پھیلیپیپا 3:10 - New Testament in Ladakhi Langage

¹⁰ نگا مسیحا شیشیس یانگ شیکھانگونّی ٹونے سونتیا لانّگا زادکھانّی خُدے تے وانگ ٹاگپوے تھونّگومس چھانیینراگ۔ مسیحا نیامپو ردوگنگال تھونگتے کھونگی ڈونگشیسّی نانّگا ڈیس نیینراگ

Ladakhi

¹⁰ ང༌ མ༌ཤི༌ཀ༌ ཤེ༌ཤེས༌ ཡང༌ ཤི༌ཁན༌གུན༌ནི༌ ཕྲོ༌ནེ༌ སོན༌པོ༌ ལང༌ང༌ ཛད༌ཁན༌ནི༌ དཀོན༌མཆོག༌གི༌ ཏེ༌ ཝང༌ ཀྲག༌པོའེ༌ ཐོང༌ངོམས༌ ཆ༌ཉིན༌རག༌། མ༌ཤི༌ཀ༌ ཉམ༌པོ༌ རྡུག༌ངལ༌ ཐོང༌ཏེ༌ ཁོང༌ངི༌ ཀྲོང༌ཤེས༌སི༌ ནང༌ང༌ དྲེས༌ ཉིན༌རག༌

پھیلیپیپا 3:10 Iomraidhean Croise

མད༌ཐཱ༌ 20:23

حضرت عیسیٰ سی کھونگونلا مولس، ”کھیوجاگونّی تانتانلا نگے ردوگنگالّی کورے نانگنے تھونگین ، اِین نانگ نگے یاسپا تانگ یومیکا دوگچوگچیسّی وانگچھا نگا مید۔ نگے یابّی تے ناسّاگون کھونگی لدامّا زادکھانگونّی پھیا ڈالڈیگ زادتے این۔“

یوہانان 10:18

سوجیگّانگ نگے سروک نگے کانے لین مینیان، نگا نگارانگ تھادتے نگاری ثوگپو تانّگاد۔ نگا ایبو تانگچیس یانگ لوگستے لینچیسّی وانگ یود چیازیرنا یاب خُدے نگا کا سالّا زادتے یود۔“

یوہانان 17:3

تھامیدپے میتشے نی، نیرانگ لدینبے خُدے چیگپو تانگ نیرانگی کالا زادکھانّی حضرت عیسیٰ مسیحا شیشیسپو اینوگ۔

རོམ༌པ༌ 8:17

یانگ نگاتانگون کھونگی ٹھوگو این پاسانگ، کھونگی نورسکال لینکھان ماتشاد، مسیحا نیامپو خُدے شان، لینکھانبوانگ اینوگ۔ اِین نانگ کالتیس نگاتانگون کھونگی شان پوے نانّگا ڈیسّادنا، تینے نگاتانگون کھونگی ردوگنگالّی نانّگانگ ڈیسگوس۔

རོམ༌པ༌ 8:29

خُدے کھونگرانگی میگون گوزوگنے پھارلا کھیینّا زادّادپین۔ یانگ کھونگی ثاسپو فونو مانگپوے ٹونے تشانگمیسانگ ٹاگشوگپو گیورچوگّا زادچیسّی پھیا، کھونگی تیگون کھونگرانگی بُوژا ژوگس گیورچیسلا لدامّا زادس۔

རོམ༌པ༌ 8:36

ہلژخمہ شوقبُو بوے نانّگا گیالپو داؤد ّی مولتے اینوگ، ”نیرانگی پھیا نگاجا گُون جاگدانگ سادّوگ۔ نگاجا گُون لُوگ تسوگسلا سکیے چادتے سادّوگ۔“

کورینتھیپའ ۲ 1:10

کھونگی نگاجا گُون شیچیسّی جیگسپاگونّی کانے تھار چوگّا زادتے اینوگ، یانگ یانگسکیار تھار چوگّا زادِین۔ کھونگی یونگچیسچانّی توسّی نانّگانگ، نگاجا گُون تھار چوگّا زادچیسپویکا نگاجا گُونی لوکھیل بورّاد۔

کورینتھیپའ ۲ 1:5

مسیح نانّگا نگاتانگونّی ردوگنگال گُون رگیاسین چھا زانے، نگاتانگی سیمسّی نانّگا ژیدیانگ مسیحا گیُودتے رگیاسین۔

کورینتھیپའ ۲ 13:4

جان اوتھوگسّی نانّگا کھونگ کیانگشینگیکا کیانگستے ڈونگسنانگ، تا داگسا خُدے کھیود ّی نانّگا، کھونگ سونتیا جُوگستے اینوگ۔ تینّا تسوگسلا مسیح نانّگا نگاجا گُونانگ اُتھوکس این، اِین نانگ خُدے وانگ تانگ مسیحا نگاجا نیامپو یودچیسپوے نگاجے کھیوجاگونلا سکیونگین یا روگس چوین۔

