اول یوحنا 3:1 - کتاب مقدس به زبان لکی - گویش مرکزی

¹ سِیل کَن باوَه چه مِحبتی اَر ایمَه کِردیِ تاگَه ایمَه آیلَل خدا هِنا بوئیمو! ئو هَرهُنِ‌یشَ هِیم! اَژونَسَ گه دنیا ایمَه نِمَشتاسی، اَرِیَگه او نشتاسیتی.

اول یوحنا 3:1 Iomraidhean Croise

لوقا 20:36

اَرِیَگه دیَر اصِلا نِمَمِرِن؛ اَرِیَگه اِجور فریشدَه‌لِن. اونَل آیلَل خدان، اَرِیَگه آیلَل قیومتِن.

یوحنا 1:12

مِنتائای وَه کُل کسَلی گه چِنیِ گِرد، ایی حخَ داتی گه بوئنَ آیلَل خدا، یانی وَه هر کی گه ایمو باری اَر نُم او؛

یوحنا 11:52

ئو نه فَخَد اَرِه قوم، بلکِم اَرِه جیَم کِردِن ئو یَکی کِردِن آیلَل خدا گه اژ یَک چویچیانَ.

یوحنا 15:21

مِنتائای یوئنَ کُل وَه خاطر نُم مِنَ مارِنَ سرتو، اَرِیَگه اَ کسَ گه مِه کِل‌کِردیَسی نِمَشتاسِن.

یوحنا 16:3

ئو ایی کارِلَ مَهَن، اَرِیَگه نه باوَه آسمونیَ مَشتاسِن، نه مِه.

یوحنا 17:25

«اِ باوَه صالح، دنیا تو نِمَشتاسی، مِنتائای مِه تونَ مَشتاسِم، ئو یوئنَ فیَمینَ گه تو مِنِت کِل‌کِردیَ.

یوحنا 3:16

«اَرِیَگه خدا اَخَ مِحبت کِردی اَر دنیا گه کُر یَکونَه ووژ داتی تا هر کی ایمو باری اَر او نابود ناو، بلکِم ژییاین ابدی داشدوئیتی.

رومیان 5:8

مِنتائای خدا مِحبت ووژ هُنَ اَر ایمَه ثابت کِردی گه وخدی ایمَه هَنی گناکار بیمو، مسیح اَرِه ایمَه مِرد.

رومیان 8:19

اَرِیَگه خلقت وَه شوق فِرِه‌یکا چیَمَ‌رئی دیارا بیئِن کُرَل خداءَ.

رومیان 8:21

خلقت، ووژیشی اژ بَنِه‌ی فساد آزادَ ماو ئو اژ آزادی پِرجِلال آیلَل خدا بیَردارا ماو.

رومیان 8:32

او گه کُر ووژ دَریخ نَهَردی، بلکِم او اَرِه کُل ایمَه تسِلیم کِردی، چطورَ گَرد او کُل چی وَه دسِ‌دلوازیا نِموئَشخِنیَ ایمَه؟

دوئِم قُرَنتیان 6:18

«مِن اَرِه هُمَه موئمَ باوَه ئو هُمَه اَرِه مِنَ موئینونَ کُرَل ئو دِتَل، خداونِ قادرِ مطلق یَه موشی.»

غَلاطیَل 3:26

اَرِیَگه اِنوم مسیحْ عیسی، هُمَه کُل وَه‌سونگَ ایمو، کُرَل خدائینو.

غَلاطیَل 3:29

ئو اِسگَه اَرّ هُمَه هِن مسیحینو، اِسَه نسِل ابراهیمینو ئو مِطابق وَدَه، وارثَل‌یش هِینو.

کولُسیَل 3:3

اَرِیَگه هُمَه مِردینو ئو زِنِه‌ی هُمَه اِسگَه وَه‌گَرد مسیح اِنوم خدا پنهونَ.

اول یوحنا 3:10

هُنَ آشگارا ماو چه کسَلی آیلَل خدان ئو چه کسَلی آیلَل ابلیس: اَوَه گه صالح‌بیئین نِماریَ جا اژ خدا نیَ ئو هَمیش اَوَه گه بِرا ووژ دوس نِری.

اول یوحنا 3:2

اِاِ عزیزَل، اِسگَه آیلَل خدایمو، مِنتائای اَ چیئَه گه میا بوئیمو حالامی دیار نوئیَ، مِنتائای مَذانیمو وخدی گه او ظاهر بو، موئیمون اِجور او، اَرِیَگه او هَراَ جورَ گه هَس، موئینیمو.

اول یوحنا 4:17

مِحبت هُنَ اِنوم ایمَه کاملا بیَ تاگَه ایمَه اِ روژ داوری اطمینونمو داشدوئی، اَرِیَگه ایمَه اِنوم ایی دنیاءَ هَراَ جوریمَ گه او هَس.

مِکاشفَه 21:7

هر کی فائق بای، یوئنَ کُلَ میَریَ میرات، ئو مِنَ موئمَ خدا او ئو اوءَ ماوَ کُر مِه.