تیموتھِی ۱ 4:1 - New Testament in Ladakhi Langage

¹ ہلژخمہ رُوح بوے سالپو چوستے مولتے دوگ، تھامے توسلا ایمان چوکھان کھاچیگی کھورانگونّی ایمان سپانگستے گوبسکور تانگکھانّی سیمسنید تانگ ردودّی لابجاگونّی گیابنے ڈانگستے چھین۔

Ladakhi

¹ ཏམ༌པའེ༌ ཐུག༌ཉིད༌དི༌ སལ༌པོ༌ ཅོས༌ཏེ༌ མོལ༌ཏེ༌ དུག༌, ཐའ༌མའེ༌ ཏུས༌ལ༌ ཏད༌པ༌ ཅོ༌ཁན༌ ཁ༌ཅིག༌གི༌ ཁོ༌རང༌གུན༌ནི༌ ཏད༌པ༌ སྤངས༌ཏེ༌ གོབ༌སྐོར༌ ཏང༌ཁན༌ནི༌ སེམས༌ཉིད༌ དང༌ རྡུད༌དི༌ ལབ༌ཞ༌གུན༌ནི༌ གྱབ༌ནེ༌ བྲངས༌ཏེ༌ ཆེན༌།

تیموتھِی ۱ 4:1 Iomraidhean Croise

མད༌ཐཱ༌ 18:7

”دِیگپے نانّگا گییلچوگکھان دُنیائی می گونلا تسامشیگی جیگسپا مییونگ۔ تیبو تانتان جونگین، اِین نانگ تیبو جونگ چوگکھانبوا تسامشیگی جیگسپا مییونگ۔

ལུ༌ཀ༌ 17:1

حضرت عیسیٰ مسیح کھونگرانگی لوبٹوگس گونلا مولس، ”دِیگپے نانّگا گییلچوگکھان تانتان جونگین، اِین نانگ تیبو جونگ چوگکھانبوا تسامشیگی جیگسپا مییونگ۔

یوہانان 16:13

میگون ٹانگپوے چھوگسلا ٹھیدکھان ہلژخمہ رُوح سکیودّاچیگ، کھیوجاگونلا خُدے لدینبے لام ستانّا زادّانوگ۔ کھونگی کھونگرانگی چھوگسنے مامولّا یابنے تشورکھان چیگپو مولّانوگ، یانگ کھیوجاگونلا یونگچیسچانّی توسّی سکورلا شادّا زادِین۔

ཆག༌ལས༌གུན༌ 13:2

کھونگون روزا دُوگستے مسیحا چولین یود زانے ہلژخمہ رُوح بوے کھونگونلا مولس، ”نگے بودکھانّی لاس چوچیسلا برنباس تانگ ساؤل نیسکو سکوس۔“

ཆག༌ལས༌གུན༌ 17:18

تیرو ایپیکورپا تانگ ستویکیپا سامتشول سوسویکا ڈولدور چوکھانگونّی حضرت پولُس نیامپو ڈولدور چوچیس گوزوگ چوستے کھاچیگی، ”کھوے چی چھولبے سپیرا زیرّانوگ“ یانگ کھاچیگی، ”کھوے جانما خُداونّی سکورلا شادتے اینتیگدوگ“ زیرس، (چیازیرنا حضرت پولُسی حضرت عیسیٰ تانگ شیکھانگون سونتیا لانگشیسّی سکورلا گاموےناتسُول شادّا زادس)۔

ཆག༌ལས༌གུན༌ 20:23

نگا گیوسیود، ہلژخمہ رُوح بوے گیالسا تشانگمے نانّگا نگے پھیا تسون تانگ ردوگنگال گُون ثونگستے یودکھانبوے سپانگپودّا زادّاد۔

ཆག༌ལས༌གུན༌ 21:11

نگاجے لدُونلا سکیودتے حضرت پولُسی سکیراگسپو نیامپو کھورانگی کونگلاگون لدامستے لونگستان سالس، ”ہلژخمہ رُوح بوے مولدوگ، یروشالیمّی نانّگا یہُودی پے اُسکیونگونی ای سکیراگسی داگپوبو اِیتسوگسلا لدامستے یہُودی مانکھان گُونی لاگا ستادین۔“

