اول یوحنا 2:11 - کتاب مقدس به زبان لکی - گویش مرکزی

¹¹ مِنتائای هر کی اژ بِرا ووژ بیزارَ، ها نوم تیَریکی‌اِر ئو اِنوم تیَریکیَ مَچوءَ رئیا. او نِمَذانی ویرِ کوءَ مَچو، اَرِیَگه تیَریکی چیَمَل کور کِردیَ.

اول یوحنا 2:11 Iomraidhean Croise

یوحنا 12:35

اَسَه عیسی وِتیَ بینو: «تا مِدتی‌تِر، نُیر ها گَردتو. اِسَه تا وخدی گه هَنی نُیر ها گَردتو، بِچِنَ رئیا، ناخواد تیَریکی هُمَه اِرابِگِری. اَوَه گه اِنوم تیَریکیَ مَچوءَ رئیا، نِمَذانی کوءَ مَچو.

یوحنا 12:40

«او چیَمَل اونَل کور، ئو دلَلو کِردیَسیَ بَرد، تا وَه چیَمَل ووژو نوئینِن، ئو وَه دل ووژو نفیَمِن، ئو گِلانیرِن‌ِ دُما تاگَه شِفائو دَم.»

دوئِم قُرَنتیان 3:14

ذِنو تیَریکا بوئی اَرِیَگه تاگَه ایمِرو وخدی اوُ عَت عتیقَ مَحیوَنِن هَراَ نِقاوَ اَر نوم‌رُیو هَر ها سرجا ووژ ئو هیزنَگِرتیِ، اَرِیَگه فَخَد وَه‌سونگَ مسیح هیزَمَگِری.

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

تیتوس 3:3

اَرِیَگه ایمِه‌یش ووژمو زمونی نایو، کورفِربو، اَژرئی‌اِرهاتی، بَنَه کُلِ جور شَوَت ئو هُواوهوس بیمو ئو اِ کینَت ئو حَسوئی زِنِه‌یمونَ مَهَرد، مردِم اژ ایمَه بیزار بین ئو ایمِه‌یش اژ یَکتِری بیزار بیمو.

دوئِم پطرس 1:9

اَرِیَگه هرکی ایی صفتِلَ نِری، اَخَ کورَ گه تا تُک پِت ووژ ویشتِر نِموئینی، ئو اژ ویرا چیَسی گه اژ گنائَلی گه وِرِکار کِردوئیتی، پاکا بیَ.

اول یوحنا 1:6

اَرّ بوشیم وَه‌گَرد او رِقیفی دیریمو، وَه‌یاآگه اِنوم تیَریکیَ مَچیم‌َ رئیا، دِروءَ موشیم ئو وَه حخیخت عمل نِمِهِیم.

اول یوحنا 2:10

هر کی بِرا ووژ دوس دیری، لیزَ مَگِری اِنوم نُیر ئو هُیچی باعث اِ گنا کَتِن او نِماو.

اول یوحنا 2:9

هر کی بوشی ها نوم نُیراِر ئو اژ بِرا ووژ بیزارَ، هَنی ها نوم تیَریکی‌اِر.

اول یوحنا 3:15

هر کی اژ بِرا ووژ بیزارَ، قاتلَ ئو هُمَه مَذانینو گه ژییاین ابدی لیز نَگِرتیَس اِنوم هُیچ قاتلی.

اول یوحنا 4:20

اَرّ کسی بوشی گه خدا دوس دیری ئو اژ بِرا ووژ بیزار بو، دِروزِنَ. اَرِیَگه کسی گه بِرا ووژ گه موئینی، دوس نِری، نِمَتونی خدای گه نِئیِ، دوس داشدوئیتی،

مِکاشفَه 3:17

اَرِیَگه موشین: ”دولَمَنِم؛ مالِ‌منال دیرِم ئو هَوَجَه‌مَ چیئی نیَ،“ نِمَفیَمین گه تو بدبخت ئو هَریَ‌سر ئو ژار ئو کور ئو لُتین.