اول یوحنا 2:13 - کتاب مقدس به زبان لکی - گویش مرکزی

¹³ اِاِ باوَه‌ل، اَرِه هُمَه مَنُیسِنِم، اَرِیَگه اَوَه گه اژ اَ اولَ بیَسی، مَشتاسینو. اِاِ جِهالَل، اَرِه هُمَه مَنُیسِنِم، اَرِیَگه فائق هاتینونَس اَر اَ شریرَ. اِاِ آیلَل، اَرِه هُمَه مَنُیسِنِم، اَرِیَگه باوَه مَشتاسینو.

اول یوحنا 2:13 Iomraidhean Croise

مَتّی 11:27

باوَه‌م کُل چی سپارتیَسیَ مِه. کس کُر نِمَشتاسی بِخِر اژ باوَه ئو کس باوَه نِمَشتاسی بِخِر اژ کُر ئو اونَلی گه کُر بِیتی باوَه اَرینو آشگارا بِهِه.

مَتّی 13:19

وخدی گه کسی کلوم پاتِشائی آسمونَ مَشتوئی مِنتائای میَنا نِمَفیَمتی، اَ شریرَ مای ئو اَ چیئَه گه اِنوم دل او کِشت بیَ، مَراقِنی‌اِر. یَه هَراَ تُئمَسَ گه کَت اِنوم رئی.

مَتّی 13:38

زَمی، ایی دنیاسَ؛ ئو تُئم خو، آیلَل پاتِشائی آسمونِن. گیال، آیلَل اَ شریرِنَ؛

مَتّی 5:37

اِسَه ’اَاَ‘ هُمَه ’اَاَ‘ بو ئو ’نه‘ هُمَه ’نه‘، اَرِیَگه ویشتِر اژ یَه اژ شریرَ.

لوقا 10:22

باوَه‌م کُل چیئَل سپارتیَسیَ دس مِنا. هُیچ‌کس نِمَذانی کُر کیَ بِخِر اژ باوَه، ئو هُیچ‌کس نِمَذانی باوَه کیَ بِخِر اژ کُر، ئو اونَلی گه کُر بِیتی باوَه اَرینو آشگارا بِهِه.»

یوحنا 14:7

اَرّ مِنتونَ مَشتاسیا، باوَه مِن‌یشتونَ مَشتاسیا؛ مِنتائای دُما یَه اوءَ مَشتاسینو ئو اوتو دیَ.»

یوحنا 14:9

عیسی وِتَ بی: «فیلیپُس، مِدت فِرِه‌ی وَه‌گَردتو بیمَ، یانی هَنی مِنتو نَشتاسیَ؟ کسی گه مِه دیَسی، باوَه دیَسی اِسَه چطورَ گه موشین ”باوَه نشونمو دَ“؟

یوحنا 16:3

ئو ایی کارِلَ مَهَن، اَرِیَگه نه باوَه آسمونیَ مَشتاسِن، نه مِه.

یوحنا 16:33

یوئنَمَ وِتَ هُمَه تاگَه اِنوم مِه سِتارتو بِگِری. دنیا اَرِه هُمَه ماوَ جُور؛ مِنتائای بِیلِن دلِ‌دَرینتو داشدوئی، اَرِیَگه مِه بیمَسَ حریف ایی دنیاءَ.»

یوحنا 17:21

تاگَه کُل یَکی بوئن، هَرهُنَ گه تو اِ باوَه هاین اِنوم مِه ئو مِن‌یش هام اِنوم تو. هُنَ بِهَه گه اون‌یش اِنوم ایمَه بوئن، تاگَه دنیا ایمو باری گه تو مِنِت کِل‌کِردیَ.

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

یوحنا 8:19

اَسَه وِتونَ بی: «باوَه‌ت هار کو؟» عیسی جوواو داتی: «نه مِنَ مَشتاسینو ئو نه باوَه‌م. اَرّ مِنتونَ مَشتاسیا باوَه مِن‌یشتونَ مَشتاسیا.»

