اول یوحنا 3:16 - کتاب مقدس به زبان لکی - گویش مرکزی

¹⁶ ایمَه دوس داشدِنمو اژ یَه شناسیَ گه او گیو ووژ کِردیَ خِر ایمَه ئو ایمِه‌یش باس گیو ووژمو بِهِیمَ خِر بِرال.

اول یوحنا 3:16 Iomraidhean Croise

مَتّی 20:28

هُنَ گه کُر اِنسون‌یش نِهات تاگَه خِلمت اَژی بِهَنی، بلکِم هات تاگَه خِلمت بِهِه ئو تا گیون ووژ اِجور نَسَخ آزادی اَرِه فِرَه کسَل بِ.»

یوحنا 10:11

«مِنِم اَ شوئو خوءَ. شوئو خو گیو ووژَ مِهِئَه خِر کاوِرَلی.

یوحنا 10:15

هُنَ گه باوَه مِنَ مَشتاسی ئو مِه باوَه مَشتاسِم. مِه گیون ووژمَ مَهَمَ خِر کاوِرَلِم.

یوحنا 13:34

حکِم نووئی میَمَ بینتو، ئو اَوَه یَسَ گه مِحبت بِهَن اَر یَکتِری. هَرهُنَ گه مِه مِحبتِم کِرد اَر هُمَه، هُمِه‌یش باس مِحبت بِهِینون اَر یَکتِری.

یوحنا 3:16

«اَرِیَگه خدا اَخَ مِحبت کِردی اَر دنیا گه کُر یَکونَه ووژ داتی تا هر کی ایمو باری اَر او نابود ناو، بلکِم ژییاین ابدی داشدوئیتی.

کارَل رسولَل 20:28

حُواستون اَر ووژتون ئو کُل ریئَن بو، گه روح‌القدس هُمَل اَرِه نظارت اَر اونَل اِنتخاو کِردیِ تاگَه کلیسا خداون گه وَه خوین ووژ خِریَسی شوئونی کِینو.

رومیان 16:4

اُوُ گیو ووژونَ خاطر مِه آوشدیَسِ خطر، ئو نه فَخَد مِه، بلکِم کُل کلیسائَل خِرِیهودیَل منّت‌بارونِن.

رومیان 5:8

مِنتائای خدا مِحبت ووژ هُنَ اَر ایمَه ثابت کِردی گه وخدی ایمَه هَنی گناکار بیمو، مسیح اَرِه ایمَه مِرد.

دوئِم قُرَنتیان 4:12

اِسَه مرگ اِنوم ایمَه عملَ مِهِه، مِنتائای ژییاین اِنوم هُمَه.

اَفِسُسیَل 5:2

ئو اِنوم مِحبت رفدار بِهَن، هَرهُنَ گه مسیح‌یش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.

اَفِسُسیَل 5:25

اِاِ میردَه‌ل، ژِنَلتو دوس داشدوئی، هَرهُنَ گه مسیح کلیسا دوس داشدی ئو گیو ووژ کِردَ خِر،

فیلیپیَل 2:17

جُ‌جُ اَرّ لازم بو خوین مِه اِجور شِراوی گه وَخم بیَ، بِرِشی‌ اَر رُی پیشکَشی قُرونی ایمو هُمَه، خَوشالِم ئو وَه‌گَرد کُل هُمَه خَوشیَ مَهَم.

فیلیپیَل 2:30

اَرِیَگه اَرِه خِلمت اَر مسیح تا مِردِن چی، ئو اَرِه تِلافَتی کمِ‌کسری خِلمت هُمَه اَر مِه گیو ووژ آوشدیِ خطراِر.

اول تِسالونیکیَل 2:8

اَخَ دوسمو داشدینو گه حاضر بیمو گه نه فَخَد انجیل برَسِنیمَ بینتو بلکِم گیون‌یشمو اَرِنتو بِیم، اَرِیَگه هُمَه فِرَه اَرِنمو عزیزا بوئینو.

تیتوس 2:13

هَرهُنَ گه چیَمَ‌رئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَه‌مو عیسی مسیح،

اول پطرس 1:18

اَرِیَگه مَذانینو اژ طُرُخ زِنِه‌ی باطلی گه اژ باوَه‌لتو بِردوئیتونَ میرات، وَه خیمتی آزادیتو خِریاءَ، نه وَه چیئَل فانی اِجور طِلا ئو نُخِرَه،

اول پطرس 2:24

مسیح ووژ گنائَل ایمَه اِ لار ووژ اَررُی صلیب گِرتیِ کول، تا ایمَه اَرِه گنا بِمِریم ئو اَرِه صالح‌بیئین زِنِه‌ی بِهِیم، هَراَ کسَ گه وَه زیَمَل او شِفاتو گِرتیَ.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،

اول یوحنا 2:6

اَوَه گه موشی اِنوم اوءَ مَمینِم، باس هَراَ جورَ رفدار بِهِه گه عیسی رفدارَ مَهَردی.

اول یوحنا 2:9

هر کی بوشی ها نوم نُیراِر ئو اژ بِرا ووژ بیزارَ، هَنی ها نوم تیَریکی‌اِر.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