اول یوحنا 1:7 - کتاب مقدس به زبان لکی - گویش مرکزی

⁷ مِنتائای اَرّ اِنوم نُیرَ مَچیم‌َ رئیا، هَرهُنَ گه خدا ها نوم نُیراِر، وَه‌گَرد یَک رِقیفی دیریم ئو خوین کُری، عیسی مسیح ایمَه اژ کُل گنائَل پاکا مِهِه.

اول یوحنا 1:7 Iomraidhean Croise

مَتّی 6:12

قَرتَل ایمَه بوئَشخِن، هُنَ گه ایمِه‌یش قَرت‌دارَل ووژمونَ موئَشخیم.

یوحنا 1:29

وَه صوایکا، یحیی وخدی عیسی دیتی گه ماهاتی اَرِه تک، وِتی: «یَسَ وَرک قُرونی خدا گه گنا اژ دنیا هیزَمِ!

یوحنا 12:35

اَسَه عیسی وِتیَ بینو: «تا مِدتی‌تِر، نُیر ها گَردتو. اِسَه تا وخدی گه هَنی نُیر ها گَردتو، بِچِنَ رئیا، ناخواد تیَریکی هُمَه اِرابِگِری. اَوَه گه اِنوم تیَریکیَ مَچوءَ رئیا، نِمَذانی کوءَ مَچو.

یوحنا 5:4

[اَرِیَگه گُمونونَ مَهَرد گِلی یِگِل فریشدِه‌ی اژ جونِم خدا ماءَ هُار ئو آوَ مَجویلِنی؛ ئو اول کسی گه دُما جویل هُاردِن آو مَچیا اِنوم حوضِهَه، اژ هر مِرَضی گه داشدی، شِفا مَگِرتی.]

رومیان 13:12

شو دیری تمومَ ماو ئو روژ نزیکَ. اِسَه بورِن کارَل تیَریکی بنیمِ لا ئو زِری نُیر بِهِیمِ وَر.

اول قرنتیان 6:11

بِری اژ هُمَه هُنَ بینونَ، مِنتائای وَه نُم عیسی مسیحِ خداون ئو وَه‌سونگَ روحِ خدامو شوریاینونَ، تقدیس بینونَ ئو آمَل صالح اِلوم بینونَ.

اَفِسُسیَل 1:7

اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

اَفِسُسیَل 5:8

اَرِیَگه هُمَه زمونی تیَریکی بینو، مِنتائای اِسگَه اِنوم خداون نُیرینو. اِسَه اِجور آیلَل نُیر رفدار بِهَن.

اول تیموتائوس 6:16

او گه تَنیا کسی کَ گه نَمِرَ، او گه لیز گِرتیَس اِنوم نُیری گه کس نِمَتونی نزیکا بوتی، هُیچ‌کس هرگِس او نِئیَسی ئو نِمَتونی بوئینتی، عزّت ئو سِلطنت تا ابد اَری بوتی. آمین.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

عِبرانیَل 9:14

چَنی ویشتِر، خوین مسیح گه وَه‌سونگَ روحِ ابدی، ووژ بی‌عِو پیشکَش کِردی اَر خدا، وِژدان ایمَه اژ کارَل بی‌ثمر پاکا مِهِه تاگَه خِلمت اژ خداءِ زِنی بِهِیم!

یعقوب 1:17

هر پیشکَشی خاص ئو هر پیشکَشی کامل اژ بِلِنگَ ئو اژ جونِم باوَه نُیرِلَ ماءَ هُار گه اِنوم او نه هُیچ تغییری هَس ئو نه هُیچ سای اژ تغییر.

اول پطرس 1:19

بلکِم وَه خوین خیمتی مسیح، اِجور خوین وَرکی بی‌عِو ئو بی‌لکَه.

اول یوحنا 1:3

ایمَه اَ کلومَ گه دیمونَ ئو شنَفتِمونَ اِلومَ مِهِیم اَر هُمَه تاگَه هُمِه‌یش وَه‌گَرد ایمَه رِقیفیتو داشدوئی؛ ئو مِنتائای رِقیفی ایمَه وَه‌گَرد باوَه ئو وَه‌گَرد کُری عیسی مسیحَ.

اول یوحنا 1:5

یَسَ پِغومی گه اژ اومو شنَفتیَ ئو اِلومَ مِهِیم اَرِنتو: خدا نُیرَ ئو اصِلا تیَریکی اِنوم نیِ.

اول یوحنا 5:6

یَه هَر اَوَه‌‌سَ گه وَه آو ئو خوین هات، یانی عیسی مسیح. نه فَخَد وَه آو، بلکِم وَه آو ئو خوین؛ ئو روحِ خداءَ گه شاتیَ مِ، اَرِیَگه روحِ خدا، حخیختَ.

اول یوحنا 5:8

روحِ خدا ئو آو ئو خوین؛ ئو ایی سِئَه یَکِن.

دوئِم یوحنا 1:4

مِه فِرَه خَوشالا بیم گه فیَمیم بِری اژ آیلَلِت هَراَ جورَ گه اژ باوَه فِربونمو گِرتیَ، اِنوم ’حخیخت‘ زِنِه‌یَ مَهَن.

سِئِم یوحنا 1:4

هُیچی ویشتِر اژ یَه مِه خَوشالا نِمِهِه گه بشتوئِم آیلَلِم اِنوم ’حخیخت‘ زِنِه‌یَ مَهَن.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 12:11

ئو اونَ وَه خوین وَرک، ئو کلوم شاتی ووژو فائق هاتنی اَری. اَرِیَگه گیو ووژو دوسو ناآشدیَ، جُ‌جُ تا مِردِن.

مِکاشفَه 7:14

مِه وِتم‌ئون: «اِاِ آقا، تونَ مَذانین.» ئو او وِتی‌ئونِم: «یوئنَ هَراَ کسَلِنَ گه اژ عذاو کَلِنگ هاتِنَسَ دِریر، اونَل چوخائَل ووژون اِ خوین وَرک شوریَ ئو اِسبیا کِردیَ.