پھیلیپیپا 1:11 - New Testament in Ladakhi Langage

¹¹ حضرت عیسیٰ مسیحاگیُودتے، ٹانگپو ڈاسبو یونگکھان نیامپو کھیوجے رانگی میتشیے سکونگشیگ، تیبوے خُدا سپال تانگ ستودپا کھیونّگانوگ۔

Ladakhi

¹¹ ཡེ༌ཤུ༌ མ༌ཤི༌ཀ༌ གྱུད༌ཏེ༌ ཡོང༌ཁན༌ནི༌ ཀྲང༌པོ༌ བྲས༌བུ༌ ཉམ༌པོ༌ ཁྱོ༌ཞའེ༌ རང༌ངི༌ མི༌ཚེའེ༌ སྐོང༌ཤིག༌, ཏེ༌བོའེ༌ དཀོན༌མཆོག༌ག༌ སྤལ༌ དང༌ སྟོད༌པ༌ ཁྱོང༌ང༌ནོག༌།

پھیلیپیپا 1:11 Iomraidhean Croise

མད༌ཐཱ༌ 5:16

تینّا تسوگسلا کھیوجے لاس زانگپوگون تھونگتے میگونّی کھیوجے نامکھا جوگسکھانّی یاب خُدا ستودپا پھولچیسّی پھیا کھیوجے اودّی لتانگسپو کھونگّونّیکا پھوگچوگشیگ۔“

یوہانان 15:16

کھیوجے نگا لدامستے مان، نگے کھیوجاگون لدامستے این۔ نگے کھیوجاگون سونگتے توسگیون لوسشیسّی ڈاسبو سمینچوگچیسلا سکوستے این۔ تینے نگے مینگی نانّگا کھیوجے نگے یابّا چیجیگ ژونانگ سالّا زادِین۔

یوہانان 15:2

ڈاسبو ماچھاگسکھانّی یالگاگون نگے کانے چادتے پھانّگا زادّوگ، یانگ ڈاسبو چھاگسکھانّی یالگاگونلا مانّگا چھاگسشیسّی پھیا گورّا زادّوگ۔

یوہانان 15:8

کھیوجا ڈاسبو مانگپو چھاگستے نگے لدینبے لوبٹوگس اینکھانبو ستان زانے نگے یابّا سپال تھوبین۔

རོམ༌པ༌ 15:28

نگے ای پینے لدوسکھانبو کھونگونلا تانگستے نگارانگی کھاگپو ڈانڈا ڈوبچوگستے ستینگنے، سپینلا چھا زانے، نگا کھیوجا تھوگستے چھین۔

རོམ༌པ༌ 6:22

اِین نانگ کھیوجاگون دِیگپے وانگی یوگنے تھارتے، خُدے تشیوگ گیورتے اینوگ۔ تا کھیوجاگونّی ہلژخمہ چھوگسلا ٹھیدکھانّی لاسگون چوین اینوگ، کابوے ڈاسبو نی تھامیدپے میتشے بُو این۔

کورینتھیپའ ۱ 10:31

تینے تیبوے لانلا، کھیوجاگون زانّانگ، یا تھونگنانگ، یا چیجیگ چونانگ، تے تشانگما خُدے شان ّی پھیا چوشیگ۔

کورینتھیپའ ۲ 9:10

یانگ جینگبادپا ساون ریگّا زادکھان خُدے تاگیانگ سالّا زادّانوگ۔ تینّا زوگی کھونگی کھیوجاگونّی گھوسدومگون ریگّا زادتے کھیوجاگونلا یودکھانگون پھیل چوگّا زادّانوگ۔ تینے کھیوجاگونّی نانّگا سنینگ پھیستے مانّگا تانگچیسّی ستونتھوگس سمینین۔

ایپھیسوسپا 1:12

خُدے دودپابو نی، نگاجا یہُودی پا مسیح کا ایمان چوکھان ٹانگپو میگونّی، کھونّگا سپال تانگ ستودپا کھیونگچیسپو اینپین۔

ایپھیسوسپا 1:14

ہلژخمہ رُوح بو نی، خُدے نگاتانّگا نامکھے نورسکال سالّا زادچیس تانگ نگاتانگون نیوا زادتے، کھونگرانگی میگون گیورچوگّا زادچیسّی، کھونگی کھاچھادپو اینوگ۔ کھونگرانّگا سپال تانگ ستودپا تھوبچیسّی پھیا، خُدے تیبو چوا زادس۔

