تیموتھِی ۲ 3:10 - New Testament in Ladakhi Langage

¹⁰ اِین نانگ تِیمُتھیُس، نگے چی لابّاد، نگے میتشے پھودتشول، چی دونّی پھیا نگے میتشے این، نگے ایمان نگے زودپا، نگے چیسپا، یانگ نگے ردوگنگال کھورچیسّی کھیودگون کھیورانّگا گیوس اینّوگ۔

Ladakhi

¹⁰ ཨིན༌ནའང༌ ཏི༌མོ༌ཐི༌, ངའེ༌ ཅི༌ ལབ༌བད༌, ངའེ༌ མི༌ཚེ༌ ཕུད༌ཚུལ༌, ཅི༌ ཏོན༌ནི༌ ཕིའ༌ ངའེ༌ མི༌ཚེ༌ ཨིན༌, ངའེ༌ ཏད༌པ༌ ངའེ༌ ཟོད༌པ༌, ངའེ༌ ཅེས༌པ༌, ཡང༌ ངའེ༌ རྡུག༌ངལ༌ ཁུར༌ཅེས༌སི༌ ཁྱུད༌གུན༌ ཁྱོ༌རང༌ང༌ གྱུས༌ཨིན༌ནོག༌།

تیموتھِی ۲ 3:10 Iomraidhean Croise

ལུ༌ཀ༌ 1:3

گوزوگنے پارلا چی تشانگما گیالّا چوستے سارچود تانگستے نگیانگ جُونگکھانگون تشیر نانگجین، ما سیواچان تھیُفِلُس نیرانگی پھیا ڈِیچیس تھاگچادپین۔

ཆག༌ལས༌གུན༌ 11:23

برنباس تیرو لیبّاچیگ، خُدے شزدے تھونگتے تھاد، یانگ کھونگونلا حضرت عیسیٰ مسیح نانّگا ستانپو دوگچیسلا سونڈوس ثانٹے چوچیسّی سپوسپا سالس۔

ཆག༌ལས༌གུན༌ 2:42

کھونگون رسُول گُونی لابجا لینچیس، ڈیل چوچیس، کھارجی گوستے زاچیس (کابوے نانّگا حضرت عیسیٰ مسیح ایدتو چوین دونتانگ دونچیس) تانگ دُعا جوچیس گُون ما کھاگچان سامستے توسگیون دزومّادپین۔

ཆག༌ལས༌གུན༌ 20:18

اُسکیونگون لیبّاچیگ، حضرت پولُسی کھونگونلا مولس، ”آسیہ نانّگا گومارانگ لیبّی جاگنے داگسا تشوگپا نگے کھیوجاگون نیامپو میتشے کازوگشیگّا پھودس، کھیوجاگونلا گیوس اینّوگ۔

ཆག༌ལས༌གུན༌ 26:4

”نگارانگی یول ماتشاد یروشالیمّی نانّگانگ، نگے چھونگتوسنے پھارلا نگارانگی میتشے کازوگ تشولّا پھودکھانبو یہُودی پا تشانگما گیالّا چوستے گیوسیود۔

རོམ༌པ༌ 16:17

یانگ نگے لے فونو گون، ای جووابو نیانچیسلا نگے سپوسپا تانگید۔ عبادت خانہے نانّگا پوبودکھان تانگ کھیوجا لابکھانّی لابجے گولوگپو لابکھان گُونی کانے شانگ چوشیگ۔ تیگونّے تھاگرینّگا دوگشیگ۔

کورینتھیپའ ۲ 1:17

اِین نانگ کھیوجا کھاچیگی، کھوے تھابسلدینگسگونّی نانّگا گیورجا چیپھیا کھیونّگانوگ زیرتے ٹیثیدچیس اینوگ۔ چی کھیوجاگونّی، نگے نگارانگی تھابسلدینگسگون سامبا ماتانّگا چوستے اینوگ سامّا راگا؟ چی کھیوجاگونّی، نگا دُنیائی می گون ژوگس اینوگ سامّا راگا، کاگونّی ”چوین“ زیرّانوگ اِین نانگ چوا مانوگ؟

ایپھیسوسپا 4:14

یانگ نگاتانگ ٹھوگو چھونگون گُون ژوگس میلوس، کاگون لابجا سومے لونگسراگّونّی ینگونے انگوا ٹھیدچیس، یانگ می سکیونجانگونّی زوسمے تھابسگون گیُودتے گوبسکور نیانّانوگ۔

پھیلیپیپا 2:20

ایکا کھیوجاگون ایمانی نانّگا لدانّادا لدانّا مید سامستے لدینبے تشیرکھا چوکھان کھو مانے یانگسوجیگّانگ مید۔

پھیلیپیپا 2:22

اِین نانگ کھیوجاگونلا تِیمُتھیُس کھورانگ ایمان چان ستانکھانبو گیوس اینّوگ، چیازیرنا کھوے بُوژا جیگی رانگی ابا جابستوگ جوا تسوگسلا، گاموےناتسُول شادچیسّی نانّگا نگا نیامپو جابستوگ جْوس تے این۔

