اول یوحنا 2:8 - کتاب مقدس به زبان لکی - گویش مرکزی

⁸ وَه ایی حالا، حکمی گه اَرِنتونَ مَنُیسِنِم حکِم تازه‌ی کَ گه حخیخت اَوَه، هم اِنوم او ئو هم اِنوم هُمَه دیارَ، اَرِیَگه تیَریکی دیری مَگُذَری ئو نُیر حخیخی هَراِسگِه‌یشَ بِریقَه مایتی.

اول یوحنا 2:8 Iomraidhean Croise

مَتّی 4:16

مردِمی گه اِنوم تیَریکی زِنِه‌یونَ مَهَرد، نُیر کَلِنگونی دی، اَر اونَل گه لیزو گِرتوئی اِنوم، هیال سا مرگ، نُیری بِریقَه داتی.»

لوقا 1:79

تا روشتایی بیَ کسَلی گه نیشتِنَسَ، تیَریکی ئو سوئرکی مرگ، ئو گومَل ایمَه هدائَت بِهِه، ویرِ رئی صُئل‌وسِلامتی.»

یوحنا 1:9

اَ نُیر حخیخیَ گه روشتائیَ موئَشخیَ هر کس، اِراسی ماهات‌ اِنوم ایی دنیا.

یوحنا 12:35

اَسَه عیسی وِتیَ بینو: «تا مِدتی‌تِر، نُیر ها گَردتو. اِسَه تا وخدی گه هَنی نُیر ها گَردتو، بِچِنَ رئیا، ناخواد تیَریکی هُمَه اِرابِگِری. اَوَه گه اِنوم تیَریکیَ مَچوءَ رئیا، نِمَذانی کوءَ مَچو.

یوحنا 12:46

مِه اِجور نُیری هاتِمَس اَرِه ایی دنیا تا هر کی ایمون اَر مِه باری، اِنوم تیَریکی نَمینی.

یوحنا 13:34

حکِم نووئی میَمَ بینتو، ئو اَوَه یَسَ گه مِحبت بِهَن اَر یَکتِری. هَرهُنَ گه مِه مِحبتِم کِرد اَر هُمَه، هُمِه‌یش باس مِحبت بِهِینون اَر یَکتِری.

یوحنا 8:12

اَسَه عیسی یِه گِلی‌تِر وَه‌گَرد مردِم قصَه کِردی، وِتی: «مِنِم نُیر دنیا. هر کی وَه تُرّ مِنا بای، هرگِس اِنوم تیَریکی نِمَچوءَ رئیا، بلکِم نُیر ژییاین دیری.»

کارَل رسولَل 17:30

خدا دورَه‌ل نایونیَ نِئیَ گِرتی، مِنتائای اِسگَه فِربونَ مِئَه کُل مردِم اِ کُل جا گه توئَه کَن.

کارَل رسولَل 26:18

تاگَه چیَمَلو واز کِین تاگَه اژ تیَریکی ویرِ روشتایی ئو اژ قدِرت شِطو گِلارِن ویرِ خدا، تاگَه وَه‌سونگَ ایمون اَر مِه گنائَلو بَشخیا بو ئو اِنوم کسَلی گه تقدیس بینَ، بیَرونی داشدوئی.“

رومیان 13:12

شو دیری تمومَ ماو ئو روژ نزیکَ. اِسَه بورِن کارَل تیَریکی بنیمِ لا ئو زِری نُیر بِهِیمِ وَر.

دوئِم قُرَنتیان 8:9

اَرِیَگه هُمَه اژ فیض خداونمو عیسی مسیح خَوَر دیرینو گه وَه‌یاآگه دولَمَن بی، وَه خاطر هُمَه ژارا بی تاگَه هُمَه وَه ژاری او دولَمَنا بوئینو.

اَفِسُسیَل 5:8

اَرِیَگه هُمَه زمونی تیَریکی بینو، مِنتائای اِسگَه اِنوم خداون نُیرینو. اِسَه اِجور آیلَل نُیر رفدار بِهَن.

دوئِم تیموتائوس 1:10

ئو اِسگَه وَه‌سونگَ ظاهربیئِن نجاددهندَه‌مو مسیحْ عیسی، کَتیَسِ در- او گه وَه‌سونگَ انجیل مرگ اژ بِن بِردی ئو زِنِه‌ی ئو ژییاین ابدی آشگار کِردی،

اول پطرس 1:21

هُمَه گه وَه‌سونگَ او ایمونتو آوِردیَس اَر خدا، خدای گه او اژ مِردیَل زِنیا کِردی ئو جِلال داتیَ بی، تاگَه ایمون ئو امیدتون اَر خدا بو.

اول یوحنا 3:23

حکِم او یَسَ گه ایمو باریمَ نُم کُری عیسی مسیح ئو یَکتِریمو دوس داشدوئی، هُنَ گه مسیح‌یش هَر ایی فِربونَ داسیَ ایمَه.

اول یوحنا 4:11

اِاِ عزیزَل، اَرّ خدا ایمَه هُنَ مِحبت کِردی، ایمِه‌یش باس مِحبت بِهِیم اَر یَکتِری.

اول یوحنا 4:21

ئو ایمَه ایی حکمَ اژ او دیریم گه هر کی خدا دوس دیری، باس بِرا ووژیشی دوس داشدوئیتی.