Juan 6:5 - Nan kalin Apo Dios

⁵ Idwani, issan nangil-an Jesus isnan angsaangsan ay takho ay cha somag-en ken siya, kinwanina ken Felipe, “Ngag nan angnen tako ay lomako is ipangan tako isnan naycha'y takho?”

Juan 6:5 Iomraidhean Croise

Mateo 15:33

Sa et kinwanin nan disipolosna, “Ento pay nan omanapan tako isna is kaponchag si omanay ay ipakan isnan naycha'y angsan ay katakhotakho?”

Marcos 6:32

Sa cha't nakekecheng ay nenfangka ay inmey isnan mam-aid takho.

Lucas 9:10

Tinmoli nan cheycha'y apostoles, ya infab-aagcha nan am-in ay inang-angnencha. Sa et inayakhan Jesus chaicha yangkhay ay omey isnan ili ay Betsaida.

Juan 1:43

Issan kawaksana, sinmek Jesus ay enpaGalilea. Sa na't inila si Felipe, ya kinwaninan, “Maifoweg ka ken sak-en.”

Juan 1:44

Si Felipe ay nay et ib-an cha Andres ken Pedro ay iBetsaida.

Juan 1:45

Idwani, en inanap Felipe si Natanael, sa na't kanan, “Inchananmi et san takho ay kankanan Moises isnan lenteg, ya san akhes insolat san cheycha'y mamadto ay at omali. Siya si Jesus ay iNazaret ay anak Jose.”

Juan 1:46

Sa et kinwanin Natanael, “Siya pet! Ay ke wad-ay khawis ay malpo id Nazaret?” “Omali ka achi ta ilaem,” kinwanin Felipe.

Juan 1:48

Sa et kinwanin Natanael ken siya, “Ngag nan nangammowam isnan katatakhok?” “Inilak sik-a is kapoon nan kaew ay higos issan sisya'y egay nangayakhan Felipe ken sik-a,” insongfat Jesus.

Juan 4:35

Ad-i ngen wad-ay nan kananyo en, ‘Wad-ay nan epat kayet ay fowan sa et ani’? Kanak magtek, ani et ya! Enmonaang kayo achi ta ilaenyo nan katakhotakho ay maiyalig isnan pakhey ket ay lektat ay nagkhasan ya mabfalin et ay maani.