22 دِروزِن کیَ بِخِر اژ اَوَه گه مسیح بیئین عیسی حاشا مِهِه. هُنَ کسی هَراَ ’ضدّمسیحَ‘سَ گه هم باوَه ئو هم کُر حاشاءَ مِهِه.
اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَهل ئو مُجِزَهل کَلِنگی اَنجومَ میَن تاگَه اَرّ بو، جُجُ کسَلی گه دیاری بینَ اژ رئی اِربارِن.
اَرِیَگه فِرَه کسَل وَه نُم مِنَ مان ئو موشِن، ”مِه هَراَ مسیحِمَ گه باس بای،“ ئو فِرَه کسَل اژ رئی اِرَمارِن.
باوَه هُمَه ابلیسَ ئو هُمَه اژ اَوینونَ ئو هاینونَ دُم اَنجوم دائِن چیئَلی گه باوِ مِیلَسی. او اژ اَ اولَ قاتل بی ئو هُیچ وخد نِموسیا اَر رُی حخیخت، اَرِیَگه هُیچ حخیختی اِنوم او نیَ. هر وخد گه دِروءَ موشی، اژ ذات ووژی دِروءَ موشی؛ اَرِیَگه دِروزِنَ ئو باوَه دِروزِنِلَ.
اَرّ بوشیم وَهگَرد او رِقیفی دیریمو، وَهیاآگه اِنوم تیَریکیَ مَچیمَ رئیا، دِروءَ موشیم ئو وَه حخیخت عمل نِمِهِیم.
اِاِ آیلَل، یَه سات آخِرَ ئو هَراَ جورَ گه شنَفتِتونَ ’ضدّمسیحَ‘ مای، هَراِسگِهیشَ ضدّمسیحَل فِرِه هاتِنَ. اِسَه هَر اژ یَهآ مَذانیمو گه سات آخِرَ.
هر کی کُر حاشا بِهِه، باوِهیش نِری ئو کسی گه کُر اعتراف بِهِه، باوِهیش دیری.
هر کی بوشی اوءَ مَشتاسِم، مِنتائای حکمَل نارتیَ جا، دِروزِنَ ئو حخیخت اِنوم او نیَ.
اَرّ کسی بوشی گه خدا دوس دیری ئو اژ بِرا ووژ بیزار بو، دِروزِنَ. اَرِیَگه کسی گه بِرا ووژ گه موئینی، دوس نِری، نِمَتونی خدای گه نِئیِ، دوس داشدوئیتی،
ئو هر روحی گه وَه عیسی اعتراف نِمِهِه، اژ خدا نیَ، بلکِم هَراَ روحِ ’ضدّمسیحَ‘سَ گه هُمَه شنَفتِتونَ گه دیری مای ئو اِسگِهیشَ ها نوم دنیااِر.
هر کی ایمو دیری گه عیسی هَراَ مسیحَسَ گه باس بای، اژ خدا زاندَه بیَ؛ ئو هر کی باوَه دوس دیری، زاندَه اویش دوس دیری.
اَرِیَگه آمَل رِنگَر فِرِه چِنَس اِنوم دنیا گه اعتراف نِمَهَن گه عیسی مسیح هاتیَس اِنوم جسمِ بشری. هُنَ کسَلی رِنگَر ئو ضدّمسیحِن.
اَرِیَگه بِری گه اژ قدیم اَرِه ایی مَکومیتَ مَیِّن بینَ، وَه بیکِشکیا هاتِنَس اِنوم هُمَه. یوئنَ خدانشتاسَلی کِن گه فیض خدا ایمَه مَهَنَ عِیاشی ئو یَکونَه آقا ئو خداونمو، عیسی مسیح حاشاءَ مَهَن.
سِیل کَ، اونَلی گه اژ عَبادتگا شِطونِن ئو ووژونَ یهودیَ مَذانِن ئو نیِن بلکِم دِروءَ موشِن، اِسگَه، مَنِم اَر مِلو گه بان ئو بِکُوئِنِ وَر پائلِت، ئو مَفیَمِن گه مِه دوسِم داشدینَ.