یونگچیسچانّی دوس 15:3 - New Testament in Ladakhi Langage

³ یانگ کھونگونی خُدے جابستوگپا حضرت مُوسیٰؔ تانگ لوگوی سالکھانّی لو تانگدوگ، ”کیے مسیح خُدے کھیود چان نیرانگی چھاگلاس گُون ٹاگپو تانگ ہالاسشیس اینوگ۔ گیالکھاگ تشانگمے گیالپو۔ نیرانگی زادکھان گُون اوسپا تانگ لدینبا اینوگ۔

Ladakhi

³ ཡང༌ ཁོང༌གུན༌ནི༌ དཀོན༌མཆོག༌གི༌ ཞབས༌ཏོག༌པ༌ མོ༌ཟེས༌ དང༌ ལུ༌གུའི༌ སལ༌ཁན༌ནི༌ ལུ༌ ཏང༌དུག༌, “ཀྱེ༌ གཙོ༌བོ༌ དཀོན༌མཆོག༌ ཀུན༌ཝང༌ ཉེ༌རང༌ངི༌ ཆག༌ལས༌གུན༌ ཀྲག༌པོ༌ དང༌ ཧ༌ལས༌ཤེས༌ ཨིན༌ནོག༌། གྱལ༌ཁམས༌ ཚང༌མའེ༌ གྱལ༌པོ༌། ཉེ༌རང༌ངི༌ ཛད༌ཁན༌གུན༌ འོས༌པ༌ དང༌ དེན༌བ༌ ཨིན༌ནོག༌།

یونگچیسچانّی دوس 15:3 Iomraidhean Croise

ཨིབ༌རི༌པ༌ 3:5

تا حضرت مُوسیٰؔ نی، خُدے میگونلا جابستوگپا ایمان چانجیگ اینپین۔ کھونگی جابستوگپو نی، یونگچیسچانّی توسّی نانّگا خُدے مولّا زادچیسچانّی سپیبو، ناگشے چھولّا اینپین۔

یوہانان 1:17

پیغمبر حضرت مُوسیٰؔ گیُودتے خُدے شریعت گُون نگاتانگونلا سالّا زادتے اینپین، یانگ شزدے تانگ لدینبے لام نگاتانگونلا حضرت عیسیٰ مسیحا گیُودتے سالّا زادتے این۔

یونگچیسچانّی دوس 19:2

کھونگی ٹھیمسچادگون نی اوسپا تانگ ٹانگپو اینوگ۔ کھونگی تے زوگستسونگما جیگسپو گیالسا بابِیلیونلا ٹھیمسچاد زادس، کابوے لوسڈیل نگانپے لاسگونّی دُنیائی می گونلا دِیگپے لامیکا ڈولچوگس۔ خُدے تے بوموبوا، کھونگی جابستوگپاگون سادچیسّی تشابسلا لانسالتے اینوگ۔“

یونگچیسچانّی دوس 14:3

کھونگونی ژوگسٹھیس، سروک یودکھان ژیکو تانگ اُسکیونگونی لدُونلا لو سوماجیگ تانگس۔ تے لوبو خُدے سکیوبّا زادکھاب بُوم چیک نانگ لتونگ جِیبچوجابجی میگون ماستوگس، سوانگ چانگ چھوگّا میدوگ۔

یونگچیسچانّی دوس 17:14

جیگسنانگچانّی سیمسچان تانگ گیالپو رچُوکوے لوگُو نیامپو ماگ تانگین، اِین نانگ لوگُوا تیگونّیکا گیالکھا تھوبین۔ چیازیرنا کھونگ نی مسیح تانگ گیالپوگونّی گیالپو جُوگستے اینوگ۔ کھونگی بودّا زادتے لدامّا زادتے کھونگی نانّگا ایمان چوکھانگون کھونگ نیامپو دوگین۔

یونگچیسچانّی دوس 11:17

کھونگونی مولس، ”کیے مسیح خُدے کھیود چان، نیرانگ داگسا جُوگسکھان تانگ سنگونلا جُوگستے یودکھان اینوگ، نگاجا گُونی نیرانّگا شُکر جُواد، چیازیرنا نیرانگی رانگی وانگ ٹاگپو کولتے نیرانگی وانگثولبو گوزوگّا زادتے اینوگ۔

یونگچیسچانّی دوس 4:8

سروک یودکھان ژیکوا شوگپا ڈوگڈوگ دوگ، تے شوگپاگونّی ستاگیوگ تشانگما میگی گنگستے دوگ۔ یانگ تشاننین میدپا چھادمیدلا تیگونّی جُوروگ، ”ہلژخمہ، ہلژخمہ، ہلژخمہ مسیح خُدے کھیود چان این۔ سنگونلا جُوگستے یودکھان، داگسانگ جُوگستے، یانگ سکیودچیسچان این۔“

یونگچیسچانّی دوس 19:16

کھونگی شالدیگ تانگ کوسیکا ای مینگبو ڈِیستے دوگ، ”گیالپوگونّی گیالپو تانگ تسوبوگونّی مسیح۔“

یونگچیسچانّی دوس 14:8

فرشتا تانگپوے ستینگرانگنے جانیانگ فرشتاجیگ سکیودتے مولس، ”بابلی گیالسا مینگچان نگانپابو شیگستے مید، کابوے دُنیائی گیالکھاگ تشانگمے میگونلا، کھوے لوسڈیلّی دودپا نگانپے چھانگبو تھونگچوگس۔“

تیموتھِی ۱ 1:17

کھونگ نی تھامیدپے گیالپو، جال ماجالکھان، مانے میڈونگسکھان، یانگ کھونگرانگ چیگپو خُدے جُوگستے اینوگ۔ کھونّگا سیوا تانگ سپال گُون، تُوسگیُونّے گیُون تھوبشیگ۔ امین۔

یونگچیسچانّی دوس 1:8

مسیح خُدے مولدوگ، نگا نی الپھا تانگ اومیگا۔ گوزوگ تانگ ستینگجوگبو این۔ نگا نی داگسا یود، سنگونلا یودپین۔یانگ یونگچیسچان تانگ کھیود چان خُدے این۔