اول یوحنا 2:18 - کتاب مقدس به زبان لکی - گویش مرکزی

¹⁸ اِاِ آیلَل، یَه سات آخِرَ ئو هَراَ جورَ گه شنَفتِتونَ ’ضدّمسیحَ‘ مای، هَراِسگِه‌یشَ ضدّمسیحَل فِرِه هاتِنَ. اِسَه هَر اژ یَه‌آ مَذانیمو گه سات آخِرَ.

اول یوحنا 2:18 Iomraidhean Croise

مَتّی 24:11

پِخَمَرَل دِروزِنِ فِرِه هیزَمَگِرِن، فِرَه کسَل اژ رئی اِرَمارِن.

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَتّی 24:5

اَرِیَگه فِرَه کسَل وَه نُم مِنَ مان ئو موشِن، ”مِه هَراَ مسیحِمَ گه باس بای،“ ئو فِرَه کسَل اژ رئی اِرَمارِن.

مَرقُس 13:6

فِرَه کسَل وَه نُم مِنَ مان، موشِن، ”مِه هَر اَوِمَ“ ئو فِرَه کسَل اژ رئی‌اِرَ مارِن.

یوحنا 21:5

عیسی وِتیَ بینو: «رولَه‌ل، ماهی اَرِه هُاردِن دیرینو؟» جوواوُ دا: «نه!»

رومیان 13:11

هَمیش هُمَه مَذانینو گه هاینونِ چه زمونی‌کِر، گه هَراِسگَه سات رَسیَسی گه اژ خاو هیزگِرینو، اَرِیَگه نجاد ایمَه اِسگَه نزیکتِر اژ زمونی کَ گه ایمونمو آوِرد.

رومیان 13:12

شو دیری تمومَ ماو ئو روژ نزیکَ. اِسَه بورِن کارَل تیَریکی بنیمِ لا ئو زِری نُیر بِهِیمِ وَر.

عِبرانیَل 1:2

مِنتائای اِ ایی روژَل آخِرَ وَه‌سونگَ کُر ووژ وَه‌گَرد ایمَه قصَه کِردیِ، هَراَ کُرَ گه کِردیِ وارث کُل چی ئو وَه‌سونگَ او دنیا خَلک کِردی.

اول پطرس 1:20

او وِر اژ یَگه بِنیا دنیا بِنِری مَیِّن بی، مِنتائای اِ ایی زمونَل آخِرَ وَه خاطر هُمَه ظاهر بی.

اول پطرس 1:5

اَرِه هُمَه گه وَه قویَت خدا ئو وَه‌سونگَ ایمو، اَرِه نجادی‌ گه اژ هَراِسگَه آمادَه بیَ تاگَه اِ زمون آخِر آشگارا بو، حفظ بینونَ؛

اول پطرس 4:7

آخِر کُل چی نزیکَ؛ اِسَه وَه خاطر دوعائَلتو نوا ووژتو بِگِرِن ئو وَه سر ووژتونا بوئن.

دوئِم پطرس 2:1

مِنتائای اِنوم قوم، نبوّت‌کَرَل دِروزِنِ‌یش بین، هَرهُنَ گه اِنوم هُمِه‌یش مَلِمَل دِروزِنِ هَن گه وَه بی‌کِشکی تیَلیمَل خِلَطی مارِن گه باعث نابودیَ موئن ئو جُ‌جُ آقای گه اِدوارَه خِرینَسی، حاشاءَ مَهَن، ئو هُنَ، نابودی ناهَلمونه‌ی مارِنَ سر ووژو.

دوئِم پطرس 3:3

وِر اژ هر چی، بِذانِن گه اِ روژَل آخِر تیزمَتَل‌کَرَلی ظاهرَ موئن گه هانَ تُرّ هُواوهوسَل گَن ووژونا ئو وَه تیزمَتَلَ

اول یوحنا 2:22

دِروزِن کیَ بِخِر اژ اَوَه گه مسیح بیئین عیسی حاشا مِهِه. هُنَ کسی هَراَ ’ضدّمسیحَ‘سَ گه هم باوَه ئو هم کُر حاشاءَ مِهِه.

اول یوحنا 4:1

اِاِ عزیزَل، وَه هر روحی باوارتو ناآشدوئی، بلکِم روحَل اِنتحو کَن تاگَه بِفیَمینو گه اژ خدان یاگَه نه. اَرِیَگه پِخَمَرَل دِروزِنِ فِرِه‌ی چِنَس اِنوم دنیاآ.

اول یوحنا 4:3

ئو هر روحی گه وَه عیسی اعتراف نِمِهِه، اژ خدا نیَ، بلکِم هَراَ روحِ ’ضدّمسیحَ‘سَ گه هُمَه شنَفتِتونَ گه دیری مای ئو اِسگِه‌یشَ ها نوم دنیااِر.

دوئِم یوحنا 1:7

اَرِیَگه آمَل رِنگَر فِرِه چِنَس اِنوم دنیا گه اعتراف نِمَهَن گه عیسی مسیح هاتیَس اِنوم جسمِ بشری. هُنَ کسَلی رِنگَر ئو ضدّمسیحِن.

یهودا 1:18

گه وِتونَ بینتو: «اِ زمونَل آخِر، تیزمَتَل‌کَرَلی مان گه هانَ دُم هُواوهوسَل شرَبار ووژونا.»