پھیلیپیپا 2:8 - New Testament in Ladakhi Langage

⁸ کھونگرانگ پاسمو چوا زادتے، شیچیس تشوگپانگ خُدے کھانیانّا زادس، یانگنا ماثانٹے ردوگنگالچانّی کیانگشینگیکا ڈونگشیسپوانگ۔

Ladakhi

⁸ ཁོང༌རང༌ པས༌མོ༌ ཅོའ༌ ཛད༌ཏེ༌, ཀྲོངས༌ཀྲོངས༌ ཚག༌པའང༌ དཀོན༌མཆོག༌གི༌ ཁའ༌ཉན༌ན༌ ཛདས༌, ཡང༌ན༌ མ༌སྲན༌ཏྲེ༌ རྡུག༌ངལ༌ཅན༌ནི༌ རྐྱང༌ཤིང༌ངི༌ཀ༌ ཀྲོང༌ཤེས༌པོའང༌།

پھیلیپیپا 2:8 Iomraidhean Croise

མད༌ཐཱ༌ 17:2

تیرو کھونگونی لدُونلا حضرت عیسیٰ سی سکوزوگس گانگپو گیورتے، کھونگی ژالدونگ نییمے زیر ژوگس یانگ کھونگی نامزا کارپو اوت ژوگس گیور۔

མད༌ཐཱ༌ 26:39

حضرت عیسیٰ سی کھونگونی سانگ ژاپیگ تھاگرینّگا سکیودتے، گییلتے ژالدونگ سا پھابستے، دُعا جوین مولس، ”نگے یابلے، جان تھابسشیگ یودنا ای ردوگنگالّی کوریبو نگے کانے تھینّا زادّانگ، اِین نانگ نگے دودپا نانگجین مانپا، نیرانگی تھوگّونگس نانگجین چوا زاد۔“

མད༌ཐཱ༌ 26:42

لان نیسپا کھونگ ژاپیگ تھاگرینّگا سکیودتے دُعا جوا زادس، ”نگے یابلے، کالتیس ای ردوگنگالّی کوریبو نگے تھونگستے مانے تھین نیانچیس میدنا، نیرانگی تھوگّونگس نانگجین ڈوبشیگ۔“

ལུ༌ཀ༌ 9:29

دُعا جوین یود زانے کھونگی ژالدونگی نانّگا گیورجا یونگس، یانگ کھونگی نامزا ستامینیانچیس ودچان کارپو گیور۔

یوہانان 10:18

سوجیگّانگ نگے سروک نگے کانے لین مینیان، نگا نگارانگ تھادتے نگاری ثوگپو تانّگاد۔ نگا ایبو تانگچیس یانگ لوگستے لینچیسّی وانگ یود چیازیرنا یاب خُدے نگا کا سالّا زادتے یود۔“

یوہانان 14:31

اِین نانگ نگے یابّا چامسپا تانگ کھونگی نگا کا سالّا زادکھان گُون ڈانڈا چوچیسپو دُنیائی می گونلا گیُوس یونگّوس۔ تا لونگس نگاتانگون یکانے چھین۔“

یوہانان 15:10

کالتیس کھیوجے نگے کاگونلا کھانیانّا کھیوجاگون نگے چامسپے نانّگا لوسین کازوگ نگے نگارانگی یابّی کاگونلا کھانیانتے کھونگی چامسپے نانّگا لوستے این۔

یوہانان 4:34

حضرت عیسیٰ سی مولس، ”نگے کھارجیبو نی نگا کالا زادکھانّی خُدے تھوگستھادگون چوچیس تانگ کھونگی چھاگلاس گُون ڈانڈا ڈوبچوگچیسپو این۔

ཆག༌ལས༌གུན༌ 8:33

ٹھیلبا چوینّانگ کھونّگا ٹانگپو شاگس ماچوس۔ کھونگی اولاد ی سکورلا سوینگ شاد مینیان، دُنیائی کانے کھونگی میتشے چھونگونلا کوگستے کھیرس۔“