ཆག༌ལས༌གུན༌ 28:25

سامتشول سوسوے جاستے کھونگونی نانّگا میڈیگچیس سونگ یانگ کھونگون تیکانے بینگتے چھین یود زانے حضرت پولُسی مولس، ”حضرت یسعیاہ پیغمبر گیُودتے ہلژخمہ رُوح بوے کھیوجے اتا اپو گونلا لدینبا مولتے اینوگ،

کورینتھیپའ ۱ 10:20

مان مانے مان۔ نگے زیرّاد ای قُربان گُون ردودگونلا تانگستے اینوگ، خُدا مانوگ۔ یانگ نگے کھیوجاگون ردودگونّی ٹوا ڈیس میڈیسشیسّی دودپا بورّاد۔

کورینتھیپའ ۱ 11:19

تانتانلا خُدے میگون نگوستاگ چھاچیسّی پھیا کھونگی کھیوجاگونّی ٹوا کھاگ سوسوگون چونگ چوگّا زادتے اینوگ۔

کورینتھیپའ ۱ 12:11

اِین نانگ تے کھیودگون تینّا رُوح چیگ چیگپوے سالّا زادّانوگ۔ می ریریا کازوگ کھیودریگ تھوبین، تیبو کھونگ چیگپوے تھاگچادّا زادّانوگ۔

کورینتھیپའ ۱ 2:10

اِین نانگ تیگون خُدے کھونگرانگی رُوح بوے، نگاتانگونلا سنگون چوگّا زادتے اینوگ۔ ہلژخمہ رُوح لا چیتشانگما تھوگیوس اینوگ، خُدے سانگوا ٹاگپوگونّانگ۔

کورینتھیپའ ۲ 11:3

اِین نانگ شیطان رُول لّا زوستے حضرت حوّا زیرکھانّی بوموبوا گوبسکور تانّگا تسوگسلا، کھوے چی چوستیانگ کھیوجاگونّی سیمس لاگمو تانگ سنینگی تھیلنے مسیحا چیگپوے اینچیسّی دودپے لامنے تھاگرینّگا کھیرّانوگ سامستے نگا جیگسّاراگ۔

کولوسیپا 2:18

پاسمو ستانزون یانگ فرشتا چولچیسّی نانّگا ما تھادپو چوکھانگونلا، کھیوجاگون خُدے لدینبے لامنے تھاگرینّگا کھیر ماچوگشیگ۔ خُدے کھونّگا نییلام گیُودتے تیگونّی سکورلا شادّا زادس زیرّانوگ۔ اِین نانگ کھونگی دِیگپاچان سامباگونّی کھونگون پھوسوچان گیور چوگستے اینوگ۔

تیموتھِی ۲ 3:13

اِین نانگ مینگان تانگ گوبسکورکھان گُون، سوگپو نے تھوشوگ چھوگسلا چھین۔ کھونگونی جانماگونلا گوبسکوراین، یانگ کھورانگّونّانگ گوبسکورّی نانّگا سونگتے اینوگ۔

تیموتھِی ۲ 4:4

کھونگونی نامچھوگّون دینبانے تھاگرینّگا کھیرتے چوسمی رومسگون چھوگسلا گیورین۔

ཡ༌ཀོབ༌ 3:15

تیتسوگسی شیسرابس خُدے چھوگسنے مایونّگا، دُنیائی می ایمان میدکھانگونّی سامتشول تانگ ردود گونّے یونّگانوگ۔

པི༌ཏྲར༌ 1 1:20

کھونگ دُنیا مالدانی سانگ سنگونلا خُدے لدامّا زادتے اینپین۔ اِین نانگ کھیوجاگونّی پھانتھوگسّی پھیا ای ستینگجوگی جاگّونّی نانّگا کھونگ سنگون چوگّا زادتے این۔

پیٹའر ۲ 2:1

کازوگ سنگونما بنی اِسرائیلی میرگیودّی نانّگا، زوسمے پیغمبر مانگپوجیگ یودپین، تینّا تسوگسلا کھیوجاگونّی عبادت خانہے ٹوانگ زوسمے لوبپون مانگپو ریگ تھونگین ، کاگونّی سانگوے نانّگا زوسمے لابجاگون تانگستے ٹھیسّتور چھوگسلا ٹھیداین۔ یانگ رانگی سپونبو مسیح کھونگون کھونگرانگی ٹھاق ّی رین شالتے نیوا زادکھانبوانگ پھانگین۔ تیزوگ چوچیسپوے، کھونگونی کھونگرانگّون گیوگسپا میدکھان چھاچیسپو جونگ چوگستے اینوگ۔

