तीतुस 3:8 - लाहौली बाइबिल

⁸ दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

तीतुस 3:8 Iomraidhean Croise

मत्ती 20:4

दंङ दोतंङ कुहतो, केरे ला दाखो बगीचारिंङ ईलांई, दंङ छि शोतो केतिंङ रमोग। दंङ दोरे ला कम लहज़िमी थल्जी इलिरे।

यहून्नो 12:44

यीशु ज़ि मीहतिंङ जोर रें कुंई, “अच़ि गिऊ टोहकठे विशवास लहज़ा, दोई गिऊ टोहकठे मशत्त पर गिह्बी च़रच़ा परमेश्वरो टोहकठे विशवास लहज़ा।

यहून्नो 5:24

गेह केतंङ साते हेले कुट्रातग, अंऊ गिऊ शिक्षा रेड्रा ते गिह्बी च़रच़ा दोऊ टोहकठे विशवास लहज़ातोर, अनंत जीवन दोऊ शुह; दंङ दोबि सज़ा महा रमोर पर दोरे अनंत कालो सीमी दोरच़ी बचेके इलोर दंङ तुई ए खरकोई जीवनारिंङ अच़ा इलोर।

प्रेरित 12:15

दोच़ी दोरंङ साते कुहतो, “कांह बमजी शुनाह।” पर दुह एनोह गप्पा ओ टोहकठे पक्‍का शुहचे बंङज़िरी कि दिह पतरस ए शुह: दोथर दोरे कुट्री लेहतिर, “दोऊ स्वर्गदूत शोतो।”

रोमियो 4:5

पर अंऊ परमेश्वर रंङ साते जोगे ठहरासिमी थल्जी कम माह लहज़ा पर अंऊ पापी मीहतिंङ धर्मी बणाषा परमेश्वरो टोईच़ी विशवास लहज़ा, दोऊ विशवास दोऊ थल्जी धर्मिकता शोतो।

2 कुरिन्थियों 4:13

पर हेनर प्रचार लहज़ी जारी तच़ातंई छना कुचे हेंदिंङ ध्वांए विशवास तोह, छना भजनकार बि तोहई, अंऊ पवित्र शास्त्रारिंङ च़ेहसी तोह, “गेह परमेश्वरो टोहकठे विशवास लहरिगा, झांह लेह गेह कुईगा।” हेंज़ी ला विशवास लहज़ातंई, झांह लेह हेंज़ी कुट्रातंई।

इफिसियों 4:28

चोरी लहज़ा यह्च़ा चोरी थालोहू; पर दोबि ईमानदारी रंङ साते मेहनत लहज़ी जूंशी तोह, ताकि गरीब मीहतु मदत लहज़िमी थल्जी दोऊ कछंङ छा शोतो।

1 तीमुथियुस 1:15

दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

1 तीमुथियुस 2:8

गेह जुंज़ातग कि हर सभारिंङ गंङमी अंऊ रूठे जीवन श्रींङमातोर, रोहष मेह ए झगड़ा मेह केनातु गुह्ट्र खेका लहच़ी प्रार्थना लोहवा लंहि।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

तीतुस 1:9

दोबि यीशु मसीहू विशवासो जोगे खबरो टोहकठे पक्‍का रंङ विशवास लेह जूंशी तोह अंऊ हेंज़ी सिखाएसी तातंई ताकि दुह ऊईतिंङ हेले ऊ शिक्षा मनेक्च़िमी थल्जी उत्साहित लेह तरपोतो दंङ दोतु गलती माफ लेह तरपोतो।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

तीतुस 2:7

केतिंङ भत्ते धिरा रिंङ हमेशा रूठे कम लहज़ी जूंशी तोह, अंऊ ऊईतु थल्जी इच्च़ा उदाहरण बणेक्पोतो अतु ऊईज़ि हमेशा पालन लोहर। अपेहल काह विशवासी तिंङ परमेश्वरो पाहठी सिखाएच़ातंई, दंङ दोबि रूठे मकसद रंङ साते सिखातु, झांह लेह मीहच़ी कांह आदर लोहर।

तीतुस 3:1

विशवासी मीहतिंङ हिद दिलाएच़ा लोह, कि हाकिम ए अधिकारी तु अधीन बंङज़ु, दंङ दोतु हुकुम मनेक्तु, दंङ ऊईतु थल्जी हर इच्च़ा रूठे कमो थल्जी तेयार बंङज़ुंई,

तीतुस 3:14

सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

फिलेमोंन 1:11

दुह ता मुण्डारि कनु छिल्ल कमो जोगे माह तोहई, पर हेंतेग कनु ए गिऊ थल्जी झुल्लो थल्जी कमो जोगे तोह।

इब्रानियों 10:24

अतंई हेनर इदि-अई दिरंङ साते दाह ए रूठे कमो दोरच़ी इदि-अईदि बि याहब रम्मा लोंहि।

1 पतरस 1:21

यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।