तीतुस 3:7 - लाहौली बाइबिल7 अंऊ दिरिंङ हेनर दुह अनंत जीवन खोकसिमी उम्मीद लेह तरपोंई अंऊ परमेश्वरे हेंदिंङ एनोह कटुरे शुहबिमी वाईदा लाहते। दंङ दि पाहठी ञेंहच़ी ञेंहच़ातोंई छना कुचे परमेश्वरे एनोह मोह्ड़े दाह ओ दोरच़ी हेंदिंङ एनारंङ साते सही ठहराच़ा। Faic an caibideil |
तीतुस 3:7
25 Iomraidhean Croise
झांह लेह मीहच़ी विशवासो दोरच़ी परमेश्वरो वाईदा खोक्तिर। दि दिऊ थल्जी शुहबी ताकि मोह्ड़े दाह दोरच़ी खोकसोतो। दंङ अब्राहमो भत्ते कटुतिंङ दुह वाईदा खोकसोतो। दि सिर्फ दोतु थल्जी मशत पर अंऊ मुसाओ कानूनो अधीन बंङज़ातोर, पर हर इच्च़ा दुह मीहू थल्जी तोह, अंऊ अब्राहमो ठ्रोह विशवासरिंङ श्रींङी बंङज़ा, अंऊ हेंदु भत्ते तु पूर्वज शुह।
तांला हेनर यहुदी विशवासी ञेंहच़ातंई कि मूसा ओ कानूनो भाषे लहज़ा अरिला मीह परमेश्वरो तुईज़ी धर्मी साबित माह शोतो, पर सिर्फ मसीहू टोहकठे विशवास लेह रंङ साते धर्मी ठहरेसोतो। झांह लेह ञेंहच़ी हेंज़ी ला यीशु मसीहू टोईच़ी विशवास लहरिन, कि हेनर कानूनो कमो दोरच़ी मशत, पर मसीहू टोईच़ी विशवास लहज़िमी रंङ साते धर्मी शोंई; छना कुचे कानूनो भाषे लहज़ा ते अरिला मीह धर्मी माह ठहरेसोतो।
विशवासो दोरच़ी ए नूह बि इच्च़ा हढ डढो पाहठी परमेश्वरो दोरच़ी चेतावनी खोकसिरी अंऊ दोई अपेहल खांहषी माह तोई, तांला दोई चेतावनी खोक्शे परमेश्वरो हुकुमो भाषे लहरी, दंङ एनोह टबरातु बचावो थल्जी जहाज़ बणाएति, दंङ नूहो विशवास लहज़िमी तुहई, ऊई मीहरे अंऊ दोच़ी विशवास माह लहरिर, दोतिंङ दोषी ठहराएतिर दंङ दोरे डुमज़े सिए इलिर। नूह परमेश्वरो नज़रारिंङ धर्मी बणेंके इलि, छना कुचे दोई परमेश्वरो टोईच़ी विशवास लाहते।
ध्वांए हे गगसा रे, अपेहल कि केरे इच्च़ा साते बंङज़ातंई दंङ केनातु मेच़ातंङ साते समझदारी रंङ साते व्यवहार लंहि, केतिंङ हिद तहच़ि जूंस कि दू करंङ बे कमज़ोर तोह, झांह लेह केतिंङ दोऊ आदर लेह जूंशी तोह। छना कुचे केहतु झुह्ट दू वरदाना बि सांझा लहज़ातंई अंऊ परमेश्वरे एनोह मोह्ड़े दाह ओ दोरच़ी केतिंङ रांहषी तोह, मतलब अनंत ज़िंदगी ओ वरदान। अगर केरे झांह लोहनि, दंङ परमेश्वर केहतु प्रार्थना रेड्रोतो।
Sanasan