اول یوحنا 2:5 - کتاب مقدس به زبان لکی - گویش مرکزی

⁵ مِنتائای کسی گه کلوم اوءَ ماریَ جا، مِحبت خدا اِراسی اِنوم او کاملا بیَ. هُنَ مَذانیم گه هایمون اِنوم او:

اول یوحنا 2:5 Iomraidhean Croise

لوقا 11:28

مِنتائای عیسی جوواوا داتی وِتی: «نه، چاوارشا! خَوزگالَ اونَلی گه کلوم خداءَ مَشتوئِن ئو مارِنیَ جا.»

یوحنا 14:21

اَوَه گه حکمَلِم دیری ئو ماریون‌َ جا، اَوَه‌‌سَ گه مِه دوس دیری، ئو اَوَه گه مِه دوس دیری، باوَه‌م دوس دیرِتی ئو مِن‌یش دوس دیرِمی، ئو ووژِم اَری ظاهرَ مَهَم.»

یوحنا 14:23

عیسی جوواو داتی: «اَرّ کسی مِه دوس دیری، کلوم مِنَ ماریَ جا ئو باوَه‌م دوس دیرِتی، ئو ایمَه مایمی اَرِه تک ئو وَه‌گَرد او لیزَ مَگِریم.

یوحنا 15:5

«مِه دار انگویرِم ئو هُمَه پَلَل اَوَه. کسی گه مَمینی اِنوم مِه ئو مِن اِنوم او، ثمر فِرِه‌ی ماری؛ اَرِیَگه جیا اژ مِه، هُیچ نِمَتونینو بِهِینو.

یوحنا 6:56

کسی گه لارمَ میری ئو خوینِم خُرَّ مِ، لیزَ مَگِری اِنوم مِه ئو مِن‌یش اِنوم او.

رومیان 8:1

اِسَه دیَر هُیچ مکومیَتی اَرِه کسَلی گه هان اِنوم مسیحْ عیسی‌اِر، نیَ،

اول قرنتیان 1:30

وَه‌سونگَ اوءَ گه هُمَه هاینون اِنوم مسیحْ عیسی، اَوَه گه اژ جونِم خدا اَرِه ایمَه بیَسَ حکمت، صالح‌بیئین، قدوسیّت ئو آزدی.

دوئِم قُرَنتیان 5:17

اِسَه اَرّ کسی ها نوم مسیح‌اِر، خلقت تازه‌ی‌کَ. چیئَل کُینَه اژ بِن چِن، اِسگَه کُل چی تازه‌آ بیَ!

دوئِم قُرَنتیان 5:21

خدا او گه گنا نشتاسیتی، وَه خاطر ایمَه کِردیَ گنا تاگَه ایمَه اِنوم او بوئیمَ صالح‌بیئین خدا.

یعقوب 2:22

موئینین گه ایمون ئو کارَلی وَه‌گَرد یَک عملونَ مَهَرد ئو ایمو او، وَه کارَلی کامل بی.

اول یوحنا 3:24

هر کی اژ فِربونَل او اطاعتَ مِهِه، لیز گِرتیَس اِنوم خدا ئو خدایش اِنوم او؛ ئو هُنَ، وَه‌سونگَ اَ روحَ گه او بَشخیَسی‌ئونمو، مَذانیم گه او لیز گِرتیَس اِنوم ایمَه.

اول یوحنا 4:17

مِحبت هُنَ اِنوم ایمَه کاملا بیَ تاگَه ایمَه اِ روژ داوری اطمینونمو داشدوئی، اَرِیَگه ایمَه اِنوم ایی دنیاءَ هَراَ جوریمَ گه او هَس.

اول یوحنا 4:18

اِنوم مِحبتْ هُیچ ترسی نیَ، بلکِم مِحبت کامل، ترسَ مِهِئَه دِریر؛ اَرِیَگه ترس اژ مِجازاتَ ئو کسی گه زِلَه مَچوتی، اِنوم مِحبتْ کاملا نوئیَ.

اول یوحنا 5:2

ایمَه وخدی گه خدا دوس دیریم ئو اژ فِربونَل اطاعتَ مِهِیمی، وَه ایی جورَ مَذانیم آیلَل خدا دوس دیریم.

اول یوحنا 5:20

ایمَه مَذانیم گه کُر خدا هاتیَ ئو فیَم داسی‌ئونمو تا او گه حخیختَ، بشتاسیم ئو ایمَه هایم اِنوم او گه حخیختَ، یانی کُری عیسی مسیح. اوءَ خداءِ حخیخت ئو ژییاین ابدی.

دوئِم یوحنا 1:6

ئو دوس داشدِن یَسَ گه مِطابق فِربونَل خدا زِنِه‌ی بِهِیم. یَه، اَ فِربونَسَ گه اژ اَ اولَ شنَفتِتونَ تاگَه اِنوم اَوَه زِنِه‌ی بِهِینو.

مِکاشفَه 12:17

اَسَه اُژدها خِض گِرت اَر ژِنَهَه ئو چی تا وَه‌گَرد باقی نسِل او جنگ بِهِه؛ یانی وَه‌گَرد اونَلی گه حکمَل خدا مارِنَ جا ئو سفدِسخد مَچسبِن اَر شاتی عیسی‌آ.

مِکاشفَه 14:12

یَه پایاری ایمودارَل مسیحَ مِیتی گه حکمَل خدا ئو ایمون اَر مسیحَ مارِن‌َ جا.