گالاتییاپا 2:20

مسیحا کیانگشینگیکا کیانّگا زاد زانے، نگے سنگونّی میتشیبوانگ کیانگستے مید۔ تانیپھارلا ای میتشیے نگے مانپا، مسیحا ای نانّگا جوگسّاد ۔ تا نگے خُدےبوژاےکا، ایمان چوستے ای دُنیائی زوگسپوے نانّگا دوگّاد۔ کھونگی نگا چیسپا زادتے کھونگرانگی سروک، نگے پھیا سالّا زادس۔

گالاتییاپا 6:17

دورلدوسنا تانیپھارلا تیگونّی سکورلا، سوجیگیانگ نگا ناگس ماستانشیگ، چیازیرنا نگے زُوگسپویکا حضرت عیسیٰ سی گیابنے ڈولکھانّی ردوگنگالّی ستاگس گُون پھوگتے یود۔

ایپھیسوسپا 4:13

مسیح تیبو زادِین جوگساین، نامتشوگپا، نگاتانگ تشانگما ایمان تانگ خُدےبوژا شیشیسّی نانّگا چیگڈیل میچھا۔ تینے نگاتانگون ایمانی نانّگا لدانتے دزومسپو اینکھانّی مسیحا ژوگس گیور تھوبین۔

پھیلیپیپا 3:8

اونا نام نگے ما رینچان حضرت عیسیٰ مسیح ا نگوشیشیسپو نیامپو لدورنا تے تشانگما چانگ رین میدتے اینوگ۔ کھونگ نیامپو ڈیل یودچیس تانگ کھونگی اینچیسّی پھیا نگے تے تشانگما کھییمسا ژوگس سیستے، پھانگ تشارتے این۔ یہُودی پے شریعت گون کھانیانچیسپو مانپا مسیح کا ایمان کھیونگچیسپو گیُودتے نگا ٹانگپو تھیازادتے این، چیازیرنا خُدے لدُونلا نگاتانگ ٹانگپو اینچیسپو نی ایمانی کا راگلاستے اینوگ۔

کولوسیپا 1:24

تا کھیوجاگونّی پھیا نگا ناگس تھونگکھانبوا تھادپو راگ، چیازیرنا مسیح کھونگرانگی سکوزوگس، عبادت خانہے پھیا ردوگنگال نامسکھانبوے نانّگا، نگیانگ کھاگنیناین اینوگ۔

کولوسیپا 2:13

دِیگپا تانگ دِیگپے دودپاگونّی کانے میتھارچیسپوے جاستے، رُوحانی تھوگنے کھیوجاگون شیتے اینپین۔ تینیانگ خُدے نگاتانگی دِیگپا تشانگما مُعافی سالّا زادتے، مسیحا نیامپو کھیوجاگون سونتیا لانّگا زادس۔

کولوسیپا 3:1

تا خُدے کھیوجاگون مسیحا نیامپو میتشے سوماجیگی نانّگا لانّگا زاد پاسانگ، کھیوجے نامکھے نانّگا یودکھانگونّی دودپا بورشیگ کارُو مسیحا، خُدے چھاگ یاسپے ٹھیسّیکا جُوگستے یود۔

པི༌ཏྲར༌ 1 1:3

نگاتانگی حضرت عیسیٰ مسیح یاب تانگ خُدا ستودپا پھولشیگ۔ نگاتانگونلا کھونگی سنینگرجے چھینمو زادتے، میتشے سوماجیگ سالّا زادس، چیازیرنا خُدے حضرت عیسیٰ مسیحاشیکھانگونّی ٹونے سونتیا لانّگا زادس۔ تا نگادانگونّیانگ ریوا چھینمو نیامپو میتشے پھودّانوگ۔

پیٹའر ۲ 1:13

نگا سونتیا یودیوت پو، تیگون ایدتو سکولچیس نگے اوسپا سامّاراگ۔

یوہའنའن ۱ 2:3

تا کالتیس نگاتانگونّی خُدے حُکم گیاگون کھانیانّا، تینے نگاتانگونلا کھونگ شیسکھانبو تانتان گیُوس اینوگ۔

یوہའنའن ۱ 2:5

اِین نانگ سوجیگی کھونگی کاگونّیکا لاگلین چوادنا، تانتان تیگونّی نانّگا خُدے دزومسپو چامسپا یودکھانبو تھونّگانوگ، تیبوے نگاتانگون خُدے نیامپو ڈیلتے یودکھانبو نگاتانگونلا ہاگوانوگ۔

یونگچیسچانّی دوس 1:18

نگا سروک سالکھانبو این، نگا شیتے میدپین، تا ستوس، نگا تُوسگیُونّے گیُونّی پھیا سونتیا لوسین؛ یانگ شیچیس تانگ شیکھانگونّی ناسّیکا نگا وانگ یود۔