تیموتھِی ۲ 4:8 - New Testament in Ladakhi Langage

⁸ تا ٹانگپوے تھورشوگپو نگے پھیا ثونگستے یود، کا بو ٹھیمسچاد سالکھانّی مسیح ٹانگپوے، کھونگ لوگستے پھیبسشیسّی جاگپوا نگا سالّا زادِین۔ یانگ تے شزدے پو نگارانگ چیگپوا مانپا، کھونگ جالچیسلا ماثانٹے دودپا چھینمو بورکھان تشانگمے پھیانگ۔

Ladakhi

⁸ ཏ༌ ཀྲང༌པོའེ༌ ཐོར༌ཤོག༌པོ༌ ངའེ༌ ཕིའ༌ སྲུངས༌ཏེ༌ ཡོད༌, ཀ༌བོ༌ ཁྲིམས༌ཅད༌ སལ༌ཁན༌ནི༌ གཙོ༌བོ༌ ཀྲང༌པོའེ༌, ཁོང༌ ལོགས༌ཏེ༌ ཕེབས༌ཤེས༌སི༌ ཞག༌པོའ༌ ངའ༌ སལ༌ལ༌ ཛད༌ཨིན༌། ཡང༌ ཏེ༌ སོལ༌རས༌པོ༌ ང༌རང༌ ཅིག༌པོའ༌ མན༌པ༌, ཁོང༌ ཇལ༌ཅེས༌ལ༌ མ༌སྲན༌ཏྲེ༌ དོད༌པ༌ ཆེན༌མོ༌ བོར༌ཁན༌ ཚང༌མའེ༌ ཕིའང༌།

تیموتھِی ۲ 4:8 Iomraidhean Croise

མད༌ཐཱ༌ 24:36

”تے تشانگما جونگچیسّی جاگ یا توستش اوت پو خُدے یاب چیگپوا مانے یانگ سوانگ گیوسمید، نامکھے فرشتا یا بُوژانگ۔

མད༌ཐཱ༌ 7:22

خُدے ٹھیمسچادّی جاگّا می مانگپوے نگا زیرین، ’مسیح لے، مسیح لے، نگاجے نیرانگی مِنتخسی نانّگا لونگستان شادپین، میگونّی نانگنے ردودگون پھینگسپین، یانگ معجزہ مانگپو ستانپین۔‘

ལུ༌ཀ༌ 10:12

نگے کھیوجا زیرّاد، خُدے لدامّا زادکھانّی جاگّا، سدُوؔم ڈونگکھیرّی می نگانپاگونّی سانگ تے ڈونگکھیرّی میگونلا چھادپا مانّگا ثانٹے پھوگین۔“

རོམ༌པ༌ 2:5

اِین نانگ کھیوجا سکیونگپو تانگ کھیوجارانگی دِیگپے کانے گیورتے گیودپا میچوچیسپوے، کھیوجے کھیوجارانگیکا جیگسنانگچانّی چھادپا گُون ساگاین اینوگ۔ خُدے تھوگسثوے جاگپو لیبین نام خُدے ٹانگپوے ٹھیمسچادپو سنگونین۔

རོམ༌པ༌ 8:23

یانگ ہلژخمہ رُوح کا بو یونگچیسچانّی برکت گانگپوے کھاگشیگ این، تیبو تھوبکھان نگادانگونّیانگ باردو کھورین تے جاگپوا رینگسین ثونّگانوگ۔ یانگ خُدے سوسبوا لینّا زادکھانّی ٹھوگوگون تسوگسلا، کھونگی نگاتانّگا تھوبتانگ گانگپو سالچیس، ماتشاد زوگسپو سوماجیگی وعدہ زادکھانّی جاگپوے پھیا ریوا ثانٹے نیامپو ثونّگانوگ۔

کورینتھیپའ ۱ 2:9

تینّابویپھیا ہلژخمہ شوقبُو بوے نانّگا مولتے اینوگ ”سوجیگیانگ ماتھونگکھان یا ماتشورکھان یا سامبے نانّگا میدکھانجیگ خُدا چیسپا چوکھانگونّی پھیا ڈالڈیگ چوا زادتے یودتے اینوگ۔“

کورینتھیپའ ۱ 3:13

اِین نانگ ٹھیمسچادّی جاگّا، تے سیگسپون ریرے لاس چوکھانبو، میے گیُودتے سنگوناین۔ تینّا می بوے ستاگچاد چوستے می ریریے لاسگونّی رینتھانگ ستانین۔

کورینتھیپའ ۱ 9:25

میدکھان چھاچیسّی شزدے تھوبچیسلا بانگیوگس تانگکھان تشانگمے کھورانگّون لوبجونگی سچودلامّی نانّگا ستانپو بورّانوگ، اِین نانگ نگاجا گُونی ایبو تھامیدپے شزدے تھوبچیسّی پھیا چواد۔

