اول یوحنا 1:2 - کتاب مقدس به زبان لکی - گویش مرکزی

² ایی ژییاینَ آشگارا بی؛ ئو ایمَه اَومونَ دیَ ئو اَر اَوَه شاتیَ مِیم. ایمَه ژییاین ابدی‌ای اِلومَ مِهِیم اَرینتو، گه اَرتَک باوَه بی ئو آشگارا بی اَر ایمَه؛

اول یوحنا 1:2 Iomraidhean Croise

یوحنا 1:18

هُیچ‌کس هرگِس خدا نِئیَسی. مِنتائای اَ یَکونَه کُر خدا گه ها باووش باوِه‌اِر، هَراَ کسَ، خدا شناسونی اَر ایمَه.

یوحنا 1:4

اِنوم او ژییاین بی، ئو اَ ژییاینَ، نُیر آمَل بی.

یوحنا 10:28

مِه ژییاین ابدیَ موئَشخِمَ بینو، ئو هرگِس نابود نِموئن. هُیچ‌کس نِمَتونی اونَل اژ دس مِن اِربِراقِنی.

یوحنا 14:6

عیسی وِتیَ توما: «مِنِم رئی، مِنِم حخیخت، ئو مِنِم ژییاین؛ هُیچ کس نِمای اَرِه تک باوَه مَر وَه‌سونگَ مِنا.

یوحنا 15:27

ئو هُمِه‌یش باس شاتی بِینو، اَرِیَگه اژ اَ اولَ وَه‌گَرد مِه بینونَ.

یوحنا 16:28

مِه اژ تک باوَه هاتِمَ ئو هاتِمَسَ نوم ایی دنیا؛ ئو اِسگَه ایی دنیا مِیلِمَ جا، ئو مَچِم اَرِه تک باوَه.»

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

یوحنا 17:5

ئو اِسگَه باوَه، تونیش اَر تک ووژِت جِلالِم دَ، هَراَ جِلالی گه وِر اژ یَگه دنیا دُریس بو، اَر تک تونِم داشد.

یوحنا 19:35

اَوَه گه یَه دیتی، شاتیَ مِ تاگَه هُمِه‌یش ایمو بارینو. شاتی او راسَ ئو، اوءَ مَذانی گه حخیختَ موشی.

یوحنا 21:14

یَه گِل سِئِم بی گه عیسی دُما زِنیابیئِن اژ مِردیَل، ووژ اَر شاگردَل ظاهر کِردی.

یوحنا 3:13

هُیچ‌کس ویرِ آسمو نَچیَسِ بِلِنگ، مَر اَوَه گه اژ آسمو هاتیَسَ هُار، یانی کُر اِنسو [گه ها نوم آسمون‌اِر].

یوحنا 7:29

مِنتائای مِه اوءَ مَشتاسِم، اَرِیَگه مِه اژ اوئِم ئو او مِه کِل‌کِردیَسی.»

یوحنا 8:38

مِه اژ اَ چیئَه گه اَرتَک باوَه‌م دیمَ قصَه مَهَم ئو هُمَه اَ چیئَه گه اژ باوَه ووژتو شنَفتِتونَ، اَنجومَ مِینو.»

کارَل رسولَل 1:22

یانی اژ زمونی گه یحییِ پِخَمَر عیسی تیَمید داتی تاگَه روژی گه عیسی اژ تک ایمَه ویرِ بِلِنگ بَریا، یَکی اَژینو وَه‌گَرد ایمَه بوءَ شات زِنیابیئِن عیسی.»

کارَل رسولَل 10:41

مِنتائای نه اَر کُل کس، بلکِم اَر شاتَلی گه خدا وِرِکار دیاری کِردوئینی، یانی اَر ایمَه‌لی گه دُما زِنیابیئِنی اژ مِردیَل، وَه‌گَرد او هُاردمون ئو خُرّمو دا.

کارَل رسولَل 2:32

خدا هَر ایی عیسیَ زِنیا کِردی ئو ایمَه کُل شاتیمی.

کارَل رسولَل 3:15

هُمَه سِرآو ژییاینتو کُشت، مِنتائای خدا او اژ مِردیَل زِنیا کِردی ئو ایمَه شات یِئیمَ.