རོམ༌པ༌ 5:19

می چیگ ای خُدے کھا مینیانچیسپوے، مانگپوجیگ دِیگپاچان گیورچوگس۔ اِین نانگ جانیانگ می چیگی خُدے کھانیانچیسپوے، مانگپوجیگ می ٹانگپو گیور چوگّا زادِین۔

کورینتھیپའ ۲ 8:9

نگاتانگونّی حضرت عیسیٰ مسیح شزدے بو کھیوجاگونلا گیوسیودتے اینوگ۔ جان نامکھے نانّگا کھونگ چھوگپو اِین نانگ ، کھیوجاگونّی تونلا کھونگ نیالباچان گیورّا زادس۔ کھیوجاگون نامکھے نانّگا چھوگپو گیورچوگچیسّی پھیا، کھونگ نیالباچان گیورّا زادس۔

گالاتییاپا 3:13

اِین نانگ نگاتانگ تشانگما شریعتی نگان پھوگکھانّی کانے مسیح رین شالّا زادتے تھار چوگس، نام نگاتانگی چوکھانّی لاس نگانپاگونّی نگانبو، کھونگی کھونگرانگیکا کھورّا زادتے کھونگ کیانگشینگیکا کیانگس۔ چیازیرنا ہلژخمہ شوقبُو بوے نانّگا ڈِیازادتے دوگ، ”لچانگمیکا کیانگسکھان تشانگمالا نگان پھوگستے اینوگ۔“

ཏི༌ཏུས༌ 2:14

نگاتانگون ژانگما چوچیس تانگ دِیگپے ریگس تشانگمانے تھارچوگچیس ماتشاد، سنینگنے لاس زانگپو چوچیسلا رینگسین یودکھانّی کھونگرانگی میگون چوچیسّی پھیا کھونگی کھونگرانگی ثوگپو سالّا زادس۔

ཨིབ༌རི༌པ༌ 12:2

نگاتانگونّی میگون حضرت عیسیٰ سی یکا بورین، کابوے نگاتانگونلا گوٹھید زادتے نگاتانگونّی ایمان بو دزومسپو گیورچوگّا زادّاد۔ کھونّگا ثونگستے یودکھانّی سکیدپوے تھوگیوس یود پاسانگ، ٹھیلبا ماسامّا سنینگروس نیامپو کھونگی کیانگشینگی ردوگنگالبو نامسّا زادس۔ داگسا کھونگ خُدے جُوگسٹھیسّی یاسپا چھوگسلا سیواچانّی ناسّابویکا جُوگستے یودتے اینوگ۔

ཨིབ༌རི༌པ༌ 12:4

دِیگپے گیابگالّا نولاین، کھیوجاگونلا تارُونگ تشوگپا شیچیسّی ردوگنگالبو ماچونّگا اینوگ۔

པི༌ཏྲར༌ 1 2:24

نگاتانگونّی دِیگپے دودپاگون میدکھان تانگ میتشے ٹانگپوجیگ پھودچیسّی پھیا، کھونگی کھونگرانگی سکوزوگسّیکا نگاتانگونّی دِیگپے کھوروبو نامستے، کیانگشینگیکا ڈونگس۔ یانگ مسیح سماکھا گیُودتے نگاتانگون پھانچوگا زادس۔

པི༌ཏྲར༌ 1 3:18

مسیحا نگاتانگونّی دِیگپے تونلا ردوگنگال نامستے توسگیونّی پھیا لانچیگ ڈونگسّا زادس۔ مسیحا ٹانگپو جُوگستے اِین نانگ کھونگ دِیگپاچانگون پھیا ڈونگسّا زادتے نگاتانگون خُدے تانگ نیمو کھیونگا زادس۔ زوگسّی تھوگنے کھونگ ڈونگستے اینپین، اِین نانگ رُوح گیُودتے سونتیا لانّگا زادتے این۔