ایپھیسوسپا 2:10

نگاتانگ داگسا یودکھانبو خُدے چوا زادتے اینوگ۔ خُدے سنگونلا، ڈالڈیگ چوا زادکھانّی لاس زانگپوگون چوچیسّی پھیا، کھونگی نگاتانگون حضرت عیسیٰ مسیح نانّگا، می سوما ریگ چوا زادس۔

ایپھیسوسپا 5:9

تے اودّی زانگپو، ٹانگپو تانگ لدینبا ڈاسبوگون چیگپو سمینّانوگ۔

پھیلیپیپا 4:17

نگے تیبو کھیوجاگونّی نگا سکییس کالتے لیبچیسّی پھیا زیرتے مان اِین نانگ خُدے کھیوجا سالچیسّی شزدے پویکا نانتے سالّا زادچیسلا زیرّاد۔

کولوسیپا 1:10

تینے کھیوجاگونّی چیساتھوگنے مسیحا تھوگستھادچیس تانگ سیوا کھیونگکھانّی میتشے جیگ پھود نیانین۔ کھیوجے میتشے، ڈاسبوی ریگس زانگپو تشانگما سمینتے خُدے شیشیسّی نانّگا مانگنے مانّگا لدانین۔

کولوسیپا 1:6

کھیوجاگونلا تھوبکھانّی تینّا گاموےناتسُولبو دُنیا گانگپوے نانّگا تشورین، یانگ ڈاسبو مانگپوجیگ سمینتے لداناین اینوگ، تینّا ژوگس کھیوجاگونّی میتشیے نانّگانگ لاس چوین اینوگ، نام کھیوجا تانگپورانگ خُدے شزدے سکورلا لدینبابو تشورتے ہاگو۔

تھیسའلونیکའپའ ۲ 1:12

تینے کھیوجے تیتسوگسی میتشے پھودچیسّی جاستے، نگاتانگی حضرت عیسیٰ مسیح ژانلا سیوا تھوبستے، کھیوجاگونلانگ کھونگ نیامپو سیوا تھوبین۔ ای تشانگما نگاتانگونّی مسیح تانگ خُدے حضرت عیسیٰ مسیح شزدے گیُودتے ڈوب تھوبین۔

ཏི༌ཏུས༌ 3:14

نگاتانگی فونو گونّی جانما ایمان چانگونّی لدینبے گھوسدومگون ریگستے کھورانگونّی توسپو لاس زانگپو چوچیسّی نانّگا پھودچیس لوبگوس۔ تینے کھونگونی، تونمیدّی میتشے جیگ میپھود۔

ཨིབ༌རི༌པ༌ 12:11

سکیونگچیسّی توسپو سکیدپو مانپا ردوگنگالچانجیگ یونّگانوگ۔ اِین نانگ ستینگنے یتسوگسّی لامی نانّگا لوبجونگ تھوبکھانگونلا ٹانگپو تانگ جیدیے ڈاسبوگون سمینین۔

པི༌ཏྲར༌ 1 2:12

ایمان میدکھانّی کھییمتشیسپاگونّی ٹوا، کھیوجاگونّی میتشے زانگپوجیگ پھودشیگ، جان کھونگونی کھیوجاگونلا نگانپا چوستے اینوگ زیرتے نیادگال تانگنانگ، کھونگونی کھیوجاگونّی لاس زانگپوگون تھونگچیسپوے، خُدا ستودپا پھولین، نام کھونگ دُنیائیکا ٹھیمسچاد زادّالا سکیودین ۔

པི༌ཏྲར༌ 1 2:5

کھیوجا ردوا سونپو خُدے رُوح بوے بیت المقدِس سیگچیسلا کولّا زادکھان گُون اینوگ، یانگ کھیوجا کھونگی اِمام ہلژخمہ، کاگونّی حضرت عیسیٰ مسیحاگیُودتے خُدے سکوندونلا اوسپا اینکھانّی رُوحانی چھودپا پھولّانوگ۔

པི༌ཏྲར༌ 1 2:9

اِین نانگ کھیوجاگون نی خُدے لدامّا زادکھانّی میگون، گیالریگسّی اِمام ، گیالکھاب ہلژخمہ تانگ خُدے کھونگرانگی میگون اینوگ، تینّابوے جاستے کھیوجاگونلا مونڈیگنے کھونگی معجزہ اودّی نانّگا بودّا زادکھانّی خُدے چھاگلاس زانگپوگونلا کھیوجے ستودپا پھول نیانین۔

པི༌ཏྲར༌ 1 4:14

کالتیس مسیح کا ایمان چوچیسپوے، سپیرا سوگپو زیرتے ٹھیلپا چونا، کھیوجا برکت چان این، چیازیرنا خُدے سپالچانّی رُوح بو کھیوجاگون نیامپو جُوگستے اینوگ۔