پھیلیپیپا 2:16 - New Testament in Ladakhi Langage

¹⁶ تھامیدپے میتشے کھیونگکھانّی کا بو ستانپو تھامستے دوگشیگ، تینے حضرت عیسیٰ مسیحالوگستے پھیبسچیسّی جاگّا، کھیوجاگونّی ٹوا نگے سونڈوس تشانگما تونمیدلا ماچھا، نگا کھیوجاگونّیکا پھوسو تشورین۔

Ladakhi

¹⁶ ཐའ༌མེད༌པའེ༌ མི༌ཚེ༌ ཁྱོང༌ཁན༌ནི༌ བཀའ༌བོ༌ སྟན༌པོ༌ ཐམས༌ཏེ༌ དུག༌ཤིག༌, ཏེ༌ནེ༌ ཡེ༌ཤུ༌ མ༌ཤི༌ཀ༌ ལོགས༌ཏེ༌ ཕེབས༌ཅེས༌སི༌ ཞག༌ག༌, ཁྱོ༌ཞ༌གུན༌ནི༌ ཕྲོའ༌ ངའེ༌ རྩོན༌གྲུས༌ ཚང༌མ༌ ཏོན༌མེད༌ལ༌ མ༌ཆའ༌, ང༌ ཁྱོ༌ཞ༌གུན༌ནི༌ཀ༌ ཕོ༌སོ༌ ཚོར༌ཨིན༌།

پھیلیپیپا 2:16 Iomraidhean Croise

མད༌ཐཱ༌ 10:27

نگے کھیوجاگونلا مونڈیگی نانّگا شادکھانگون نییمے اودّی نانّگا شود، کھیوجے نامچھوگی نانّگا شوبستے نگے شادکھانگون کھانگپے کھیتھوگنے کُوچو تانگستے شود۔“

ལུ༌ཀ༌ 12:8

”نگے کھیوجا زیرّاد، میگونّی لدُونلا، حضرت عیسیٰ سی نگے مسیح این زیرکھان تشانگما اِبنِ آدمی خُدے فرشتاگونّی لدُونلا کھونگون کھوے لدینبے لوبٹوگس این زیرین۔

یوہانان 6:63

خُدے رُوح بوے تھامیدپے سروک سالّانوگ، میی سونڈوس گیُودتے تیبو تھوبچیس میدکیاگ۔ نگے کھیوجا زیرکھانگون خُدے رُوح نے این یانگ سروک تانّگانوگ۔

یوہانان 6:68

شمعُوؔن حضرت پطرؔس سی زیرس، ”مسیح لے، نگاجا سویکا چھا؟ تھامیدپے سروک سالکھانّی جالتا نیرانّگا دوگ۔

ཆག༌ལས༌གུན༌ 13:26

”لے فونو حضرت اِبراہیم اولاد تانگ خُدے جیگس تانگ سیوے نانّگا میتشے پھودکھانّی می گُون، ای تھارپے لونبو نگاتانگونّی پھیا کالا زادتے اینوگ۔

کورینتھیپའ ۱ 1:8

نگاتانگونّی حضرت عیسیٰ مسیح ا لوگستے پھیبچیسّی جاگّا، سکیونمیدکھان تھیچیسّی پھیا، خُدے کھیوجاگون شیشی تشوگپا، ایمانی نانّگا ستانپو بورّا زادِین۔

کورینتھیپའ ۱ 9:26

تیبویپھیا نگے بانگتانگ زانے، میگژی نیامپو کومپا ریریے گیابّاد۔ نگا تونتاگ میدپا لونگسپوے نانّگا مولٹھوگ تانگکھانّی می ژوگس مان۔

کورینتھیپའ ۲ 1:14

کھیوجاگونّی نگاجا داگسا سینگ ہاگو ماتھوبنانگ، حضرت عیسیٰ مسیح لوگستے پھیبشیسّی جاگّا، کھیوجاگونّی نگاجا، سالپو چوستے ہاگو پاسانگ، کھیوجاگون نگاجے پھیا پھوسو تشورین کازوگ کھیوجے پھیا نگاجا گُون پھوسو تشورّاد۔