پیٹའر ۲ 3:3

تشانگمیسانگ سنگونلا کھیوجاگونلا ایبو ہاگوگوس، تھامے توسلا دِیگپے دودپا نانگجین رانگی میتشے پھودین، کھیوجے ایمانی کا ٹھیلگود تانگکھانّی میریگ یونگین۔

یوہའنའن ۱ 2:18

چیسپے ایمانی نانّگا ٹھوگوگون، تا تھامے جاگپو نیمو لیبستے اینوگ۔ مسیح ڈاو یونگچیسپو کھیوجاگونّی تشورتے اینوگ، یانگ داگسانگ مسیح ڈاو مانگپوجیگ یونگ تشارتے اینوگ۔ تھامے توس نیموا لیبستے اینکھانبو تیبوے کانے ہاگوانوگ۔

یوہའنའن ۱ 4:6

نگاتانگون خُدانے اینوگ۔ خُدے شیسکھانگونّی نگاتانگی زیرکھانبوا نیانّانوگ، اِین نانگ خُدانے مانکھانگونّی نگاتانگی زیرکھانبوا نیانّا مانوگ۔ تیگون گیُودتے نگاتانگونّی ٹانگپو رُوح تانگ زُوسما سیمسنید شیسّانوگ۔

ཡུ༌དཱ༌ 1:18

کھونگونی کھیوجا شادّا زادس، ”تھامے تُوسلا مسیحا ٹھیلبا چوین، سپیرا تانگکھانّی میگون یونگستے کھورانگونّی دودپا نگانپے لامیکا ڈولین۔“

ཡུ༌དཱ༌ 1:4

نگے تیبو کھیوجاگونلا زیرّاد، چیازیرنا نگانپا می کھاچیگ کھیوجاگونّی عبادت خانہے نانّگا سانگوے تھوگنے ڈیس تشارتے این۔ تیگونّی خُدے شزدے دُونبو گیورتے نگاتانگونلا نگانپے میتشے پھودچیسّی رانگوانگ یودتے اینوگ زیرّانوگ۔ توس مانگپوجیگی سنگونلا تیزوگ میگونلا چھادپا پھوگچیسّی سکورلا ڈِیازادتے اینوگ، چیازیرنا کھونگونی نگاتانگونّی گیالپو تانگ مسیح چیگپو جوگسکھانّی حضرت عیسیٰ مسیحانگولوگ چوروگ۔

یونگچیسچانّی دوس 13:14

جیگسنانگچانّی سیمسچان تانگپوے تشابسلا ستاگس گُون ستانتے، کھوے دُنیائی می گونلا کھوا چھوگس چوچیسلا گوبس سکورس۔ تینے تیگونلا رایَ گیابسکھانّی سماکھا یودتیانگ سونتیا لوستے اینکھانّی جیگسنانگچانّی سیمسچان تانگپوے سکونڈا چوچیسّی کا تانگس۔

یونگچیسچانّی دوس 16:14

تیگون معجزہ ستاگس گُون ستانچیسلا کھیود یودکھانّی ردودگونّی رُوح گون اینوگ، یانگ تیگون دُنیائیکا گیالپو تشانگما یودسا سونگتے مسیح خُدے گیابگالّا خُدے کھیود چانی ٹاگپو ٹھیمسچادّی جاگّا، ماگ تانگچیسلا دزومچوگس۔

یونگچیسچانّی دوس 18:2

تے فرشتابوے کُوچو ثانٹے سالین مولس، ”مینگچان بابلی گیالسابو ٹھیسّتور سونگتے تیبو ردودگون دُوگسے ناسّا، گونگژوگسگونّی ڈانگسا یانگ تشیتو تانگ کھاملوگ چاگونّی تشانگس گیور۔

یونگچیسچانّی دوس 18:23

سکیونگتسے اوت پو یانگسکیار مانے میتُھونگ۔ تھادپوچانّی ماگپا تانگ باگمی سکادگونّانگ یانگسکیار میتشور۔ کھیرانگی تشونگپاگون دُنیا گانگپوے نانّگا تشانگمیسانگ مینگچان تانگ وانگچان گُون اینپین۔ یانگ کھیرانگی جادُو چوستے، دُنیائی می تشانگمالا گوبسکور تانگس۔

