تیموتھِی ۲ 1:3 - New Testament in Ladakhi Langage

³ تِیمُتھیُس، کھیرانگی پھیا خُدا شُکر جُواد، کھونّگا نگے سیمس لاگمو نیامپو جابستوگ جُواد، کازوگ نگے اتا اپو گونّی جْوس تے اینپین، تشاننین میدپا نگے دُعا گونی نانّگا کھیرانگ ایدتو چواد۔

Ladakhi

³ ཏི༌མོ༌ཐི༌, ཁྱོ༌རང༌ངི༌ ཕིའ༌ དཀོན༌མཆོག༌ག༌ ཐུག༌རྗེ༌ཆེ༌ ཞུའད༌, ཁོང༌ང༌ ངའེ༌ སེམས༌ ལག༌མོ༌ ཉམ༌པོ༌ ཞབས༌ཏོག༌ ཞུའད༌, ཀ༌ཟུག༌ ངའེ༌ ཕ༌མེས༌པོ༌གུན༌ནི༌ ཞུས༌ཏེ༌ ཨིན༌པིན༌, ཉིན༌ཚན༌ མེད༌པ༌ ངའེ༌ མོས༌ལམ༌མི༌ ནང༌ང༌ ཁྱོ༌རང༌ ཨིད༌ཏུ༌ ཅོའད༌།

تیموتھِی ۲ 1:3 Iomraidhean Croise

ལུ༌ཀ༌ 2:37

انے مارانگمو گیورتے ستینگنے کھوے یانگسکیار ناما ماچوس۔ کھو بیت المقدِس نے مانے مابینّگا، تشان تانگ نییما خُدا چولین، نییناس (یانگنا روزا) دُوگستے دُعا چوادپین ۔ تا کھوا لو 84 چھادپین،

ཆག༌ལས༌གུན༌ 22:3

”نگا کِلِکیہ یولجونگسّی تَرسُس گیالسا سکیسکھانّی یہُودی پاجیگ این، اِین نانگ اینّا گیالسے نانّگا لوبپون گملی ایل نے نگا لوبجونگ تھوبتے این۔ کھونگی لوبٹوگس اینپا نگا یہُودیہ پے چھوسٹھیمس تانگ لوگسثول گُون ثونگچیسّی لوبجونگ گیالّا تھوب۔ خُدا نگے سنینگی تھیلنے چیسپا چوسکھانبو لاگلینلا کھیونگسپین، کازوگ دیرینگ کھیوجا تشانگمے چوین اینوگ۔

ཆག༌ལས༌གུན༌ 23:1

حضرت پولُسی یہُودی پے ژوکسپے تھوسمیگونلا زیگستے مولس، ”یہُودی پے فونو گون، دیرینگ تشوگپا نگے خُدے سکوندونلا سیمس لاگمو نیامپو میتشے پھودپین۔“

ཆག༌ལས༌གུན༌ 24:14

”اینّانگ نگے مسیح لامیکا ڈولتے نگاجے اتا اپو گونّی خُدا چولکھانبو لدینبا این کابوا کھونگونی یامتشان سدے زیردوگ، یانگ پیغمبر تانگ شریعتی سپیچھاگونّی نانّگا ڈِیستے یودکھان تشانگمیکا نگے ایمان چواد۔

ཆག༌ལས༌གུན༌ 24:16

تیبویپھیا نگے میتشانگما تانگ خُدے سکوندونلا نگارانگی سیمس لاگمو بورچیسّی سونڈوس چواد۔“

ཆག༌ལས༌གུན༌ 26:4

”نگارانگی یول ماتشاد یروشالیمّی نانّگانگ، نگے چھونگتوسنے پھارلا نگارانگی میتشے کازوگ تشولّا پھودکھانبو یہُودی پا تشانگما گیالّا چوستے گیوسیود۔

ཆག༌ལས༌གུན༌ 27:23

نگے جابستوگ جوکھان خُدے حُکم بوے نگا این، کھونگی فرشتا، تانگ ژانلا نگا یودسا سکیودتے

