تیموتھِی ۱ 4:16 - New Testament in Ladakhi Langage

¹⁶ کھیرانگی میتشے پھودچیس یانگ کھیرانگی لابجاگونلا ستاگچاد چوس، توسگیون تیتسوگس چوین دوگشیگ۔ کالتیس تیزوگ چونا، رانگی میتشے تانگ کھیرانگی لابجا نیانکھانگونّی میتشیانگ سکیوبین۔

Ladakhi

¹⁶ ཁྱོ༌རང༌ངི༌ མི༌ཚེ༌ ཕུད༌ཅེས༌ ཡང༌ ཁྱོ༌རང༌ངི༌ ལབ༌ཞ༌གུན༌ལ༌ སྟག༌ཅད༌ ཅོས༌, ཏུས༌གྱུན༌ ཏེ༌ཙོགས༌ ཅོ༌ཨིན༌ དུག༌ཤིག༌། ཀལ༌ཏེས༌ ཏེ༌ཟུག༌ ཅོ༌ན༌, རང༌ངི༌ མི༌ཚེ༌ དང༌ ཁྱོ༌རང༌ངི༌ ལབ༌ཞ༌ ཉན༌ཁན༌གུན༌ནི༌ མི༌ཚེའང༌ སྐྱོབ༌ཨིན༌།

تیموتھِی ۱ 4:16 Iomraidhean Croise

مارکوس 13:9

”تیتوسلا کھیوجاگون شانگ چوستے دوگ۔ کھیوجاگون تینّا یولّی ٹھیمسکھون گُونی لاگا ستادتے مجلِس گُونی نانّگا کھیوجا ستالچاگ گیابچوگاین۔ نگیکا ایمان یودچیسپوے ٹھیمسچادّالا کالون تانگ گیالپو گونّیکا کھیوجا کھیرین، طِطُس کھیوجا نگا سو اینکھانبوے گواہ کھونگونلا تانگچیسّی سکابس تھوبین۔

ལུ༌ཀ༌ 21:34

”ڈون تانگچیس تانگ راروسشیس تانگ ای میتشیے تشیرکھاگونّی کھیوجاگونّی سیمس خُدانے تھاگرینّگا میکھیرچیسلا شانگ چوس۔ تیزوگ ماچونا، تے جاگپو لیبستے ہونمیدلا کھیوجاگون کھاداین،

ཆག༌ལས༌གུན༌ 26:22

اِین نانگ خُدے نگا دیرینگ تشوگپا سکیوبّا زاد پاسانگ، ایکا لانگستے نیامشونگ تانگ کھاگچان تشانگمے لدُونلا نگے گواہ تانّگاد۔ نگے حضرت مُوسیٰؔ تانگ جان پیغمبر گونّی شریعت گُون مولکھانبوے سانگ تھیباجیگ چانگ مازیرپین،

ཆག༌ལས༌གུན༌ 6:4

تینے نگاجا گُونی توس تشانگما دُعا جوچیس تانگ کا لابچیسّی جابستوگی نانّگا تانگ تھوبین۔“

རོམ༌པ༌ 11:14

اِین نانگ نگے لاسپوے، بنی اِسرائیل پاگونلا کھیوجا یہُودی مانکھان گُونلا یودکھانبویکا تشیگچیس یونگچوگستے کھونگ کھاچیگّانگ سکیوبنیانچیسّی نگے ریوا این۔

རོམ༌པ༌ 16:17

یانگ نگے لے فونو گون، ای جووابو نیانچیسلا نگے سپوسپا تانگید۔ عبادت خانہے نانّگا پوبودکھان تانگ کھیوجا لابکھانّی لابجے گولوگپو لابکھان گُونی کانے شانگ چوشیگ۔ تیگونّے تھاگرینّگا دوگشیگ۔

རོམ༌པ༌ 2:7

خُدے سالّا زادچیسّی سپال، سیوا تانگ مانے میشیچیسّی زوگسپو، زودپا نیامپو لاس زانگپو چوین، تسالکھانگونلا کھونگی تھامیدپے میتشیبو سالّا زادِین۔

کورینتھیپའ ۱ 1:21

دُنیائی می گونلا کھورانگی شیسرابسگون گیُودتے خُدے شیس مینیانچیسپو کھونگی تھاگچادّا زادسپا، خُدے نگاجے تونمیدّی لون شادکھانبوے نانّگا، ایمان چوکھانگون سکیوبّا زادچیسلا تھابسلدینگس زادس۔

کورینتھیپའ ۱ 9:22

نگا ایمانی نانّگا اُتھوکس یودکھانگون نیامپو یود زانے، اوتھوگسگون مسیح نانّگا کھیونگچیسّی پھیا، نگا کھونگونی اوتھوگسّی نانّگا ڈیسّاد۔ میگون سکیوبچیسّی پھیا، نگا می کازوگشیگ یودنانگ تینّا ژوگس گیورّاد۔

کورینتھیپའ ۱ 9:27

نگے نگارانگی زوگسپو نگارانگی وانگی یوگا لوسشیسّی پھیا سالیانگس سیکھانگون تسوگسلا لوبجونگ تانّگاد۔ تے مانّا نگے جانماگونلا خُدے گاموےناتسُولبو شادتے ستینگنے، نگا تھامیدپے شزدے تھوبچیسّی اوسپا میدوگ مولثیدچیسلا جیگسّاراگ۔

ایپھیسوسپا 4:14

یانگ نگاتانگ ٹھوگو چھونگون گُون ژوگس میلوس، کاگون لابجا سومے لونگسراگّونّی ینگونے انگوا ٹھیدچیس، یانگ می سکیونجانگونّی زوسمے تھابسگون گیُودتے گوبسکور نیانّانوگ۔

