اول یوحنا 2:21 - کتاب مقدس به زبان لکی - گویش مرکزی

²¹ مِه اَرِه هُمَه مَنُیسِنِم نه اَرِیَگه حخیخت نِمَذانینو، بلکِم اَرِیَگه اَوَه مَذانینو ئو هَمیش مَذانینو گه هُیچ دِروئی اژ حخیخت نیَ.

اول یوحنا 2:21 Iomraidhean Croise

یوحنا 18:37

پیلاتُس اَژی پِرسی: «اِسَه تو پاتِشای کین؟» عیسی جوواو داتی: «توءَ موشین گه مِه پاتِشام. مِه اَرِه یَه زاندَه بیم، ئو اَرِه یَه هاتِمَسَ ایی دنیا تاگَه اِبارَه حخیخت شاتی بیَم. اَسَه هر کی گه لا حخیخت دیری، گوشَ مَگِریَ قصَه‌ل مِه.»

یوحنا 8:44

باوَه هُمَه ابلیسَ ئو هُمَه اژ اَوینونَ ئو هاینونَ دُم اَنجوم دائِن چیئَلی گه باوِ مِیلَسی. او اژ اَ اولَ قاتل بی ئو هُیچ وخد نِموسیا اَر رُی حخیخت، اَرِیَگه هُیچ حخیختی اِنوم او نیَ. هر وخد گه دِروءَ موشی، اژ ذات ووژی دِروءَ موشی؛ اَرِیَگه دِروزِنَ ئو باوَه دِروزِنِلَ.

یعقوب 1:19

بِرال عزیزِم، یَه بِذانِن گه هر کی باس اِ شِنَفتِن زِل بو، اِ قصَه کِردِن آروم بو ئو دیر عصبونی بو!

دوئِم پطرس 1:12

اِسَه میا ایی چیئِلَ هَر باوژمِ ویرتو، وَه‌یاآگه اونِلَ مَذانینو ئو اِنوم اَ حخیختی گه دیرینو، پایارینو.

اول یوحنا 3:19

هُنَ ایمَه مَذانیمو گه هِن حخیختیم ئو اِدوارَه اَرتَک او دلَلمو قرصَ مِهِیم؛

یهودا 1:5

وَه‌یاآگه هُمَه یِگِل کامل اژ یَه خَوَردارا بینونَ، میا بارِمَ ویرتو گه خداون عیسی وَه‌یاآگه قوم یهود اژ وِلات مصر نجاد داتی، مِنتائای دُماتِر اونَلی گه ایمونو ناآشد، اژ بِن بِردی.