اِ روژ داوری اطمینونمو داشدوئی، اَرِیَگه ایمَه اِنوم ایی دنیاءَ هَراَ جوریمَ گه او هَس.

اول یوحنا 5:14

ئو یَسَ اطمینونی گه اَرتَک خدا دیریم گه اَرّ چیمونی مِطابق خواس او بِ، او دَنگمونَ مَشتوئی.