پھیلیپیپا 4:3 - New Testament in Ladakhi Langage

³ یانگ نگے ایمان چان ٹوپا کھیرانگی، تے بومو نییسکا تھونچوگچیسّی نانّگا روگس چوس۔ کھونگونی نگا نیامپو حضرت عیسیٰ مسیح گاموےناتسُول شادچیسّی نانّگا ثانٹے سونڈوس چوس، یانگ کلیمینت تانگ نگے جان ٹوپاگون نیامپوانگ لاس چوستے اینپین، کاگونّی مینگ میتشیے شوقبُوئ نانّگا خُدے ڈِیازادتے اینوگ۔

Ladakhi

³ ཡང༌ ངའེ༌ ཨིད༌ཤེས༌ཅན༌ ཕྲོ༌པ༌ ཁྱོ༌རང༌ངི༌, ཏེ༌ བུ༌མོ༌ ཉིས༌ཀ༌ ཐུན༌ཅུག༌ཅེས༌སི༌ ནང༌ང༌ རོགས༌ ཅོས༌། ཁོང༌གུན༌ནི༌ ང༌ ཉམ༌པོ༌ ཡེ༌ཤུ༌ མ༌ཤི༌ཀའེ༌ གའ༌མོའེ༌ ནས༌ཚུལ༌ ཤད༌ཅེས༌སི༌ ནང༌ང༌ སྲན༌ཏྲེ༌ རྩོན༌གྲུས༌ ཅོས༌, ཡང༌ ཀེལེ༌མེནཏ༌ དང༌ ངའེ༌ ཞན༌ ཕྲོ༌པ༌ གུན༌ ཉམ༌པོའང༌ ལས༌ ཅོས༌ཏེ༌ ཨིན༌པིན༌, ཀ༌གུན༌ནི༌ མིང༌ མི༌ཚེའེ༌ སྤེ༌ཆའེ༌ ནང༌ང༌ དཀོན༌མཆོག༌གི༌ བྲིའ༌ ཛད༌ཏེ༌ ཨིན༌ནོག༌།

پھیلیپیپا 4:3 Iomraidhean Croise

ལུ༌ཀ༌ 10:20

ردودگون کھیوجے کھا نیانکھانبویکا گامو ماچو، اِین نانگ کھیوجاگونّی مینگ نامکھے نانّگا ڈِیستے اینکھانبویکا گامو چوس۔“

རོམ༌པ༌ 12:1

نگے لے فونو گون، خُدے کھیوجاگونلا سنینگرجے زادچیسپوے، کھیوجے زوگسپو کھونّگا چھودپا پھولچیسلا، نگے جوجو جوین جُووا پھولّاد، تے زوگسگون سونپو تانگ ہلژخمہ چھودپا یونگّوس، کابوے کھونگ تھوگستھادّا زادچوگاین۔ تینّابو لدینبے کھونّگا چولچیسپو اینوگ۔

རོམ༌པ༌ 16:12

مسیح پھیا لاس ثانٹے چوکھان سپونمو ٹیپھینا تانگ ٹیپھوسا گُونلا یانگ مسیح پھیا ماثانٹے لاس چوسکھان سپونمو چیسپے پارسیسلانگ سلام جُوس۔

རོམ༌པ༌ 16:9

مسیح نانّگا لاس چوکھان نگاجے ٹوپا فونو وربانوس تانگ نگے چیسپے دزاو ستاگیسلانگ سلام جوس۔

پھیلیپیپا 1:12

فونو گُون، نگے سامّاراگ کھیوجاگونلا ایبو گیُوس چھاگوس۔ نگا جونگکھان تشانگمے گاموےناتسُولّی یارگیاسّی نانّگا روگس چوستے این۔

پھیلیپیپا 1:16

یاشے نانّگا مسیح سکورلا شادکھانگونلا، خُدے گاموےناتسُول سکیوبچیسلا نگا یرو بورّا زادکھانبو ہاگوتے اینوگ۔

پھیلیپیپا 1:27

تشانگمیسانگ کھاگچانبو، کھیوجاگونّی مسیح گاموےناتسُولّی پھیا اوسپاچانّی میتشے جیگ پھودگوشیس اینوگ۔ نگا کھیوجاگون یودسا یونگستے تھونگین یا نگا کھیوجاگونّی سکورلا تشورین، گاموےناتسُولّی لونبوے پھیا، کھیوجاگون سیمسّی نانّگا چیگڈیل سونگتے ماگمی چیگی تشولّا نولاین دوگچیسپو نگا گیوسچھین۔

