اول یوحنا 3:12 - کتاب مقدس به زبان لکی - گویش مرکزی

¹² ایمَه نَباس اِجور قائِن بوئیمو گه هِن اَ شریرَ بیَ ئو بِرا ووژ کُشتی. ئو اَرِه‌چَه او کُشتی؟ اَرِیَگه کارَل ووژ گَن بی ئو کارَل بِرای دُریس.

اول یوحنا 3:12 Iomraidhean Croise

مَتّی 13:19

وخدی گه کسی کلوم پاتِشائی آسمونَ مَشتوئی مِنتائای میَنا نِمَفیَمتی، اَ شریرَ مای ئو اَ چیئَه گه اِنوم دل او کِشت بیَ، مَراقِنی‌اِر. یَه هَراَ تُئمَسَ گه کَت اِنوم رئی.

مَتّی 13:38

زَمی، ایی دنیاسَ؛ ئو تُئم خو، آیلَل پاتِشائی آسمونِن. گیال، آیلَل اَ شریرِنَ؛

مَتّی 23:35

اِسَه، کُل خوین آمَل صالح گه رِشیاس اَر زَمی، ها مِل هُمِه‌اِر، اژ خوین هابیل صالح بِگِر تاگَه خوین زکریا کُر بَرَخیا، گه اوتون اِ بِن محراب ئو قُرونی‌گا کُشت.

مَتّی 27:23

پیلاتُس پِرسیتی: «اَرِه‌چَه؟ چه گَنی اَر هُمَه کِردیَسی؟» مِنتائای اونَل بِلِنگ‌تِر قارونو: «بِکیشتی اَر صلیب!»

مَتّی 5:37

اِسَه ’اَاَ‘ هُمَه ’اَاَ‘ بو ئو ’نه‘ هُمَه ’نه‘، اَرِیَگه ویشتِر اژ یَه اژ شریرَ.

لوقا 11:51

اژ خوین هابیل گِرتیِ تا خوین زکریا پِخَمَر گه اِنوم قُرونی‌گا ئو محراب کُشیا. اَاَ، موشِم‌ئونتو گه ایی نسِلَ اَرِه کُل یوئنَ حساوَ مِئَه دُما.

یوحنا 10:32

عیسی وِتیَ بینو: «کارَل خو فِرِه‌ی اژ جونِم باوَه ووژِم نشونَ هُمَه‌م داءَ. اَرِه کُمین اژ اونَل مِه سنگسارِم کِینو؟»

یوحنا 8:40

مِنتائای هُمَه هاینونَ دُم کُشتِن مِنا؛ مِنی گه اَ حخیختی گه اژ خدام شنَفتیَ اَرِنتو تیَریفِم کِرد. ابراهیم هُنَ کاری نَهَردی.

یوحنا 8:41

هُمَه کارَل باوَه ووژتو اَنجومَ مِینو.» وِتونَ عیسی: «ایمَه زول نیئیم! یِه باوَه دیریم گه خداءَ.»

کارَل رسولَل 7:52

کُماین پِخَمَرَ گه اژ دس باوَه‌لتو عذاو نکیشیِ؟ اونَل جُ‌جُ پِخَمَرَلونی گه هاتِن اَ پیا صالحونَ پیشگوئی کِرد، کُشت؛ ئو اِسگَه هُمِه‌یش هَر اوتو داءَ گیر ئو بینونیَ خوینی،

اول تِسالونیکیَل 2:14

اَرِیَگه اِاِ بِرال، هُمَه اژ کلیسائَل خدا اِ یهودیَه گه هان اِنوم مسیحْ عیسی، سرمقشتو گِرت. اَرِیَگه هُمِه‌یش هَراَ عذاوَلتونی اژ هُم‌‌خاکَل ووژتو دی گه اُوُ اژ یهودیَلو دی،

عِبرانیَل 11:4

وَه ایمو بی گه هابیل قُرونی‌ای پیشکَش کِردی اَر خدا گه ویشتِر اژ هِن قائِن قبول بی، ئو وَه‌سونگَ اَوا، اِبارَه او شاتیو دا گه صالحَ، خدا اژ پیشکَشیَل او وَه خوئی تیَریف کِردی. وَه‌یاآگه مِردیَ وَه‌سونگَ ایمونیا، هَنی قصَه مِهِه.

عِبرانیَل 12:24

ئو اَر عیسی گه بَسخَه‌کَر عَت جدیدی کَ، ئو اَر خوین پِشکیای گه بیتِر اژ خوین هابیل قصَه مِهِه.

اول پطرس 4:4

هَرهُنَ، اِسگَه گه اِنوم هُنَ خیزیَل بی‌حدِحساوُ شیَریکونا نِموئینو، بِلُجوئیونَ مای ئو دُشمینَ میَن‌ئونتو.

اول یوحنا 3:8

هر کی اِنوم گنا زِنِه‌یَ مِهِه اژ ابلیسَ، اَرِیَگه ابلیس هَر اژ اَ اولا گنا کِردیِ ئو مِهِه. اَژونَبیَ گه کُر خدا ظاهر بی تاگَه کارَل ابلیس باطل کِ.

یهودا 1:11

هِرّو اَرِنو، اَرِیَگه چِنَ تُرّ قائِنا ئو وَه خاطر نفع، چِنَ تُرّ خِلَط بَلعاما ئو اِ شورش قورَح اژ بِن چِن.

مِکاشفَه 17:6

ئو دیم گه اَ ژِنَ اژ خوین ایمودارَل مسیح ئو خوین شهیدَل عیسی مَس بی. هَریَگه اوئِم دی اژ ووژما چِم.