گالاتییاپا 2:2

خُدے نگا سنگون چوگّا زادکھانبوے جاستے، نگا تیرو سونگپین، یانگ یروشالیمّی شریعتی اُسکیونگ اینکھانگون چیگپو یود زانے، نگے یہُودی مانکھان گُونلا گاموےناتسُول شادکھانبوے سکورلا کھونگونلا شادپین، چیازیرنا نگا نگے چوین یودکھان یا چوکھانّی تے سونڈوسگون گودلا سونگتے مانّاہے، سامتے جیگسّادپین۔

گالاتییاپا 4:11

نگا کھیوجاگونّی پھیا جیگسّاراگ، نگے کھیوجے پھیا سونڈوس چوستے لاس چوکھانگون گودلا سونگتے اینتیگ دوگ۔

پھیلیپیپا 1:10

مسیحا لوگستے پھیبچیسّی توس تشوگپا، سیمس لاگمو تانگ نونگسمید لوسشیسّی پھیا، تشانگمیسانگ کھاگچان چی اینکھانبو کھیوجا گیُوس چھاچیسلا، نگے دودپا چواد۔

پھیلیپیپا 1:6

یانگ کھیوجاگونّی سیمسّی نانّگا ای چھاگلاس زانگپوبو گوزوگ زادکھانّی خُدے، حضرت عیسیٰ مسیحالوگستے پھیبچیسّی جاگّا، تے چھاگلاسپو ڈانڈا ڈوبچوگّا زادچیسپو نگا لوکھیل راگ۔

تھیسའلونیکའپའ ۱ 2:19

نگاتانگی حضرت عیسیٰ مسیح لوگستے پھیبستوس، کھونگی سکودونلا نگاجا ریوا، گامو یانگ سیوا تھوبچیسّی گیونتشان سو این؟ کھیوجا مانّا؟

تھیسའلونیکའپའ ۱ 3:5

تیبویپھیا نگا ثانتے دوگ ماتھوبپا، نگے تِیمُتھیُس کھیوجاگونّی ایمان ستانپو لوستے دوگّا میدوگ ستالا کالپین۔ تشود ستاکھانّی تشودپا شیطانی کھیوجا ایمان پھانگچیسّی تشودلتے نانّگا بودچوگستے، نگاجے کھیوجے ٹوا سونڈوس چوکھانگون پھانمیتھوگس گیورچوگثیدچیس اینوگ سامستے نگا جیگسّادپین۔

ཨིབ༌རི༌པ༌ 4:12

تانتانلا خُدے حُکم گون سونپو تانگ شیدچان اینوگ۔ ایبو نی تشانگمیسانگ کھا نونپوچانّی زورنییس یودکھانّی رایَ سانگ نونپو یودتے اینوگ، تیبوے سیمس تانگ سیمسنید یانگ روسپے تھود تانگ روسپے سکانگ گُون چادتے سوسو زاد نیانّانوگ۔ تیبوے نگاتانگونّی نانگکوگی سامتشول تانگ دودپاگون پھیلوگا پھینّگانوگ۔

པི༌ཏྲར༌ 1 1:23

کھیوجاگون رولچیسچانّی ساونّے ماسکییا، سونپو تانگ توسگیون جُوگسکھان خُدے حُکم گیُودتے مانے میرولچیسچانّی ساونّے یانگسکیار سکیستے این۔

یوہའنའن ۱ 1:1

نگاجے کھیوجاگونلا، گوزوگنے پھارلا یودکھانّی میتشیے کے سکورلا شادچیس این، کابوے مولکھانگون نگاجا گُونی تشور یانگ جال۔ اونا رانگی میگنے جیبسال چوستے جال، ماتشاد کھونّگا نگاجا رانگی لاگپا سیسپین۔

یونگچیسچانّی دوس 22:17

ہلژخمہ رُوح تانگ مسیح باگما (یانگنا کھونگی عبادت خانہ) گُونی زیردوگ، ”یونگشیگ۔“ ای لون تشورکھانگونلانگ زیرچوگ، ”یونگشیگ۔“ سکومسکھانگون یونگچوگشیگ، یانگ تھونّگا تھادکھانگونلا سروک تانگکھانّی چھو چھونلا تھونگچوگشیگ۔