یونگچیسچانّی دوس 19:20

اِین نانگ تے جیگسنانگچانّی سیمسچان تانگ کھوے پیغمبر زوسمابو زومس، کابوے جیگسنانگچانّی سیمسچانبوے تشابسلا معجزہ ستاس مینڈا مینڈا ستانّادپین۔ تے ستاگس گُونی میگونلا گوبسکور تانگس پاسانگ، کھونگونی جیگسنانگچانّی سیمسچانی ستاگس پو چوچوگستے کھوے سکونڈابوا سجدہ تانگس یانگ چولس۔ جیگسنانگچانّی سیمسچان تانگ کھوے پیغمبر زُوسما نیسکو سونتیا توگچانّی ردوا میا جینین یودکھانّی تشوے نانّگا پھانگس۔

یونگچیسچانّی دوس 2:11

نامچھوگ یودکھانگونّی نیونشیگ، خُدے رُوح بوے عبادت خانہ گونلا مولکھانبو نیونشیگ۔ گیالکھا تھوبکھانگونلا شیچیس نیسپا زیرکھانّی تھامیدپے چھادپا پھوگچیسّی تھونّگومس مییونگ۔

یونگچیسچانّی دوس 2:17

نامچھوگ یودکھانگونّی نیونشیگ، خُدے رُوح بوے عبادت خانہ گونلا مولکھانگون نیونشیگ۔ گیالکھا تھوبکھانگونلا نگے سانگوے تاگی تانگ مینگ سوما سکوسکھانّی ردوا کارپو تانگین، تینّا ردوا تھوبکھانبوا مانپا یانگ سوانگ تے مینگبو میشیس۔

یونگچیسچانّی دوس 2:29

نامچھوگ یودکھانگونّی نیونشیگ، خُدے رُوح بوے عبادت خانہ گونلا مولکھانگون نیونشیگ۔

یونگچیسچانّی دوس 2:7

نامچوگ یودکھانگونّی نیونشیگ۔ خُدے رُوح بوے عبادت خانہ گونلا مولکھانگون نیونشیگ۔ گیالکھا تھوبکھانگونلا خُدے تشاسّی نانّگا سکیکھانّی، ثوگی لچانگمے شینگتوگ زاچیسلا تھوبتانگ نگے تانگین۔

یونگچیسچانّی دوس 20:10

تینے میتشانگمالا گوبسکور تانگکھانّی ردودگونّی گوبا، توگچانّی ردوا میے ژیناین یودکھانّی تشوے نانّگا پھانگس، کابوے نانّگا جیگسنانگچانّی سیمسچان تانگ پیغمبر زُوسما گُون پھانگستے اینپین۔ یانگ کھونگونلا تُوسگیُونّے گیُون تشاننین میدپا ردوگنگال تھونگین ۔

یونگچیسچانّی دوس 20:8

کھو دُنیائی چھوگس تشانگمے گیالکھاگّی میگونلا گوبسکور تانّگالا گوگ تانگ ماگوگ زیرکھانّی ناسّیکا چھین۔ کھوے میتشانگما چھوگشیگّا ماگی پھیا دزومچوگاین، کا بو تشوے تھاما یودکھانّی پیما سی مینیانچیس ژوگس مانگپو یونگین۔

یونگچیسچانّی دوس 3:13

نامچھوگ یودکھانگونّی نیونشیگ، خُدے رُوح بوے عبادت خانہ گونلا مولکھانگون نیونشیگ۔

یونگچیسچانّی دوس 3:22

نامچھوگ یودکھانگونّی نیونشیگ، خُدے رُوح بوے عبادت خانہ گونلا مولکھانگون نیونشیگ۔

یونگچیسچانّی دوس 3:6

نامچھوگ یودکھانگونّی نیونشیگ، خُدے رُوح بوے عبادت خانہ گونلا مولکھانگون نیونشیگ۔

یونگچیسچانّی دوس 9:20

اِین نانگ تے ناسلوگ جیگسپاگونّی نانّگا ماشیکھان دُنیائی می گونّی رانگی لاس نگانپاگونّے گیودپا ماچوا، تارُوانگ ردود یانگ سیر، مول، راگان، ردوا تانگ شینگ گونّے چوکھانّی سکونڈاگونلا چولدوگ، کاگونلا تھونّگامید، یا تشورّامید، یا ڈولّانگ نیانّامید۔