دوئِم قُرَنتیان 4:6

اَرِیَگه هَراَ خداءَ گه وِتی: «نُیر اِنومجا تیَریکی بدَرشخی،» نُیر ووژ آوشدی اَر دلَل ایمَه تاگَه شناخت جِلال خدا اَر نوم‌رُی عیسی مسیح، اَر ایمَه بدَرشخِنی.

اول تیموتائوس 5:1

خِض اَر پیا رُی‌چَرمین نِهَه، بلکِم اِجور باوَه ووژِت تشویق کِیتی، ئو جِهالَل اِجور بِرال ووژِت،

تیتوس 2:6

هَمیش پیال جِهال تشویق کَ تاگَه نوا ووژو بِگِرِن.

اول یوحنا 1:1

اَ چیئَه گه اژ اول بی، اَ چیئَه گه شنَفتمو، ئو وَه چیَمَلمو دیمو، اَ چیئَه گه سِیلمونَ بی کِرد ئو دَسمو نا اَر قِ، اِبارَه کلوم ژییاینَ.

اول یوحنا 2:1

اِاِ رولَه‌ل، یَتونَ اَرِنَ مَنُیسِنِم تاگَه گنا نِهِینو. مِنتائای اَرّ کسی گنای بِهِه، اَرتَک باوَه شِفاعت‌کَری دیریم، یانی عیسی مسیحِ صالح.

اول یوحنا 2:12

اِاِ رولَه‌ل، اَرِه هُمَه مَنُیسِنِم، اَرِیَگه گنائَلتو وَه خاطر نُم او بَشخیان.

اول یوحنا 2:14

اِاِ باوَه‌ل، اَرِه هُمَه مَنُیسِنِم، اَرِیَگه اَوَه گه اژ اَ اولَ بیَسی، مَشتاسینو. اِاِ جِهالَل، اَرِه هُمَه مَنُیسِنِم، اَرِیَگه زوردارینو ئو کلوم خدا اِنوم هُمَه لیز گِرتیَسی، ئو فائق هاتینونَس اَر اَ شریرَ.

اول یوحنا 3:12

ایمَه نَباس اِجور قائِن بوئیمو گه هِن اَ شریرَ بیَ ئو بِرا ووژ کُشتی. ئو اَرِه‌چَه او کُشتی؟ اَرِیَگه کارَل ووژ گَن بی ئو کارَل بِرای دُریس.

اول یوحنا 4:4

اِاِ رولَه‌ل، هُمَه اژ خداینو ئو فائق هاتینونَس اَر اونَل، اَرِیَگه اَوَه گه ها نوم هُمِه‌اِر کَلِنگتِر اژ اَوَه‌‌سَ گه ها نوم دنیااِر.

اول یوحنا 5:18

ایمَه مَذانیم گه هر کی اژ خدا زاندَه بیَ دیَر اِنوم گنا زِنِه‌ی نِمِهِه، بلکِم اَ ’زاندَه خدا‘ یانی عیسی، مِتیَه‌جیَ ماوتی ئو دس شِطو نِمَرَستی‌ئون.

اول یوحنا 5:20

ایمَه مَذانیم گه کُر خدا هاتیَ ئو فیَم داسی‌ئونمو تا او گه حخیختَ، بشتاسیم ئو ایمَه هایم اِنوم او گه حخیختَ، یانی کُری عیسی مسیح. اوءَ خداءِ حخیخت ئو ژییاین ابدی.

مِکاشفَه 12:11

ئو اونَ وَه خوین وَرک، ئو کلوم شاتی ووژو فائق هاتنی اَری. اَرِیَگه گیو ووژو دوسو ناآشدیَ، جُ‌جُ تا مِردِن.

مِکاشفَه 2:7

«اَوَه گه گوش دیری بشتوئی گه روحِ خدا چَه موشیَ کلیسائَل. وَه هر کی گه فائق بای، یَه موئَشخِمی‌ئون گه اژ دار ژییاین گه ها نوم بهشت خدااِر بیری.