اول یوحنا 2:16 - کتاب مقدس به زبان لکی - گویش مرکزی

¹⁶ اَرِیَگه هر چی گه ها نوم دنیااِر، یانی چیئَلی گه جسم ها دُمونا ئو چیئَلی گه چیَمَ موئینی ئو مِیتی ئو قُراتی مالِ‌مَقوم، اژ باوَه نیَ بلکِم اژ دنیاءَ.

اول یوحنا 2:16 Iomraidhean Croise

مَتّی 4:8

یِگِلی‌تِر ابلیس عیسی بِردیِ سر کوی فِرَه بِلِنگی ئو کُل مملکتَل دنیا ئو جِلال اونَل نِشو دائون.

مَتّی 5:28

مِنتائای مِنَ موشِم‌ئونتو، هر کی وَه چیَم خیزی سِیل ژَنی بِهِه، جاوارجا اِنوم دل ووژ زِنهاءَ گَرد کِردیَسی.

لوقا 4:5

اَسَه ابلیس او بِردی اَرِه جا بِلِنگی ئو هِرازِه کُل مملکتَل دنیا نِشو دائون

رومیان 13:14

بلکِم شصخیت عیسی مسیح خداون اِجور جِنِکی بِهَنِ وَر ئو اَرِه جسم تیارِک نوئینِن تاگَه چیئَلی گه جسمَ مِیتی بارینونَ جا.

اول قرنتیان 10:6

اِسَه، ایی چیئِلَ اتفاق کَت تاگَه اَرِه ایمَه عبرتی بو تا ایمِه‌یش اِجور اونَ وَه تَما گَنی نوئیمو.

غَلاطیَل 5:17

اَرِیَگه چیئَلی گه جسم ها دُمونا اَرضد روحِ خدان ئو چیئَلی گه روحِ خدا ها دُمونا اَرضد جسمِن؛ اَرِیَگه هَردِک اَرضد یَکِن، جوری گه نِمَتونینو هر چَتونی مِ، اَنجوم بِینو.

غَلاطیَل 5:24

کسَلی گه هِن مسیحْ عیسی‌‌ن، جسم وَه‌گَرد کُل هوسَل ئو چیئَلی گه ها دُمونا کیشیونَس‌ اَر صلیب.

اَفِسُسیَل 2:3

ایمِه‌یش کُل، زمونی اِنوم یوئنَ اِنوم هُواوهوس جسمو زِنِه‌یمونَ مَهَرد، ئو چیئَلی گه لار ئو فگِرمونَ مِهِستی انجوممونَ ما؛ ئو اِجور کسَلی‌تِر، مِطابق طبیعتمو مَکوم بیمون اَر آیلَل خَضو.

تیتوس 2:12

ئو یامونَ مِ بی‌دینی ئو هُواوهوس ایی دنیاءَ بنیمِ لا ئو وَه نوا ووژ گِرتِن ئو صالح‌بیئین ئو دینداری اِ ایی زمونَه زِنِه‌ی بِهِیم.

تیتوس 3:3

اَرِیَگه ایمِه‌یش ووژمو زمونی نایو، کورفِربو، اَژرئی‌اِرهاتی، بَنَه کُلِ جور شَوَت ئو هُواوهوس بیمو ئو اِ کینَت ئو حَسوئی زِنِه‌یمونَ مَهَرد، مردِم اژ ایمَه بیزار بین ئو ایمِه‌یش اژ یَکتِری بیزار بیمو.

یعقوب 3:15

هُنَ حکمتی اژ بِلِنگ نِماءَ هُار، بلکِم زمینی ئو نفسونی ئو اژ شِطونَ.

یعقوب 4:16

اِسگَه هُمَه وَه قُراتیتو افتخارَ مِهِینو. هُنَ افتخار کِردِنی گَنَ.

اول پطرس 1:14

اِجور آیلَل فِربوبَر، دیَر نوئن اِجور هُواوهوسَلی گه دورَه نایونی اَسگَه‌تونَ داشد.

اول پطرس 2:11

اِاِ عزیزَل، خواهشد اَژینتونَ مَهَم اِجور کسَلی گه اِ ایی دنیا بیگونَه ئو خَریوِن، اژ هُواوهوسَل جسم گه وَه‌گَرد روحِ هُمَه هانَ جنگ‌اِر دویرا بِگِرِن.

دوئِم پطرس 2:10

مصقوصاً اونَلی گه هانَ دُم هُواوهوس فاسد نفْس ووژونا ئو هر قدِرت‌واختیاری خوارَ مَذانِن. یوئنَ اَخِنَ گُرساخ ئو قُراتِن گه اژ کِفِر کِردِنَ کَلِنگَل آسمونی زِلَئو نِمَچو؛

دوئِم پطرس 2:18

اَرِیَگه وَه قصَه‌لی گه وَه دَنگ کَلِنگ پر اژ قُراتی ئو نَفیَمیَ، اونَلی گه وَه ایی تازَه اژ چِنگ کسَلی گه اژ رئی اِرهاتِنَ حِواینَ، ماوژِنِ تِلَه شَوَتَل نفسونی ووژو.