اول یوحنا 1:3 - کتاب مقدس به زبان لکی - گویش مرکزی

³ ایمَه اَ کلومَ گه دیمونَ ئو شنَفتِمونَ اِلومَ مِهِیم اَر هُمَه تاگَه هُمِه‌یش وَه‌گَرد ایمَه رِقیفیتو داشدوئی؛ ئو مِنتائای رِقیفی ایمَه وَه‌گَرد باوَه ئو وَه‌گَرد کُری عیسی مسیحَ.

اول یوحنا 1:3 Iomraidhean Croise

یوحنا 17:11

ویشتِر اژ یَه اِنوم دنیا نِمَمینِم، مِنتائای اونَ هَنی هان اِنوم دنیا؛ مِنَ مام اَرِه تک تو. اِ باوَه قدوس، وَه دیار سر اونَلی بو گه وَه قدِرت نُم ووژِت داتَسَ مِه، تاگَه یَکی بوئن، هَرهُنَ گه ایمَه یَکی کیم.

یوحنا 17:21

تاگَه کُل یَکی بوئن، هَرهُنَ گه تو اِ باوَه هاین اِنوم مِه ئو مِن‌یش هام اِنوم تو. هُنَ بِهَه گه اون‌یش اِنوم ایمَه بوئن، تاگَه دنیا ایمو باری گه تو مِنِت کِل‌کِردیَ.

یوحنا 17:25

«اِ باوَه صالح، دنیا تو نِمَشتاسی، مِنتائای مِه تونَ مَشتاسِم، ئو یوئنَ فیَمینَ گه تو مِنِت کِل‌کِردیَ.

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

یوحنا 19:35

اَوَه گه یَه دیتی، شاتیَ مِ تاگَه هُمِه‌یش ایمو بارینو. شاتی او راسَ ئو، اوءَ مَذانی گه حخیختَ موشی.

کارَل رسولَل 13:32

«اِسگَه ایمَه خَوَر خَوش اَ وَدِه‌ی گه خدا دائیتیَ باوَه‌لمو، مِیم‌ئونتو،

کارَل رسولَل 13:41

«”سِیل کَن، اِاِ کسَلی گه تیزمَتَلَ مِهِینو، واقتونِ دَم بِپَری ئو هِلاک بوئن، اَرِیَگه مِه اِ روژِگار هُمَه کاری مَهَم، گه جُ‌جُ اَرّ یَکی اَرِنتو بوشتیا هرگِس باوارتو نِماو.“»

کارَل رسولَل 2:42

اونَل هَر ووژو وَخمِ تیَلیم گِرتِن اژ رسولَل ئو رِقیفی ئو کُت کِردِن نون ئو دوعا کِردِنونَ مَهَرد.

کارَل رسولَل 20:27

اَرِیَگه مِه بی‌کمِ‌کسر، کُل کلوم خدام اِلوم کِردیَس اَرینتو.

کارَل رسولَل 4:20

اَرِیَگه ایمَه نِمَتونیم اَ چیئَه گه دیمونَ ئو شنَفتِمونَ، تیَریف نِهِیم.»

رومیان 15:27

اونَل ووژو صِلائو دی ایی کارَ بِهَن؛ ئو اِراسی دِن اونَل اِ مِلو بی، اَرِیَگه اَرّ خِرِیهودیَل اِنوم بِرَکتَل روحانی یهودیَل هُم‌بیَرا بینَ، یهودیَل‌یش باس هَرهُنَ اِنوم خِلمت بِرَکتَل مالی اونَل، هُم‌بیَرا بوئن.

اول قرنتیان 1:30

وَه‌سونگَ اوءَ گه هُمَه هاینون اِنوم مسیحْ عیسی، اَوَه گه اژ جونِم خدا اَرِه ایمَه بیَسَ حکمت، صالح‌بیئین، قدوسیّت ئو آزدی.

اول قرنتیان 1:9

اَمونتدارَ خدای گه هُمَه دَوَت کِردیَسیَ رِقیفی وَه‌گَرد کُری، خداونمو عیسی مسیح.

اول قرنتیان 15:1

اِسگَه بِرال، میا انجیلی بارمَ ویرتو گه موعظَه‌م اَرِه کِردینو، هَراَ انجیلَ گه قبولتو کِردیَ ئو سفدِسخد هوسیاینونَسی اَر سر

دوئِم قُرَنتیان 13:14

فیض خداون عیسی مسیح ئو مِحبت خدا ئو رِقیفی روح‌القدس، وَه‌گَرد کُلتو بو.