کورینتھیپའ ۲ 5:2

نگاتانگون داگسا یودکھانّی زوگسپوے نانّگا وتھوگستے، کوسلاگ سوما تسوگسلا نامکھے زوگسپوبو گونچیسلا رینگسین اینوگ۔

پھیلیپیپا 3:11

نگانگ شیکھانگونّی ٹونے سونتیا لانّگا زادچیسّی ریوے نانّگا نگے تیگون چواد۔

کولوسیپا 1:5

تے ایمان تانگ چامسپا گُون کھیوجاگونلا نامکھے نانّگا خُدے بورّا زادکھانّی شزدے ّی ریوابوے کانے یونگستے اینوگ۔ یانگ تے ریوابو کھیوجاگونّی نانّگا یودپین۔نام، کھیوجاگونلا تانگپورانگ لدینبے لون گاموےناتسُولبو تشور۔

تھیسའلونیکའپའ ۱ 1:10

ماتشاد خُدے شیکھانگونّی ٹونے سونتیا لانّگا زادکھان بُوژا حضرت عیسیٰ، نامکھانے لوگستے پھیبسشیسّی پھیا، کھیوجاگون ثونگستے یودکھانبوے سکورلانگ شادّوگ۔ نگاتانگون خُدانے یونگچیسچانّی تھوگسثوے کانے سکیوبّا زادکھانبو حضرت عیسیٰ اینوگ۔

تھیسའلونیکའپའ ۱ 5:4

اِین نانگ چیسپے فونو گون، کھیوجاگون مونڈیگی نانّگا گیوسمیدکھانگون تسوگسلا دُوگستے مان پاسانگ، کونما تسوگسلا تے جاگپو لیب زانے، کھیوجاگون ہا میلاس۔

تھیسའلونیکའپའ ۲ 2:8

تینے تے شریعت میدکھانبو یونگین، اِین نانگ حضرت عیسیٰ مسیح اوگس چیگ نیامپو حکم سالتے ، کھوا پھامکالّا زادِین۔ یانگ کھونگ شان ّی نانّگا سکیودچیسپوے، کھو میدکھان زادِین۔

تیموتھِی ۱ 6:19

تیزوگ چوچیسپوے، کھونگونی یونگچیسچانّی توسّی پھیا کھورانگّونلا نامکھے نانّگا ماگلدان ستانپو تسوگسلا بانگدزود ساگستے بورین، تینے کھونگونی لدینبے نگوسمے میتشیبو تھامس تھوبین۔

تیموتھِی ۲ 1:10

تا کھوم چُوک کھن حضرت عیسیٰ مسیح پھیب چیسپوے، خُدے تیگون سالپو چوستے سنگون چوگّا زادتے اینوگ۔ حضرت عیسیٰ مسیح شیچیسّی وانگبو میدکھان چوا زادتے، گاموےناتسُول گیُودتے لدینبے میتشے تانگ توسگیون سونتیا لوسشیسّی لامبو ستانّا زادتے اینوگ۔

تیموتھِی ۲ 1:12

تیبویپھیا نگا یرو تسونکھانگی نانّگا ردوگنگال تھونگین یود۔ اِین نانگ نگا تیبوے پھیا ٹھیلّا میراگ، چیازیرنا نگا گیوسیود سویکا نگے ایمان چواد، یانگ نگا تانتان لوکھیل راگ، کھونگ لوگستے سکیودچیسّی جاگ تشوگپا کھونگی چھاگّا نگے ستادکھان تشانگما سکیوبستے بورّا زادِین۔

تیموتھِی ۲ 1:18

مسیحا لوگستے پھیبسّی توسلا، مسیح کھوا سنینگرجے زادشیگ۔ اِفسُس سی نانّگا کھوے نگا تسامشیگی جابستوگ گیالّا چوستے جْوس کھانبو تِیمُتھیُس کھیورانّگا گیالّا چوستے گیوس اینّوگ۔

تیموتھِی ۲ 2:5

یانگ سالیانگس سیکھانجیگّا گیالکھے شزدے تھوبّا مانوگ، نامتشوگپا کھونگون ٹھیمسّیکا ڈول میڈول۔

تیموتھِی ۲ 4:1

خُدے تانگ حضرت عیسیٰ مسیح کھونگرانگی گیالثید سکیونگچیسلا سکیود زانے، کھونگی سونپو تانگ شیکھان نیسکوے ٹھیمسچاد زادِین۔ کھونگ نیسکوے سکوندونلا نگے کھیورانّگا سنینگنے سپانگپودّاد۔

