اول یوحنا 2:10 - کتاب مقدس به زبان لکی - گویش مرکزی

¹⁰ هر کی بِرا ووژ دوس دیری، لیزَ مَگِری اِنوم نُیر ئو هُیچی باعث اِ گنا کَتِن او نِماو.

اول یوحنا 2:10 Iomraidhean Croise

مَتّی 13:21

مِنتائای اَرِیَگه اِنوم ووژ ریشی نِری، فَخَد مِدت کمی طاخَتَ ماری. وخدی گه وَه خاطر کلوم خدا، بِکُوءِ اِنوم سخدی ئو عذاو، هِرازِه اژ ایمونَ مَکُوءِ.

مَتّی 18:7

هِرّو اَرِه ایی دنیاءَ گه وَه وسوسَه‌لی باعث گناءَ ماو! اَرِیَگه وَه‌یاآگه وسوسَه‌ل همیشَه هَن، مِنتائای هِرّو اَرِه اَوَه گه باعث وسوسَه بو!

یوحنا 11:9

عیسی جوواو داتی: «مَر روژ، دوازَه سات نیَ؟ اِنسونی گه وَه روژ بِچوءَ رئیا، پای گیر نِمِهِه اَر کُچِکی گه بِکُوءِ، اَرِیَگه نُیر ایی دنیاءَ موئینی.

یوحنا 12:35

اَسَه عیسی وِتیَ بینو: «تا مِدتی‌تِر، نُیر ها گَردتو. اِسَه تا وخدی گه هَنی نُیر ها گَردتو، بِچِنَ رئیا، ناخواد تیَریکی هُمَه اِرابِگِری. اَوَه گه اِنوم تیَریکیَ مَچوءَ رئیا، نِمَذانی کوءَ مَچو.

یوحنا 8:31

اَسَه عیسی وَه یهودیَلی گه ایمونونَ بی آوِردوئی، وِتی: «اَرّ اِنوم کَلومِم بِمینینو، اِراسی موئینونَ شاگرد مِه.

رومیان 14:13

اِسَه، بورِن اَژیرِ دُما اَر یَکتِری قضاوت نِهِیم. بلکِم اِجالی، قَص بِهَن گه هُیچ کُچِکی گه پا گیر بِهِیتی اَری ئو باعث اَر زَمی کَتِن بو یا چیئی اَرنوم رئی بِراتو نَنِن.

فیلیپیَل 1:10

تاگَه بتونینو اَ چیئَه گه اژ کُل خاص‌تِرَ قبول کِینو، ئو تاگَه اَرِه روژ مسیح پاک ئو بی‌عِو بوئینو.

دوئِم پطرس 1:10

اِسَه اِاِ بِرال، ویشتِر تقِلا بِهَن تا دَوَت ئو دیاری بیئین ووژتو ثابت بِهِینو، اَرِیَگه اَرّ هُنَ بِهِینو هرگِس اِرانِمَکُوئینو.

اول یوحنا 2:11

مِنتائای هر کی اژ بِرا ووژ بیزارَ، ها نوم تیَریکی‌اِر ئو اِنوم تیَریکیَ مَچوءَ رئیا. او نِمَذانی ویرِ کوءَ مَچو، اَرِیَگه تیَریکی چیَمَل کور کِردیَ.

اول یوحنا 3:14

ایمَه مَذانیمو گه اژ مرگ جاواز بیمونَسَ ژییاین، اَرِیَگه بِرالمو دوس دیریم. هر کی مِحبت نِمِهِه، اِنوم مرگَ مَمینی اَر جا.