اَفِسُسیَل 3:6

اَ رازَ یَسَ گه خِرِیهودیَل‌یش اِنوم مسیح ئو وَه‌سونگَ انجیل، هُم‌میراتِن ئو عضا یِه لارِن ئو اِ وَدَه او هُم‌بیَرِن.

فیلیپیَل 1:7

ایی حخَ دیرِم گه اِبارَه کُل هُمَه هُنَ فگِر بِهَم، اَرِیَگه هاینونِ نوم قلب مِن‌اِر، اَرِیَگه کُل هُمَه اِنوم فیض خدا وَه‌گَرد مِه هُم‌بیَرینو، هم اِ زندونی بیئِنِم ئو هم اِ دَفاع اژ انجیل ئو ثابت کِردِن دُریسی اَوَه.

فیلیپیَل 2:1

اِسَه اَرّ دلگرمی‌ای اِنوم مسیح هَس، اَرّ دلگُوئی اژ مِحبت هَس، اَرّ رِقیفی اِنوم روحِ خدا هَس، اَرّ ریَم ئو دلسوزی هَس،

فیلیپیَل 3:10

تاگَه مسیح ئو قدِرت زِنیابیئِنی بشتاسِم ئو اِ عذاوَلی شریک بوئمی، اِ مرگی بوئم اِجور او.

کولُسیَل 1:13

اَرِیَگه قدِرت تیَریکی اژ ایمَه آوشدیَسِ لا ئو جاوازمو کِردیَسیَ پاتِشائی کُر عزیزگرامی ووژ،

اول تِسالونیکیَل 1:10

ئو چیَمَ‌رئی هاتِن کُر خدا اژ آسمو بوئینو، گه خدا او اژ مِردیَل زِنیا کِردی، یانی عیسی گه ایمَه اژ خَضوئی گه میا بای، نجادَ مِ.

اول تیموتائوس 6:2

اونَلی گه اَرباوَلو ایمودارِن، نَباس وَه خاطر بِرائیو کمتِر عزّت بِنِن اَرِنو. بلکِم برعسک، باس جُ‌جُ بیتِر خِلمت بِهَن، اَرِیَگه فادَه خِلمَتونَ مَرَسی کسَلی گه ایمودار ئو عزیزِن. ایی چیئِلَ تیَلیمو دَ ئو تشویقو کَ اَنجومو دَن.

عِبرانیَل 2:12

هُنَ گه اِنوم کِتاو زبور داوودَ موشی: «نُم تون اَر بِرالِم اِلومَ مَهَم؛ ئو اِنومجا جیَمیَت سروء شگِرتَ مَحیوَنِم.»

عِبرانیَل 3:1

اِسَه اِاِ بِرالِم، اِاِ مقدّسَل گه اِ دَوَت آسمونی هُم‌بیَرینو، چیَمتون اَر عیسی بو گه او اَ رسول ئو کاهن اعظمَ‌سَ گه اعترافَ مِهِیمی اَری.

عِبرانیَل 3:14

اَرِیَگه اِنوم مسیح هُم‌بیَرا بیمونَ، اَرّ اِراسی تاگَه آخِر بچسبیمون اَر اَ اطمینو اول ووژمونا.

اول پطرس 5:1

مِه گه ووژِم اژ شیخَلِم ئو شات عذاوَل مسیح بیم ئو هُم‌بیَر جِلالی گه آشگارَ ماو، پَنَ میَمَ شیخَلی گه هانِ نومتون‌اِر:

دوئِم پطرس 1:16

اَرِیَگه وخدی قدِرت ئو هاتِن خداونمو عیسی مسیحمو اِلومَ مَهَرد اَرِنتو، وَه دُم پاچائَلی گه وَه رِنگَری دُریس بینَ، نوئیمو، بلکِم عظَمت اومونَ چیَم دوئی.

اول یوحنا 1:1

اَ چیئَه گه اژ اول بی، اَ چیئَه گه شنَفتمو، ئو وَه چیَمَلمو دیمو، اَ چیئَه گه سِیلمونَ بی کِرد ئو دَسمو نا اَر قِ، اِبارَه کلوم ژییاینَ.

اول یوحنا 1:5

یَسَ پِغومی گه اژ اومو شنَفتیَ ئو اِلومَ مِهِیم اَرِنتو: خدا نُیرَ ئو اصِلا تیَریکی اِنوم نیِ.

اول یوحنا 1:7

مِنتائای اَرّ اِنوم نُیرَ مَچیم‌َ رئیا، هَرهُنَ گه خدا ها نوم نُیراِر، وَه‌گَرد یَک رِقیفی دیریم ئو خوین کُری، عیسی مسیح ایمَه اژ کُل گنائَل پاکا مِهِه.