तीतुस 3:6 - लाहौली बाइबिल

⁶ हेंदु उद्धारकर्ता यीशु मसीह छि लहसी ततो दोऊ दोरच़ी परमेश्वरे हेंदिंङ पवित्र आत्मा रांहषी ततो, ताकि दुह हेंदिंङ सामर्थो कम लेह तरपोतो।

तीतुस 3:6 Iomraidhean Croise

यहून्नो 1:16

छना कुचे दोऊ मोह्ड़े दाह ओ परिपूर्णतारंङ साते हेंज़ी भत्ते धिर खोकषातंई मतलब आशीषो टोईच़ी आशीष।

यहून्नो 16:7

तांला गेह केतंङ साते हेले कुट्रातग, कि गिऊ इबि केहतु थल्जी रुठे तोह, छना कुचे अगर गेह य्वातग माह, ता दुह मदतगार केहतु कछंङ माह अपतो, पर अगर गेह योग, ता दोबि केहतु कछंङ च़रपोग।

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

यहून्नो 7:37

तम्बू त्याहरो योहसिमी ध्याड़ा रिंङ, अंऊ मोह्ड़े ध्याड़ा शुहबी, यीशु ज़ि खड़े शुहचे मीहतु हखा हाऊष रेंई कुंई, “अगर अरीया तिस्कररिंङ तोह ता गिऊ कछंङ अतंई दंङ तुंङ।

प्रेरित 10:45

दंङ अंयों ला यहुदी बिशवासी रे पतरस रंङ साते याफा शहरो दोरच़ी अंज़े तोईरे, दोरे भत्ते दि खांई हेरान शुहचे इलिर कि परमेश्वरे महसे रंङ साते पवित्र आत्मा ऊईजाति बि ला रांई।

प्रेरित 2:33

परमेश्वरे यीशु बि भत्ते बे उथड़े ठहरि तचेक खेका लहरी। हेंतेग दुह भत्ते बे उथड़े ठहरि बंङज़ा तोह स्वर्गंङ परमेश्वरो सुचंङ गुहडो हासी। दोबि पवित्र आत्मा रांहषी ततो, दंङ दोई पवित्र आत्मा ञेंतिंङ रांहषी ततो छना कि केहरे तोग रेड्रातंई ए खंड्रातंई।

रोमियो 2:4

छि कांह परमेश्वरो भलाई ए सहनशीलता, दंङ सब्ररूपी धन बि बेकार ञेंच़ातन? दंङ केई दि माह समझेक्च़ातन कि परमेश्वरो भलाई कनिंङ पश्चाताप काराच़ि सिखाएच़ा?

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

इफिसियों 4:2

मतलब भत्ते दीनता ए नम्रता रंङ साते, दंङ धीरज़ तहच़ि दाह रंङ साते इदि-अई दिऊ व्यवहार सहन लंहि।

1 तीमुथियुस 6:17

दि संसारो साहुकारातिंङ हुकुम रांई कि दोरे घमण्डी थाशुंई दंङ एनोह ढबोह टोहकठे विशवास तंही अंऊ कि महस टेम तचेक माह बंङज़ोतो, पर परमेश्वरो टोईच़ी विशवास लोह, अंऊ हेंदु सुखो थल्जी भत्ते धिर महस रंड्रा।

तीतुस 1:4

गेह दि डाक तीतुस बि चेहच़ातग। अंऊ गिऊ थल्जी इच्च़ा योह ठ्रोह तोह छना कुचे कांह ला मसीहू टोहकठे विशवास लहज़ा छना गेह लहज़ातग गेह प्रार्थना लहज़ातग कि बाह परमेश्वर ए हेंदु उद्धार लहज़ा प्रभु यीशु मसीह केतिंङ मोह्ड़े दाह ए शांति रम्मा लोहतो।