کولوسیپا 4:17

مسیح فونو ارخِپُس سی لاگا ستادا زادکھانّی لاسپو کھوا ڈانڈا ڈوبچوگچیسلا زیر۔

تھیسའلونیکའپའ ۱ 2:16

یہُودی مانکھان گُونلا تھارپا تھوبچیسّی گاموےناتسُول شادچیسنے نگاجا گھاگچیسّی سونڈوس چوس۔ تیزوگ چوچیسنے، کھونگونی دِیگپابو ساگاین سونگتے خُدے زودپانے تھالتے لیب پاسانگ، تا خُدے تھوگسثو گانگپو تیگونّیکا بابستے اینوگ۔

تیموتھِی ۱ 1:3

نگا مکدنیہ چھا زانے، نگے کھیورانّگا اِفسُس سی نانّگا دوگچیس تانگ خُدے سکورلا زُوسما لابجا تانگکھانگون گھاگچیسلا ماثانٹے سپوسپا تانگسپین۔

تیموتھِی ۱ 4:15

نگے لابجاگونلا سنانّگا بورتے، سنینگ گانگپو نیامپو لاگلین چوس، تینے می تشانگمے کھیرانگ رُوحانی تھوگنے یارگیاس چھاکھانبو، تھونگ تھوبین۔

تیموتھِی ۱ 4:6

تِیمُتھیُس کالتیس کھیرانگی فونو گُونلا تیگونّی سکورلا ہاگوچوگنا، کھیرانگ حضرت عیسیٰ مسیح جابستوگپا اوسپاچانجیگ گیورین، کا بو کھیرانگی میتشیے نانّگا ایمانی دینباگون لوبستے، لابجا زانگپوے گیابنے ڈولچیسپوے، شیدچان گیورتے این۔

تیموتھِی ۲ 2:10

تیبویپھیا خُدے لدامّا زادکھانّی میگونلا تھارپا تھوبچیسلا نگا ردوگنگال چیجیگ چونگنانگ کھورچیسلا تھادپو این۔ تے تھارپابو حضرت عیسیٰ مسیح نانّگا تھامیدپے شان نیامپو دوگچیسپو این۔

تیموتھِی ۲ 3:14

اِین نانگ کھیورانّگا لابجا تھوبکھانگونّیکا ستانپو دُوگستے تیگون لدینبا اینکھانبو ایمان چوس، چیازیرنا کھیورانّگا تے لابکھانّی میگون ایمان چان اینکھانبو گیوس اینّوگ۔

تیموتھِی ۲ 4:2

سکابس یودڈو، یا میدڈو، خُدے حُکم گون شادچیسلا ڈالڈیگ دوگ۔ زودپا تانگ لابجا زانگپو نیامپو کھیرانگی میگونلا سکیون رجود چوس، لام ٹانگپو ستون، یانگ سپوسپا تونگ۔

ཏི༌ཏུས༌ 1:9

لابکھانّی ایمان چانّی لونّیکا کھوا ماثانٹے ایمان یونگّوس، تینے کھوے جانماگونلا لدینبے لابجا نیامپو سپوسپا سکییچوگ نیانین، یانگ تیبوے گیابگال چوکھانگونلا نورتے اینکھانبو ستان تھوبین۔

ཏི༌ཏུས༌ 2:15

کھیرانگی تیگون، ایمان چانگونلا لابستے لاگلینّی نانّگا کھیونگچیسلا سپوسپا تونگ۔ کھونگونی ای لابجاگونّی گیابگال چو زانے، کھیورانّگا کھونگونلا سپوسپا تانگستے سکیونگچیسّی وانگچھا یودتے اینوگ۔ کھیرانگی لابکھانگونلا سوجیگّانگ سنانگمید چو ماچوگ۔

ཏི༌ཏུས༌ 2:7

یانگ کھیرانگی انگ لاس زانگپوگون چوستے کھونگونی پھیا سپیجیگ گیورگوس۔ کھیرانگی لابجابو ٹانگپو تانگ سیمسّی تھیلنے یونگکھانبو ستون۔

پھیلیمون 1:19

تا داگسا نگا حضرت پولُسی نگارانگی لاگپانے ایبو ڈِیاد، نگے تے بولونبو شالاین۔ کھیورانّگا تھامیدپے میتشے تھوبکھانّی نگے بولون یودکھانبو، ایدتو میسکول۔

ཨིབ༌རི༌པ༌ 12:15

خُدے شزدے ماتھوبّا سوجیگّانگ لوس میلوسشیسلا نانگستاگ چوشیگ۔ یانگ توگی پاٹاگ نگانپا گیاستے ناگس ستانچیس تانگ مانگپوا لاسنگانگون چو میچوگچیسلا شانگ چوشیگ۔

ཨིབ༌རི༌པ༌ 13:9

مینڈا مینڈا لابجاگونّی ستینگرانگنے ماچھاشیگ۔ کھارجی زاچیسّی شریعت ثونگکھانگونلا چانگ پھانتھوگس تھوبّا مانوگ۔ تیبویپھیا تے شریعت گون مانپا خُدے شزدے گیُودتے، کھیوجے سیمس گُون شیدچان چوشیگ۔

ཡ༌ཀོབ༌ 5:20

لوگستے کھیونگکھانبوے تے دِیگپاچانبو نیالوے نانگنے تھارچُوگستے دِیگپا مانگپوجیگی کانے مُعافی تھوبچوگسکھانبو کھیوجاگونلا تانتان گیُوس یونگّوس۔