کارَل رسولَل 5:32

ئو ایمَه شاتَل ایی چیئَلیمَ، هَرهُنَ گه روح‌القدس‌یش هَس گه خدا اَوَه داسیَ کسَلی گه اَژی اطاعتَ مَهَنی.»

رومیان 8:3

اَرِیَگه اَ چیئَه گه شریعت وَه خاطر زوئین بیئین جسم نتونستی اَنجوم دِ، خدا اَنجوم داتی. او کُر ووژ وَه دائول جسم گناکار کِل‌کِردی تا ’قُرونی گنا‘ بو، ئو هُنَ گنا اِنوم جسم مَکوم کِردی

غَلاطیَل 4:4

مِنتائای وخدی زمونی گه مَیِّن بیَ، تمومِ‌کمال رَسی، خدا کُر ووژ کِل‌کِردی گه اژ یِه ژَن زاندَه بی ئو اِژیر شریعت هاتَ دی،

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

دوئِم تیموتائوس 1:10

ئو اِسگَه وَه‌سونگَ ظاهربیئِن نجاددهندَه‌مو مسیحْ عیسی، کَتیَسِ در- او گه وَه‌سونگَ انجیل مرگ اژ بِن بِردی ئو زِنِه‌ی ئو ژییاین ابدی آشگار کِردی،

تیتوس 1:2

ایی حخیختَ مِطابق امید اَر ژییاین ابدیَ، گه خدای گه هرگِس دِرو نِموشی، وِر اژ بِنیا زمونَه‌ل وَدَه اَوَه داءَ بینمو،

اول پطرس 5:1

مِه گه ووژِم اژ شیخَلِم ئو شات عذاوَل مسیح بیم ئو هُم‌بیَر جِلالی گه آشگارَ ماو، پَنَ میَمَ شیخَلی گه هانِ نومتون‌اِر:

اول یوحنا 1:1

اَ چیئَه گه اژ اول بی، اَ چیئَه گه شنَفتمو، ئو وَه چیَمَلمو دیمو، اَ چیئَه گه سِیلمونَ بی کِرد ئو دَسمو نا اَر قِ، اِبارَه کلوم ژییاینَ.

اول یوحنا 2:25

ئو یَسَ اَ چیئَه گه او وَدَه داسی‌ئونمو، یانی ژییاین ابدی.

اول یوحنا 3:5

هُمَه مَذانینو گه مسیح ظاهر بی تاگَه گنا اژ بِن بیَری. اِنوم او هُیچ گنای نیَ.

اول یوحنا 3:8

هر کی اِنوم گنا زِنِه‌یَ مِهِه اژ ابلیسَ، اَرِیَگه ابلیس هَر اژ اَ اولا گنا کِردیِ ئو مِهِه. اَژونَبیَ گه کُر خدا ظاهر بی تاگَه کارَل ابلیس باطل کِ.

اول یوحنا 4:14

ئو ایمَه دیمونَ ئو شاتیَ مِیم گه باوَه، کُر ووژ کِل‌کِردی تاگَه نجاددهندَه دنیا بو.

اول یوحنا 4:2

روحِ خدا هُنَ مَشتاسیمو: هر روحی گه اعتراف بِهِه گه عیسی مسیح اِنوم جسمِ بشری هاتیَ، اژ خداءَ.

اول یوحنا 5:11

ئو ایی شاتیَ یَسَ گه خدا ژییاین ابدی داسی‌ئونمو ئو ایی ژییاینَ، ها نوم کُری.

اول یوحنا 5:13

مِه یوئنَتونَ اَرِنَ مَنُیسِنِم تاگَه هُمَه گه وَه نُم کُر خدا ایمو دیرینو، بِذانینو گه ژییاین ابدی دیرینو.

اول یوحنا 5:20

ایمَه مَذانیم گه کُر خدا هاتیَ ئو فیَم داسی‌ئونمو تا او گه حخیختَ، بشتاسیم ئو ایمَه هایم اِنوم او گه حخیختَ، یانی کُری عیسی مسیح. اوءَ خداءِ حخیخت ئو ژییاین ابدی.