پھیلیپیپا 1:5

چیازیرنا کھیوجاگونّی ایمان چوسپانے پھارلا داگسا تسوگسپا، گاموےناتسُول پھیلچیسّی چھاگلاسّی نانّگا نگا روگس چوینجیگ این۔

پھیلیپیپا 1:7

کھیوجا نگے سنینگی نانّگا لوس پاسانگ، نگے کھیوجا تشانگمے سکورلا تیزوگ سامچیسپو رانگژین اینوگ۔ نگا تسونّی نانّگا یا ٹھیمسکھونّگا گاموےناتسُول سکیوبین، یانگ تیبو لدینبا اینکھانبو ستانین یودڈو، خُدے شزدے گیُودتے کھیوجاگونّانگ نگا نیامپو کھونگی جابستوگی نانّگا ڈِیستے اینوگ۔

پھیلیپیپا 4:2

نگے سپونمو یُوؤدیہ تانگ سْونتْیکے ، کھیوجا نیسکوے نانّگا میڈیگچیس یودکھانگون میدکھان چوستے جوجو تھونشیگ، چیازیرنا کھیوجاگون مسیح اینوگ۔

کولوسیپا 1:7

کھیوجاگونّی تے گاموےناتسُولبو نگاجے چیسپا جابستوگپا ٹوپا اِپفراسی کانے تشورتے این۔ کھو مسیح ایمان چانّی جابستوگپا، نگاجے تشابسلا کھیوجا روگس چوکھانبو این۔

یونگچیسچانّی دوس 13:8

دُنیا مالدانی سانگ سنگونلا، سادکھانّی لوگوی تھامیدپے میتشیے شوقبُوئ نانّگا مینگ ڈِیستے میدکھانّی دُنیائی می گونّی تے سیمسچانبوا چولین،

یونگچیسچانّی دوس 17:8

کھیرانگی تھونگکھان جیگسنانگچانّی سیمسچانبو سنگونماجیگ سونتیا یودپین، داگسا میدتے اینوگ، اِین نانگ کھو تھامانے میدکھانّی سادونگ تینگچانّی نانگنے بینگین، یانگ خُدے کھو توسگیونّی پھیا ٹھیسّتور زادِین۔ دُنیا مالدانی سانگ سنگونلا، تھامیدپے میتشیے شوقبُوئ نانّگا مینگ ڈِیستے میدکھان دُنیائی می گونّی تے جیگسنانگچانّی سیمسچانبو تھونّگاچیگ ہالاسین، چیازیرنا کھو سنگونماجیگ یودپین، داگسا میدتے اینوگ، اِین نانگ یانگسکیار یونگین۔“

یونگچیسچانّی دوس 20:12

تینے نگا شیکھان جیگسپو تانگ نیامشونگ میگون، خُدے جُوگسٹھیسّی لدُونلا لانگستے تھونگ۔ یانگ شوقبُو پھیکھانگونّی ٹوا تھامیدپے میتشیے شوقبُونانگا دوگ۔ کھونگونی چوسکھان شوقبُوگونّی نانّگا ڈِیازادتے یودکھان نانگجین، کھونگونلا ٹھیمسچاد سالدوگ۔

یونگچیسچانّی دوس 20:15

تھامیدپے میتشیے شوقبُوئ نانّگا مینگ ڈِیستے میدکھان گُون، میے بارین یودکھانّی تشوے نانّگا پھانّگا زادس۔

یونگچیسچانّی دوس 21:27

نگانپا چیگّانگ تینانّگا چھا میچوگ، ماتشاد ٹھیلبے لاس چوکھان، یا زون تانگکھانگونّانگ۔ اِین نانگ لوگوی تھامیدپے میتشیے شوقبُوئ نانّگا مینگ ڈِیستے یودکھانّی میگون تینانّگا چھانیانین۔

یونگچیسچانّی دوس 3:5

گیالکھا تھوبکھانگونلانگ شان چانّی کوسلاگ کارپوبو سکوناین۔ نگے کھونگونی مینگبو تھامیدپے میتشیے شوقبُوئ نانگنے ماشیگّا نگارانگی یاب تانگ کھونگی فرشتاگونّی لدُونلا یگون نگے این زیرتے شادین۔