تھیسའلونیکའپའ ۱ 1:5

چیازیرنا نگاجے کھیوجاگونلا گاموےناتسُول شاد زانے، سپیرا چیگپو گیُودتے مانپا خُدے ستوبس نیامپو شادپین، ماتشاد نگاجے شادکھانگون لدینبا اینکھانبوا ہلژخمہ رُوح بوے کھیوجاگونلا سنینگی تھیلنے ایمان شوگس۔ یانگ نگاجے کھیوجاگونّی ٹوا میتشے پھودتشولبو، کھیوجاگونّی پھانتھوگسّی پھیا اینکھانبو، کھیوجاگونلا گیوس اینّوگ۔

تیموتھِی ۱ 1:3

نگا مکدنیہ چھا زانے، نگے کھیورانّگا اِفسُس سی نانّگا دوگچیس تانگ خُدے سکورلا زُوسما لابجا تانگکھانگون گھاگچیسلا ماثانٹے سپوسپا تانگسپین۔

تیموتھِی ۱ 4:6

تِیمُتھیُس کالتیس کھیرانگی فونو گُونلا تیگونّی سکورلا ہاگوچوگنا، کھیرانگ حضرت عیسیٰ مسیح جابستوگپا اوسپاچانجیگ گیورین، کا بو کھیرانگی میتشیے نانّگا ایمانی دینباگون لوبستے، لابجا زانگپوے گیابنے ڈولچیسپوے، شیدچان گیورتے این۔

تیموتھِی ۱ 6:11

تِیمُتھیُس، کھیرانگ خُدا جابستوگ ژوکھانّی میجیگ این پاسانگ، تے نگانپے لاس تشانگمے کانے شورتے سونگ۔ اِین نانگ ٹانگپو، خُدے سچودلامیکا ڈولچیس، ایمان ، چیسپا، ایمانی نانّگا ستانپو دوگچیس تانگ بولمو میتشے جیگی ستینگرانگنے بالنگ تونگ۔

تیموتھِی ۲ 2:22

ژونّوی لوسّی دودپا نگانپاگونّے شورتے ٹانگپو تانگ ایمان چانّی میتشے پھودچیس، چیسپا تانگ، جیدے گُونی گیابنے بانگتونگشیگ، تیگون ماتشاد کھیوجے ڈیل، سیمس لاگمو نیامپو خُدا دُعا پھولکھانگون نیامپو لدانچوگّوشیس اینوگ۔

تیموتھِی ۲ 4:2

سکابس یودڈو، یا میدڈو، خُدے حُکم گون شادچیسلا ڈالڈیگ دوگ۔ زودپا تانگ لابجا زانگپو نیامپو کھیرانگی میگونلا سکیون رجود چوس، لام ٹانگپو ستون، یانگ سپوسپا تونگ۔

تیموتھِی ۲ 4:3

تیزوگ توسشیگ لیباین، میگونّی لدینبا تانگ زانگپوے لابجا گُونلا مانیانّا، کھورانگونّی دودپے گیابنے ڈولین یانگ کھونگی نامچھوگی نیانّیین ڈوکھانگون شادکھانّی گیرگان ریگ ژالین۔

تیموتھِی ۲ 4:7

سالیانگس سیکھانجیگ تسوگسلا، نگیانگ ڈاندور گیالّا چوستے تانگسپین، نگے بانگیوگس تانگ تشارتے این، یانگ نگے ایمان ماپھانّگا ستانپو یود۔

ཏི༌ཏུས༌ 2:7

یانگ کھیرانگی انگ لاس زانگپوگون چوستے کھونگونی پھیا سپیجیگ گیورگوس۔ کھیرانگی لابجابو ٹانگپو تانگ سیمسّی تھیلنے یونگکھانبو ستون۔

ཨིབ༌རི༌པ༌ 13:9

مینڈا مینڈا لابجاگونّی ستینگرانگنے ماچھاشیگ۔ کھارجی زاچیسّی شریعت ثونگکھانگونلا چانگ پھانتھوگس تھوبّا مانوگ۔ تیبویپھیا تے شریعت گون مانپا خُدے شزدے گیُودتے، کھیوجے سیمس گُون شیدچان چوشیگ۔

پیٹའر ۲ 3:11

تا کالتیس ای تشانگما میدکھان چھادنا، کھیوجاگونّی میتشیبو کازوگّا پھودگوس۔ خُدے جاگپوا ثونگتے گیوگسپا لیبچوگچیسلا سونڈوس چوین، کھیوجاگونّی خُدے سچودلامیکا ڈولکھان تانگ ہلژخمہ میتشے جیگ پھودگوشیس اینوگ۔ تے جاگّا نامکھے بارنانگ میا تشیگتے، یانگ تینانّگا یودکھان تشانگما ژوتے میدکھان چھین۔