ཏི༌ཏུས༌ 2:13

یتسوگسّی میتشے پھود زانے، ریوا نیامپو نگاتانگونّی ٹاگپو خُدے تانگ، کھوم چُوک کھن حضرت عیسیٰ مسیحاگُونی شان سنگونچیسچانّی تے معجزہ جاگپوا ثونگاین۔

ཨིབ༌རི༌པ༌ 12:11

سکیونگچیسّی توسپو سکیدپو مانپا ردوگنگالچانجیگ یونّگانوگ۔ اِین نانگ ستینگنے یتسوگسّی لامی نانّگا لوبجونگ تھوبکھانگونلا ٹانگپو تانگ جیدیے ڈاسبوگون سمینین۔

ཨིབ༌རི༌པ༌ 9:28

تینّا تسوگسلا مسیحا لانچیگ می مانگپوے دِیگپاگونّی چھادپابو نامستے ڈونگسّا زادس۔ نگاتانگونّی دِیگپے چھادپا نامسشیسلا مانپا، کھونّگا ثونگستے یودکھانگون سکیوبچیسلا کھونگ یانگسکیار سکیودّا زادِین۔

ཡ༌ཀོབ༌ 1:12

سنینگروس نیامپو ردوگنگال کھورکھانگونلا، برکت سالین۔ چیازیرنا تشودلتے نانّگا تھارکھییل چھاکھانگونلا، خُدے تھامیدپے میتشیے تاج پو سالّا زادِین، کا بو خُدے کھونّگا چیسپا چوکھانگونلا سالچیسّی وعدہ زادتے این۔

པི༌ཏྲར༌ 1 1:4

تیبو نی نورسکال مانے میرولکھان، مانے تشیتو میچھاکھان تانگ لدانگس مانے مییولکھان کا بو نگاتانگونّی پھیا نامکھے نانّگا بورّا زادتے یود۔

པི༌ཏྲར༌ 1 5:4

لُوگ زی تشانگمے سپونبو، حضرت عیسیٰ سی سنگون زانے، کھیوجاگونلا خُدے چھوگسنے توسگیون لوسشیسّی سپالّی تاج پو تھوبین۔

یونگچیسچانّی دوس 1:7

ستوسشیگ، کھونگ ثینّیکا جُوگستے پھیبسدوگ۔ می تشانگمے کھونگ جالین، یانگ کھونّگا دونگ تسوگسکھانگونّیانگ۔ کھونگی جاستے دُنیائی می تشانگمے ردوگپو چوین۔ تیبو تانتان ڈوبین، امین۔

یونگچیسچانّی دوس 19:11

تینے نگا نامکھا بیستے تھونگ، ستا کارپو یانگ تیبویکا جونکھانبوے جانلا ایمان چان تانگ ٹانگپو جُوروگ، چیازیرنا کھونگی، اوسپا نیامپو ٹھیمسچاد زادتے ٹانگپوے ماگپو سالّا زادّوگ۔

یونگچیسچانّی دوس 2:10

کھیوجاگونلا ردوگنگال تھونگچیسچانبوا ماجیگسشیگ۔ نگے زیرّاد، ردودّی گوبے کھیوجاگونّی ایمان ستاگچاد چوچیسّی پھیا کھیوجا تسونکھانگی نانّگا کاگاین، یانگ کھیوجا، جاگما رچُو تشوگپا ناگس ستانین۔ شیچیس یودنانگ کالتیس کھیوجاگون ایمانی نانّگا ستانپو دوگنا، نگے کھیوجاگونلا تھامیدپے میتشیے تاج پو تانگین۔

یونگچیسچانّی دوس 22:20

ای ڈیسکھان تشانگمے ایمان چانّی گواہ سالّا زادکھانّی مولّا زاد، ”اونا نگا گیوگسپا یونگین۔“ نگا یوحنّانی زیرپین، ”امین، کیے حضرت عیسیٰ مسیح سکیودّا زاد۔“

یونگچیسچانّی دوس 4:10

اُسکیونگ 24 بُوی ژوگسٹھیسّیکا جُوگستے یودکھان کا بو تُوسگیُونّے گیُون جوگسانوگ کھونگی لدُونلا چھاگپھولاین کھونّگا چولس۔ کھونگونی رانگرانگی تاج پو جُوگسٹھیسّی لدُونلا بورتے مولس،

یونگچیسچانّی دوس 4:4

تے ژوگسٹھیسپو یانگ ٹھیس 24 سکورتے دوگ، تیگونّیکا اُسکیونگ 24 جُوگستے یودکھانگونّی نامزا شان چان کارپو یانگ، کھونگونی گویکا سیرّی تاج نامستے تھونگ۔