རོམ༌པ༌ 9:1

نگے زیرکھانبو ٹانگپو یانگ زون تانگستے مانکھانبوے گواہ مسیحا این۔ نگے سیمس تانگ ہلژخمہ رُوح بوے تیبو تانتان چوانوگ۔

کورینتھیپའ ۲ 1:12

نگاجا گُونی لوکھیل تانگ سیمس لاگمو نیامپو زیرنیانین، نگاجا گُون ای دُنیائی می یانگ میگسالّی کھیوجاگون نیامپو دوگ زانے، خُدے سالکھانّی میتشے ہلژخمہ تانگ ٹانگپوے تشولّا پودپین۔ نگاجا گُون میشیسرابسّیکا مانپا، خُدے شزدے کا راگلاستے دوگسپین۔

گالاتییاپا 1:14

یہُودی پے شریعتی نانّگا، نگاتانگ لوچیگپا جانیانگ یہُودی پاگونّی سانگ نگے مانّگا کھاسپا تانگ یارگیاس چوادپین۔ یانگ نگے نگارانگی اتا اپو گونّی لوگثولگون ثونگچیسلا سنینگنے سونڈوس تیگونّی سانگ مانّگا چوسپین۔

ایپھیسوسپا 1:16

نگے دُعا گونّی نانّگا کھیوجاگون ایدتو چوین توسگیون کھیوجاگونّی پھیا خُدا شُکر جُواد۔

تھیسའلونیکའپའ ۱ 3:10

یانگ کھیوجے ایمانی نانّگا گھوسدوم لوستے یودکھان تشانگما سکانگچیسلا نگاجا یانگسکیار کھیوجاگون لدُونلا تھوگ چوگّا زاد جوین، نگاجے تشانّیین میدپا خُدا سنینگی تھیلنے دودپا ثانٹے نیامپو دُعا جُواد۔

تیموتھِی ۱ 1:19

مسیح نانّگا کھیرانگی ایمان بو ستانپو تھامستے دوگ، یانگ کھیرانگی سیمس نونگسمید بور، چیازیرنا می کھاچیگی ای لابجابو پھانگس پاسانگ، کھونگونی ایمان بو ٹھیسّتور سونگتے اینوگ۔

تیموتھِی ۱ 1:5

نگے لابجے میگژیبو نی ایمان یودکھان تشانگما سنینگ زانگپو، سیمس لاگمو تانگ لدینبے ایمان گونّے یونگکھانّی یاشے گانگسچیسپو این۔

تیموتھِی ۱ 5:5

تا نانگتشانگس میدپا چیگپو لوسکھانّی بومو، کھورانگی ریوا خُدے نانّگا بورتے، تشاننین میدپا روگس چوا زاد زیرتے دُعا ژوکھانبو نی نگوسمے انے مارانگمو اینوگ۔

تیموتھِی ۲ 1:5

نگا کھیرانگی لدینبے ایمان بو ایدتوا یونگس، کا بو سنگونلا کھیرانگی ابی لویس تانگ کھیرانگی اما ایونیکے گُونی چوادپین۔ تینّا ایمان بو کھیرانگی نانّگا داگسانگ یودچیسپو نگا لوکھیل راگ۔

تیموتھِی ۲ 3:15

کھیورانّگا ٹھوگوی توسنے پھارلا ہلژخمہ شوقبُو بوے نانگنے لابستے اینپین۔ یانگ تے لابجاگونّی کھیورانّگا حضرت عیسیٰ مسیح نانّگا ایمان چوچیس گیُودتے، تھارپا تھوبچیسلا شیسرابسپو سالتے این۔

ཨིབ༌རི༌པ༌ 13:8

حضرت عیسیٰ مسیحانی سنگونلا، داگسا یانگ توسگیون گیورجا میدپا ژوگس جُوگستے اینوگ۔